بروتون جين 2

[محمد مجدي محمد]

السلام عليكم ورحمة الله وبركاته
انا قررت اني اشتري سيارة جديدة او مستعملة بس تكون حلوة
ففكرت في الشيفرولية كروز الجديدة سالت في المعرض قالولي بنزين 95
فقولت اشوف الفلوانس لقيت قطع غيارها غالية و فنفس الوقت حكاية الزيت دية
فقفلت منها بصراحة
فقلت اشوف السيراتو لقيت انها مش ثابتة اوي اول فئة مفيهاش abs و كمان قطع غيارها نار
فقلت اشوف الكورولا لقيت واحد اعرفة بيقولي بلاش لانها بتدب في المطبات و عفشتها مش ناعمة
فقولت يبقي هي اللانسر الشارك بس حستها مش حلوة اوي من جوة
قلت اشوف البومة جديدة مالقيتش منها خالص
فقولت خلاص اشتيري مستعمل
و كنت قررت خلاص ياما اشتري كروز او بيجو 3008
بس بعد كدة الناس في البيت محبزوش المستعمل فقولت اخليني في الجديد و اشوف حاجة تكون كويسة
فقولت فقررت اشتري حاجة في حدود 120 الف بالكثير
فقولت اشوف ال301 لقيت في مشاكل في الفرامل
ففولت اسال عن الجين 2 و البيرسونا
نمعلش انا اسف على المقدمة الطويلة دية
فانا عايز اعرف
1.سعر بروتون جين 2 اوتو و في منها 2015
2.سعر بروتون بيرسونا اوتو و في منها 2015
3.عايز اعرف مميزات البروتون جين 2
4.مميزات البيرسونا
5 عيوب الجين 2
6 عيوب البيرسونا
7.اسعار قطع الغيار للجين 2
8.اسعار قطع الغيار البيرسونا
9.هما صناعة اية
10.اعادة البيع
11.انهي احسن البيرسونا ولا الجين 2
و مرة تانية معلش انا اسف علي المقدمة الطويلة دية

[eng.m7md.ali]

اهلا بيك معانا ياباشا

في البداية احب اوضح اني هتكلم عن الجين2 لانها معايا وفي نفس الوقت الكلام هيمشي عالبرسونا لانها زيها

العربية سحبها جميل
ثباتها رائع طبعاً
قاعدتها مريحة وجميلة
فرامل كويسة جداً .. في ناس بتقول ضعيفة انا بقول انها حلوة
تميز .. العربية من سن 2006 في مصر ولحد دلوقتي تحس انها لسة موديل جديد
تكييف قوي
قطع غيارها معقولة جداً وليها بدائل كتير
سواقتها ممتعة
عفشة اعتمادية
توكيل مرضي الي حد ما
سعرها بالنسبة للمنافسين ممتاز بس شايفوا خسارة في اي عربية في مصر

العيوب:
خامات تقفيل جيدة والتقفيل جيد
العزل مش اوي وصوت الموتور عالي .. مفيش مشكلة بالنسبة ليا
عفشة ناشفة .. مفيش مشكلة بالنسبة ليا
لحد دلوقتي عيوبها بالنسبة ليا عادية جداً ومشفتش منها حاجة وحشة

سعرها اوتو ب118900

[Sameyes]

أنا معايا العربية من شهر ١٢ - ٢٠١٤ زيرو موديل ٢٠١٤ (چين ٢ أوتوماتيك)
١- هي هي البيرسونا فيما عدا الآتي:
- البيرسونا عفشة أنعم عكس الچين أنشف (بس بعد صيانة ٥ آلاف بقت أنعم معرفش ليه. هما في التوكيل بيرشو سبراي على العفشة من تحت زي ما تقول كده wd40 "والله أعلم"
- البيرسونا أطول ٣٠ سم (٢٠ في الكنبة الخلفية و ١٠ في الشنطة أو العكس مش فاكر أوي)
- البيرسونا طبعاً سيدان
- مفيش فوانيس شبورة خلفية في البيرسونا فيها عواكس عكس الجين فيها فوانيس شبورة خلفية
- البيرسونا فيها مثبت سرعة مش موجود في الچين
- ممكن لو حد تاني عنده معلومة يقولها
٢- عموماً
- الثبات رائع (مع إني مش بجري كتير بس جربته أكتر من مرة)
- abs و ebd شغالين تمام
- الخامات معقولة لحد كبير والتقفيل متوسط (شخصياً معجبنيش بس شغال)
- الماتور صوته عالي آه بس مش العلو المزعج (مش زي العربيات الكربراتير)
- الفتيس جميل وناعم (ممتاز)
- الفرامل (بص يا سيدي في الأول هتكره نفسك بس بعد ما تتعود عليها مش هيبقى فيها أي مشكلة نهائي بالعكس ممتازة)
- حاجات كتير بعد الصيانات الأولية بتفرق في العربية
- التوكيل زفت ولازم تكون مفتح ورخم (اسف)
- المواصفات مكتوبة عند التوكيل في صفتحته على الفيس ولو محتاج استفسار قولي
- استهلاك البنزين عالي بس بيقل كل شوية لحد لما تفتح الماتور وتلينها بس عموماً الإستهلاك عالي
ايه تاني ؟؟
- لو إفتكرت حاجة تاني هقولها

ملحوظة:
أنا لسه قارى عن الأوبل الإنسجنيا ولاقيت مشاكل كتير (مش علشان أرفع من عربيتي بس قاريت كلام عضو قايل كلام عجبني "المشكلة مش في العربيات المشكلة في إننا هنا كبلد مش مستعدين للتكنولوچيا الحديثة يعني لازم أحط بنزين ٩٥ طب ده كلام حد يدفع في الشهر المبلغ ده كله وهل في أصلاً بنزين ٩٥ -وهو ده اللي بضعف أداء العربيات- غير إن التوكيل مش فاهم فيها حاجة أصلاً.
فمن وجهت نظري المتواضعة إن البروتون تكنولوچيا متوسطة متوافقة مع بلدنا هنا يعني مش هتقرف كتير
نصيحة: حاول تجربها

شكراً

[carrier]

انا ليا رأى ..... بروتون يعنى .... جين2 .... واللى بيركبها بيحب بيشتريها

.... عيوبها دلع .... عفشتها بلا مشاكل خالص ..... وحجاتها معمرة


وهتبقى مبسووط جدا مع سيارة ولا اروع .... وبتتباع فى لحظات

ال جين2 واقفة فى طابوور الكبار ....

ملاءمة جدا لشوارعنا وحوارينا واقاليمنا .....

ليها شخصية وكاريزما بتخطف العين ومن 2006 ومازالت الى الان .... ببرستيج عالى جدا

جين2

طمانينة المرسيدس فى السفر ... وقوة الاودى فى الجرى ... وعفشة اللوتس فى الثبات







__________________

[محمد مجدي محمد]

شكرا ججميعا علي ردكم و شكراً لماعدتكم ليا
طب معلش انا عايز اعرف سعر البيرسونا و الجين 2 و في منهم 2015 و احسن حتة اشتريهم منها و كمان معلش هي احسن ولا الصني الشكل القديم

[Omar Mahmoud]

شكرا ججميعا علي ردكم و شكراً لماعدتكم ليا
طب معلش انا عايز اعرف سعر البيرسونا و الجين 2 و في منهم 2015 و احسن حتة اشتريهم منها و كمان معلش هي احسن ولا الصني الشكل القديم

في التوكيل دلوقتي موديلات 2015 بتتباع
الجين او البيرسونا صناعة ماليزي
الفرامل مش هتبقي كويسة لحد ما تتعود عليها او بمعني اصح حسب العربية اللي كنت راكبها يعني انا راكب فيكترا بي و نظام فراملهم تقريبا بنسبة كبيرة زي بعض....
بالنسبة للمقارنة بينها و بين الصني القديمة
الخامات و التقفيل مش تحفة في الاتنين
التسارع و استهلاك البنزين للبروتون
الثبات للبروتون
الوسع الداخلي للبروتون
الكماليات و عوامل الامان للبروتون
انتشار قطع الغيار للنيسان
بس شنطة النيسان كبيرة بصراحة و تكييفها احسن من البروتون
دلوقتي النيسان القديمة لو بتتباع لسة هتبقي متنفضة بمعني الكلمة
انا كنت بقارن بين الجين تو و الصني سوبر صالون في 2010

[carrier]

هي احسن ولا الصني الشكل القديم

بص يا ريس
انت
لو بتحب
البروتون
مش هتجيب سيرة الصنى

انا بركب بقالى شهرين دلوقتى الbmw الدبانة 98 اعلى فئة

لما بركب عربيتى جين2 مبحسش بفرق اوى الا ان تجميع الجين2 والثبات عالمنحنيات جبار وتتفوق .....

انما الصنى او غيرها من نفس الشريحة تعتبر ك ثبات ومتعة دون المستوى بالنسبة للجين2 و bmw

[eng.m7md.ali]

في ميزة وعيب حبيت اقولهم عشان تكتمل الصورة

الصاج فعلاً قوي واقوي من كل عربيات فئتها اللي هيا بيجو وستروين وسوزوكي سياز ... اما الصني معتبرتهاش عربية اصلا عشان احطها في مقارنة معاهم لانها ورق بمعني الكلمة

العيب وده اللي منغص عيشة الناس اللي معاها بروتون هو جودة الدهان للاسف زفت .. عربيتي لونها اسود اتبهدلت خرابيش من القطط في الجراج متحسها انها لسة زيرو .. العربية اللي فاتت كانت واجا سيلفر بردو نفس النظام الخرابيش فيها بتبان بسهولة

انصحك باللون الابيض لون جميل جداً ومميز جداً في الجين2 او البرسونا عشان نادر جداً وملفت للنظر جداً مع الفوانيس الليد اللي ورا .. وبعد كدة اللون الاحمر بردو حلو جداً عليها

[monamize4]

- البيرسونا أطول ٣٠ سم (٢٠ في الكنبة الخلفية و ١٠ في الشنطة أو العكس مش فاكر أوي)

30 cm بحالهم !!!

[Omar Mahmoud]

ال body بتاع البيرسونا اطول من ورة 16 سم
ظن ورة هي اوسع بس مش فرق رهيب انما اللي قاعد ورة لو طويل في الجين هيخبط في السقف او راسه هتبقي لمسة السقف انما البيرسونا مفيش الكلام ده

[monamize4]

16cm واقعى اكتر

[Omar Mahmoud]

من ويكيبيديا
Proton Gen.2
wheelbase 2600mm
length 4310mm
width 1725mm
height 1435mm
_________________________________________________
Proton Persona
wheelbase 2600mm
length 4477mm
width 1725mm
height 1438mm

[D . a .\ AYMAN]

الجين والبيرسونا ... نفس العربيتين تماما من ناحية الموتور والعفشة والفرامل بالمسمار

الفروق بينهم

البيرسونا سيدان والجين ليفت باك بتفتح بالزجاج الخلفي كله
العدادات في البيرسونا ليدات وبتنور بصورة مستمرة حتى بالنهار وألوانها أبيض في أحمر ... في الجين أحمر في برتقالي ومش ليدات ده لغاية 2012 ما أعرفش الجديدة نظامها إيه
البيرسونا فيها مثبت سرعة وده مفيد جدا في السفر بعكس الجين
البيرسونا مافيهاش فوج لايت خلفي
البيرسونا مافيهاش مساحة خلفية
السماعات بتاعة البيرسونا على رف الشنطة مش في الأبواب زي الجين ... وده بيخلي صوت الكاسيت بتاعها مجسم وأقوى
الكنبة ورا أوسع من الجين