صوت احتكاك فى بدايه دوران السيارة

[salama_ahmad]

السلام عليكم انا معايا عربيه بروتون ساجا 2010 بدائت ألاحظ صوت فى الماتور اول ما أمشى بالعربيه صوت زى احتكاك وبيفضل شويه وانا ماشى بيزيد لما تدوس بنزين و بعد ما بمشى ببيختفى دة ممكن يكون ايه

[hardmind_doc]

لو فى الطوالى ممكن يكون كبالن داخلية
ممكن بلية عجل او بلية دبرياج

[Abo_Mazen]

أقولك على حاجه ..جرب كده وإنت على السلانسيه وواقف ودوس دبرياج ..شوف الصوت ده هيروح ولا لأ مع دوسة الدبرياج ..لو راح ..قولي

[corolladestroyer]

أقولك على حاجه ..جرب كده وإنت على السلانسيه وواقف ودوس دبرياج ..شوف الصوت ده هيروح ولا لأ مع دوسة الدبرياج ..لو راح ..قولي

معلش هتدخل في النص..
عندنا اصلي الموضوع ده بالضبط في الكورولا 93 صوت حشرجه كده ولو انا واقف لودست دبرياج الصوت بيروح ده ايه؟؟؟

[Abo_Mazen]

معلش هتدخل في النص..
عندنا اصلي الموضوع ده بالضبط في الكورولا 93 صوت حشرجه كده ولو انا واقف لودست دبرياج الصوت بيروح ده ايه؟؟؟

حلو قوي ..بص بقى يا سيدي ..أولا شيك على الزيت عندك ..لو الزيت تمام ..يبقى دي كده بلية دريك ..ودي عشان تتغير لازم الفتيس يتفركش ..أو لازم الفتيس يتفور ..أو لازم الفتيس تتحل الفارغه بتاعته ..وفي أقوال بتقول إن تغيير بلية الدريك دي جزء من حل المشكلة وأن الصوت ده بيكون من التروس الداخليه بتاعة الفتيس ...عشان كده اللي يقولك دي بلية دبرياج ..قوله إركن ..لإن بلية الدبرياج بتعمل الصوت لما تدوس على الدواسة مش لما تسيب الدواسة بتاعة الدبرياج

[salama_ahmad]

طيب بالنسبه لى مش هعرف ادرس دبرياج العربيه اتوماتك

[Abo_Mazen]

طيب بالنسبه لى مش هعرف ادرس دبرياج العربيه اتوماتك

لأ هو بالنسبه لحضرتك هتشيك على الزيت ..وتتأكد إنه في مستواه المناسب ..وبعدين حضرتك مواظب على تغيير الزيت في مواعيده ولا إيه النظام ؟؟؟

[salama_ahmad]

بغير زيت فى مواعيدة بستخدم زيت التعاون

[Abo_Mazen]

بغير زيت فى مواعيدة بستخدم زيت التعاون

أنا بتكلم عن زيت الفتيس

[salama_ahmad]

الحمد لله المشكله طلعت أن سير الكاتينه كان مش مشدود كويس وبعد شدة الصوت اختفى