مانيفولد برسونا

[thebilott]

ياجماعه انا عندي صوت في الماتور رخم اوي صوت زززززززززززززز مع الاربي ام 3 و4 ولما سالت تقريبا ممكن المانيفولد كنت عايز اعرف اضرار عدم تغييره او لو اتاخرت في تغييره هل في مشكله علي العربيه ولا لا

[Abo Hur]

لما سألت الميكانيكى قالى ممكن تمشى عليه فتره مش هيعملك مشكله بس ممكن يزود إستهلاك البنزين.

[Abo_Mazen]

لسه قاري مشاركه لواحد هنا في المنتدى غير المانفولد بسبب الموضوع ده ..وكان اللي عامله المشكله حاجه إسمها مسمار الهوا ..اللي هوا أصلا صاحب المشاركه ما يعرفش إيه مسمار الهوا ده ولا حد من المشاركين في الموضوع بتاعه ولا أنا عارف ..بس التوكيل قاله المسمار ده مش بيتغير لوحده ..ده المانفول كله بيتغير..وغير مانفول فعلا والمشكلة إتحت

[abdoumahros]

الزملاء الاعزاء

لسه قاري مشاركه لواحد هنا في المنتدى غير المانفولد بسبب الموضوع ده ..وكان اللي عامله المشكله حاجه إسمها مسمار الهوا ..اللي هوا أصلا صاحب المشاركه ما يعرفش إيه مسمار الهوا ده ولا حد من المشاركين في الموضوع بتاعه ولا أنا عارف ..بس التوكيل قاله المسمار ده مش بيتغير لوحده ..ده المانفول كله بيتغير..وغير مانفول فعلا والمشكلة إتحت

زملائي الاعزاء
الموضوع ده سبق الكلام عنه قبل كده وقلت ان المشكله دي حصلت معايا والتوكيل طلب مبلغ حوالي 1300 جنيه ثمن المانوفولد الجديد وطبعا دا كتير اوي المهم انا روحت لميكانيكي في الحي العاشر مدينه نصر في عمارات صقر قريش اسمه عيد وهوا معروف هناك وحل مشكله مسمار الهوا ده وفي زميل لنا اسمه شادي راح للاسطي عيد برضه وحل المشكله برضه والتكلفه 20 جنيه
للاسف موش معايا رقم عيد الميكانيكي لكن ها احاول اجيبه واضيفه للموضوع
نسيت اقول ان لما روحت التوكيل قالوا ان المانوفولد مالوش تصليح وطلعوا كدابين

[hoko]

متابع

[thebilott]

امبارح روحت لميكانيكي في الاسكندريه وفكيت المنافولد لقي في مسمار مش موجود من ملف في المنافولد والمشكله بقي ان المسمار ده بيتباع مع حته فيره اللي بتركب في الحساس الكلستر المهم سعرها 225 جنيه طبعا زوهلت علشان ادفع 225 في مسمار مع ان الفبره سليمه المهم الراجل قالي اني لازم اشتريهم مع بعض لاني مش هلاقي المسمار ده وبعد محاوله طلعلي المسمار من الفبره الجديده علشان اجيب زيه وقالي مش هتلاقيه دورت عليه قبل كده ولو لقيته هاتلي 10 المهم لفيت شويه لحد ما ربنا كرمني ولقيت مسمار زييه بس الميكانيكي قالي ان ممكن الصوت ميروحش علشان النافولد فيه بوش من جوه عايز يتغير المهم ركبنا المسمار النتيجه ان الصوت راح بنسبه 80 % والحمد لله

[samehshokry]

فيه حد عملهولي قبل كده بس الصوت عندي كان زي تكتكة التاكيهات وراحت بس فاضل صوت تاني برده من المانيفولد عامل زي تنفيس هوا
هجرب اعمله قريب ان شاء الله

[dr-mohamed]

يا ريت يا اخوانا رقم عيد ده ضروري دماغي صدعت من صوت المنفولد

[noureldenadel4]

انا محتاج برضه رقم عيد ضرورى

[ramy elsebaay]

يا ريت تليفون عيد يا جماعة

[abdoumahros]

حاضر

يا ريت تليفون عيد يا جماعة

حاضر
انا بدور علي حد من اصدقائئ يكون معاه الرقم

[dr-mohamed]

الشعب يريد رقم عيد
او اي حد يحل مشكلة المنفولد دي

[hoko]

متابع

[abdoumahros]

الحمد لله

حاضر
انا بدور علي حد من اصدقائئ يكون معاه الرقم

الحمد لله قدرت احصل علي موبايل عيد الميكانيكي

مدينه نصر - الحي العاشر 01222959489

01027858198

[dr-mohamed]

الف شكر يا استاذ عبده