انا لسه شايفgen 2 2009 ماشية فى الشارع و مترخصه ملاكى !!!!!!

[amrcd1]

انا لسه شايف gen 2 2009 ماشية فى الشارع و مترخصه ملاكى !!!!!! الكلام ده لسه من ساعة و مترخصه ملاكى اسكندريه و لسه بكياسها......
انا عايز اعرف التوكيل بيدى ناس و ناس بمزاجه ؟ ولا هيا ماشيه ازاى ؟؟؟

[mazagnge]

amrcd1

يا حبيبي في وضع زي دة تقوم رامي نفسك قدام العربية .... و اكيد اكيد ان كنت لسة عايش بعدها كنا عرفنا القصة اية بالتفاصيل .... و دة مش عشانا دة عشان نايل موتورز يا amrcd1


عمو عــــز بيتشاقي يا أولاد ولا اية

[amrcd1]

بص يا مزاجنجى باشا. انا كنت عايز اعمل كده بس مالحقتش .... بس اتاكدت انها من عند عزوو عسان ظهر العربية كان مكتوب عليه ezz el arab
للاسف بكره عز اجازه انا يوم السبت ماورييش حاجه غير التوكيل ويا استلم يا اتخانق .....

[mazagnge]

شوف يا لورد
اللي انا اعرفة ان ال Gen - 2 موجودة من ايام دفعه البيرسونا .... ايوة :k20:

لكن متخزنة في الميناء او الاجراءات بتاعتها ماشية واحدة واحدة لغاية لما البيرسونا يتروج لها شوية ، و يبقي عليها حركة بيع
و كمان يكون دفعه جديدة جت فيبقي العدد الموجود يكفى كل الحاجزين " من صميم افكارى الحتة اللي فاتت دى " لان الحجز علي الجين و المنتظرين كثير مش من الافراد لكن من المعارض الفرعية .
و يمكن الاخ دة راح خد من الميناء و لة علاقات كويسة بالتوكيل
... يعني دفع ، أخد جواب من التوكيل ، خلص في الميناء ، استلم .
وشوف لو انت من اسكندرية تقدر تعمل القصة دى و لا لأ .... دة الميناء فردة كعب .

و السلام ختااااااااام

[Ayman_52]

يــــارب يكــــون ميعـــاد الأستــــلام قــــرب

الف شكر ياباشا عالخبــــر

[nanas]

بص يا مزاجنجى باشا. انا كنت عايز اعمل كده بس مالحقتش .... بس اتاكدت انها من عند عزوو عسان ظهر العربية كان مكتوب عليه ezz el arab
للاسف بكره عز اجازه انا يوم السبت ماورييش حاجه غير التوكيل ويا استلم يا اتخانق .....

طيب يا amrcd1 انا إن شاء الله رايح عز العرب اللى قبل ابيس على الطريق الزراعى يوم لسبت لو انت رايح هناك يوم السبت ممكن نروح مع بعض

[Rafraf]

انا لسه شايف واحده 0 فى طريق النصر فضى ! الجنط جديد و بالاكياس و لكن واخده نمر جديدة

لسه شايفها حتى صاحبها اكان خايف عليها و ماشى على مهله!@

[heshaaam]

مافى ناس كانت مصوراها هى والبيرسونا وواحد قال انه لاقاها ف طنطا واستلام فورى

[Boody8882]

انا لسه شايف واحده 0 فى طريق النصر فضى ! الجنط جديد و بالاكياس و لكن واخده نمر جديدة

لسه شايفها حتى صاحبها اكان خايف عليها و ماشى على مهله!@

دا عز العرب بقى بيخون عينى عينك

[Rafraf]

انا لما سألت قال لى بعد شهر على الاقل!!

امال الناس اللى مستلمه دى حاجزة من سنة ولا ايه؟

[momenhamdy]

انا لما سألت قال لى بعد شهر على الاقل!!

امال الناس اللى مستلمه دى حاجزة من سنة ولا ايه؟

في ناس حجزه من شهر 9 زي الاستاذ ايمن و غيرهم كتير فأكيد دول ليهم الاسبقية في الاستلام
وياريت حضرتك تبلغنا قررت ايه جين 2 و لا FRV
وربنا يوفقك و يوفق الجميع

[mazagnge]

علي فكرة يا جماعه يا ريت اللي شافوا العربية يقولوا لنا الوانها كانت اية ؟؟؟؟

[Rafraf]

momenhamdy
عضو برونزي

والله لسه محتار و لكنى نازل التوكيل بأذن الله بكره و هحكلكم على الى هيحصل هقول له على المشاكل اللى بسمعها عنها! و هل تم اصلاحها فى الـ 2009 ولا لسه زى ماهى؟! و هقول له اعرف الاخ احمد اللى ضحكتوا عليه و اديتولو عربية تعبانه! فـ ما الحل لو اشتريت العربية منكم و حصلها نفس الكلام؟! هشوف معاهم بس عشان ابقى ضامن نفسى و لو هجبت والدى و دخلت دماغه لن اطول الكلام سأحجزها فى وقتها و لو معجبتوش خلينا فى الfrv!

mazagnge
عضو فعال

فـضى

[amrcd1]

طيب يا amrcd1 انا إن شاء الله رايح عز العرب اللى قبل ابيس على الطريق الزراعى يوم لسبت لو انت رايح هناك يوم السبت ممكن نروح مع بعض

ايه يا باشا روحت لعز العرب زى ماقولت ولا لسه ؟؟؟؟
انا ان شاء الله هاروح بكره.

[mayki4u]

اذا كان كده يا amrcd1 أنا ممكن أروح معاك بكره
عشان انا كنت ناوى أروح بعد بكره فابالمره بقى
شكرا