زياره بروتن فرع العجوزه من العضو المنتظر ..

[MEMES]

السلام عليكم ورحمه الله وبركاته ..
امبارح كنت فى القاهره لزياره مخصوصه لعز العرب وبالتحديد فرع العجوزه لانى ان شاء الله ناوى اشترى عربيه وحدودى فى الشراء ثمانينات . وكنت بدور على عربيه مريحه ومميزه وانا معاى شاهين مو98 بدون كماليات واللى تاعبنى فيها ان مافهاش كماليات وشكلها وصوتها مزعجين بس من ناحيه تانيه عزم ممتاز وبتستحمل جدا وقطع غيارها زى مانتم عارفين رخيصه جدا ..
كمان انا كان معاى فى الخارج (اليمن) تريوس2 مو07 ودى عربيه ناعمه وكنت جايبها زيرو وكماليات ومانوال و4wd بس مع التكييف صوتها عالى وماتورها سحبه ضعيف وعدادها 180 بس وسائل الامان فيها abs & airbags .
وان شاء الله مع استقرارى غى مصر محتاج عربيه زى ما قولت لحضارتكم وبصراحه الجين 2 والبيرسونا شكلهم وامكانيتهم عجبتنى جدا وندخل فى الموضوع ..
وصلت فرع العجوزه وكانت الساعه 10 صباحا والتوكيل لسه مافتحش
ماكنش فى حد فى التوكيل الا عامل يدوب بيفتح الابواب وبيجهز وطلب منى ارجع الساعه 11 ولما قولتله انى جاى مخصوص من السويس فتحلى المعرض ودخلنا بكرم شديد وسابنى اتفرج على الموديلات المعروضه وفى نفس الوقت اتصل بموظف المبيعات الللى جه بعد ربع ساعه وبصراحه راجل جنتل ومحترم جدا وشرحلى بالتفصيل الكامل الموديلات كامله بس سالنى عن ايه فىبالى بالظبط عايزه فى العربيه قولتله وسائل الامان وماتور قوى والراجل يستحق وظيفته مقنع وصبور ومتواضع لانى ماخبيش عليكم دخلت معارض وتوكيلات تانيه بدون ذكر اسماء بصراحه معامله الله لا يوريكم ومعظمهم مالهمش علاقه بالسيارات من اصله.
وهناك شفت البيرسونا مانوال هاف سعرها 79900 وهاف بتاعتها تعتبر فول فى عربيات تانيه لان فيها تكييف وباور وزجاج امامى وcd وايرباج عدد2 بس مفهاش حساسات و abs , multifunction & mp3 ,
والبكامله مانها اوتوماتك بس وسعرها 90900 . والبيرسونا فيها اللون البنفسجى الغمق تحفه (مجرد وجه نظرى)
وكان فى مخزن المعرض 3 تحف فنيه او طيارات حربيه من طراز
[Gen2 09]
الوانهم اسود ورمادى او فيرانى والتالت فضى بس مش اى فضى دى نفس درجه الفضى بتاعه البى ام دبليو وده الكلام اللى اكده الراجل وفيها كل الكماليات وسعرها 84900 .وعلى فكره بسبويلر وجنوط شكلها جديد وحلوه جدا والفوانيس والشبكه الاماميه فيهم تغيرات جميله.
طبعا اسف للاطاله بس انا المفروض احجز والاستلام خلال 20 يوم وكنت بهزر مع الموظف وقولتله 20 يوم يعنى شهر وحبه قالى لا 20 يوم بالظبط . كمان سالته على قطع الغيار رد غاليه شويه بس هرب من السؤال بذكاء وورانى الفلتر الجديد ووظائفه كمان التحكم فى الزجاج من الابواب مش زى الموديل اللى فات وعن الضمان قال انه 3سنوات او60000 وبانسبه للمحرك والجيربوكس 5سنوات او 100000 والطلاء والصدء مدى الحياه
بس خوفنى وقال اى لعب فى العربيه يخرجك من الضمان !!!!
يا جماعه العربيه عاجبانى بس مستنى منكم النصائح عن قطع الغيار والضمان بس ياريت اللى يرد على يكون معاه العربيه لان رأيه له تأثير..
مع تحياتى لكل اعضاء بروتن اللى ان شاء الله نفسى اكون واحد منهم وبأذن الله ماكنش من الجماعه بتوع مصلحتهم وبس
وفقنا الله الى مايحب ويرضى.

سبحان الله وبحمده سبحان الله العظيم

[wildwest100]

gen 2 gen2 gen2

[MEMES]

gen 2 gen2 gen2

شكرا لردك يا باشا

[mino]

الجين2 او البيرسونا اختيار ممتاز كعربية بالسعر ده ما فيش حاجة تنافسها في السعر بالنسبة لأمكانياتها انا دايما بشبها بالمازدا 3

و ربنا يوفقك للفيه الخير

[ahmedsiyam]

قطع الغيار غالية و الصيانة غالية على ما اسمع من الاعضاء القدامى

برجاء مراجعة السيارة عند الاستلام و تجربة كل شئ فيها و التاكد من عملها بكفاءة

البيرسونا انا ماجربتهاش موش هاقدر افيدك فيها

الجين 2 كويسة

ربنا يوفقك ان شاء الله لما فيه الخير و لا تنسى الاستخارة

[MEMES]

الجين2 او البيرسونا اختيار ممتاز كعربية بالسعر ده ما فيش حاجة تنافسها في السعر بالنسبة لأمكانياتها انا دايما بشبها بالمازدا 3

و ربنا يوفقك للفيه الخير

شكرا جزيل لردك . طب ايه راى حضرتك فى صنى مانوال 88000
وفى ناس بتقولى بالسعر ده ممكن اجيب حاجات كتير مستعمل بس انا شايف الزيرو احسن ولا ايه راى حضرتك:k43:

سبحان الله وبحمده سبحان الله العظيم

[MEMES]

قطع الغيار غالية و الصيانة غالية على ما اسمع من الاعضاء القدامى

برجاء مراجعة السيارة عند الاستلام و تجربة كل شئ فيها و التاكد من عملها بكفاءة

البيرسونا انا ماجربتهاش موش هاقدر افيدك فيها

الجين 2 كويسة

ربنا يوفقك ان شاء الله لما فيه الخير و لا تنسى الاستخارة

جزاك الله كل خير , بس حضرتك تقصد ايه نى اجرب كل حاجه عند الاستلام هى ممكن يبقى فيها عيوب وهى زيرو ..هى تقفيلها اى كلام ولا ايه

[mino]

بصراحة انا مش بأيد فكرة المستعمل خالص حتي لو هتجيب ايه !!
الجديد طبعا احسن تحس ان العربية بتاخد علي طبعك في السواقة بتربيها علي ايدك و بتبقي فاهمها و فهماك

اما بالنسبة للعربية الصني انا ما جربتهاش بس انا لما كنت بشتري بعدت عن اي حاجة تقفيل مصري

[momenhamdy]

طبعاً العربية جميلة جداً و ولكن لازم تجرب العربية قبل ما تستلم زي ما الاستاذ احمد صيام قال لحضرتك و في نفس الوقت عايز اقولك ان الضمان حقيقي حقيقي وبينفزوه بحزفيره ...
ولكن مازلت قطع الغيار غالية ( و هو ايه مش غالي في بلدك ) ربنا يستر علينا
و لو ناوي بجد اتوكل علي الله

[MohabSaeed]

للاسف منصحكش تجيبها لان حضرتك من محافظه السويس و بروتون ملهاش مركز معتمد فى السويس ف لو احتجت مسمار مش حتلاقيه عندك
و حتضطر تنزل القاهره او الاسكندريه لعمل الصيانه او ل اصلاح اى مشكله .

كمقارنه لو حشترى و بقارن ما بين الاتنين ...... الجين تو الجديده شكلها احلى نوعا ما من البيرسونا , لكن البيرسونا عمليه اكتر خصوصا فى مساحة الصالون " الكنبه الخلفيه " .

انا افضل الجين 2 خصوصا مع الفيس ليفت الجديد و الموتور المعدل و تحسين خامات الصالون .
+ ان سعرها يعتبر ممتاز بالمقارنه بباقى العربيات من نفس فئتها .
+ حاخد كل الكماليات بزياده 5 الاف جنيه فقط عن البيرسونا .

بروتون عموما ماركه محترمه جدا مشكلتها الاساسيه فى حاجتين

1- التوكيل
2- ارتفاع اسعار قطع الغيار بشكل غير مقبول نهائى " جنون - جنون - جنون - جنــــــوووووووون " .
و اعتقد المشكله رقم 2 ناتجه عن المشكله رقم 1 """"" التــــوكــــــيــــــل """""
ربنا يوفقك للصالح ان شاء الله .

[ahmad alshaaer]

اخي راجع مواضيع المنتدى صدقني هتلاقي كل ردود اسئلتك
انا واحد من الناس قبل مااشتري بيووم واحد
دورت وقريت هنا بس
والحمد لله اشتريت والعربيه معايا من شهر 8 اللي فات وبكره كمان رايح اعمل صيانة ال10000 كلم
وربنا يكرمنا جميعا
واقوللك جين 2 ثم جين 2

[mayki4u]

ابقى وافينا بالاخبار يا تويتي وعملت ايه فى صيانة الالف
بعد ماترجع

[momenhamdy]

ابقى وافينا بالاخبار يا تويتي وعملت ايه فى صيانة الالف
بعد ماترجع

دي صيانة ال 10000 يا استاذ مايكل مش ال 1000 ربنا يوفقك يا تويتي و متنساش تحكلنا ايه الي حصل معاك في التوكيل

[formoza]

الجين 2 تحفه و عيبها الوحيد التوكيل بتاعها

[MEMES]

جزاكم الله كل خير جميعا , :k49: