اين قطع غيار جين 2 فى الاسكندريه؟ ومين حاجز معايا فى الاسكندريه؟

[nanas]

اولا يا جماعه انا حاجز البرينسيسه جين2 وانشاء الله هستلمها يوم 15 نوفمبير
حد حاجز من الاسكندريه انا حاجز من التوكيل اللى على الطريق الزراعى قبل ابيس
حد حاجز هناك؟
ثانيا عايز اطمن اين اماكن قطع الغيار بالاسكندريه؟
ثالثا انا اول مره اسوق سياره فيها rpm عايز اعرف انقل النقلات عند rpmكام وهل كل نقله لها rpm مختلف (بس ياريت الكلام ده بعد فتره الالف الاولى لانى عارفت انى فى الالف الاولى امشى لحد 100 كم وانقل قبل 3000rpm انا عايز اعرف بعد الفتره دى)
وشكرا لمحبى البرينسيسه

[nanas]

مفيش حد اسكندرانى هنا؟!

[amrcd1]

انا اسكندرانى و حاجز 2009 gen 2

[nanas]

انا اسكندرانى و حاجز 2009 gen 2

اهلا بيك انت فين من زمان انت حاجز فين؟
سالت على اماكن قطع الغيار بالاسكندريه؟

[fighter410]

انا لسه جايب البرنسيسة جين 2 و احب اقولك انى مافيش عربية دلوقتى فى السوق فى الفئه دى زيها
الف مبروك عليك بس لازم تعرف حاجة ان العربية خزانه 40 لتر بس
فيها كمبيوتر ممتاز
بتحرق بنزين كتير قوى بعد ال100 كم/س
بس دى مشكلتها الوحيدة
ياريت ماتنساش تستلم اليوزر مانيوال بتاعك
الف مبروك

[mayki4u]

أنا من اسكندريه وهستلم من التوكيل اللى قبل أبيس زيك
بالنسبه لقطع الغيار هتلاقيها فى شارع صلاح الدين اللى بتدخلله من محطة الرمل او محطة مصر اسأل هناك هيدلوك على كذا واحد بيبيع قطع غيار بروتون ومنها طبعا جين 2 بس انت أصلا هتاخد عربيه جديده يعنى قطع الغيار دى مش هتسأل عنها غير بعد سنتين او تلاته على الاقل وساعتها هتكون العربيه انتشرت طبعا .
ياريت نتقابل ونروح نستلم سوا لو معنكوش مانع

[tutankhamoun]

اولا يا جماعه انا حاجز البرينسيسه جين2 وإن شاء الله هستلمها يوم 15 نوفمبير
حد حاجز من الاسكندريه انا حاجز من التوكيل اللى على الطريق الزراعى قبل ابيس
حد حاجز هناك؟
ثانيا عايز اطمن اين اماكن قطع الغيار بالاسكندريه؟
ثالثا انا اول مره اسوق سياره فيها rpm عايز اعرف انقل النقلات عند rpmكام وهل كل نقله لها rpm مختلف (بس ياريت الكلام ده بعد فتره الالف الاولى لانى عارفت انى فى الالف الاولى امشى لحد 100 كم وانقل قبل 3000rpm انا عايز اعرف بعد الفتره دى)
وشكرا لمحبى البرينسيسه

السلام عليكم
أولا أهلا بيك يا باشا
أنا مش من أسكندرية و الأخوة الأسكندرانية ردوا بما فيه الكفاية

أنا بس عايز أجاوب جزئية سؤال عندك

بالنسبة لعدد لفات الموتور RPM

المفروض أن يتم التغيير عند أفضل نقطة عزم للسيارة في أي سيارة
و لكن تختلف نقطة العزم الأقصى من سياؤة إلى أخرى حسب تكنولوجيا المحرك و صندوق السرعات

في الجين 2
أقصى نقطة عزم هي 4000 لفة - دقيقة
عايز تحرق على الغيارات و تجيب أقصى ما في العربية ... ممكن تغير عند نقطة العزم دي

عايز توفر بنزين شوية ........ و برضه تبقى ماشي هادي
يبقى غير عند 3000 إلى 3500

بعد كدا انت هاتظبط نفسك مع العربية و مع طريقة سواقتك
يعني لو رجليك تقيلة على البنزين أو لاءة

المهم أن نقطة توفير البنزين ( علشان ناس كتير مش فاهمة النقطة دي )
هي عند حوالي 3000 إلى 3500 لفة
بعد كدا العربية بتبدأ تسحب بنزين و الناس تشتكي و تقول العربية بتسحب بنزين

إنما عايز قوة و سحب ......... يبقى استحمل ثمن البنزين
عايز تركب العربية و تستمتع بيها و بثباتها يبقى لازم تهدي في دوسة البنزين

لو أي حدا عايز أي حاجة أو سؤال في الموضوع ده أنا تحت الأمر

و السلام عليكم

[mayki4u]

متشكرين يا عم توووووووووووووووووووووووووووت