أنا استلــــــــــــــــــــــــــــــــــــــــــــمت يا رجالة

[abn7amido]

السلام عليكم

السلام عليكم و رحمة الله و بركاته

الله يبارك فيكم جميعا يا جماعة.
أنا شيكت على العربية كويس و انا بستلم بس مجربتش اسوقها قبل ما استلم.
و عموما الصوت ظهر بعد فترة يمكن بعد 50 كم و الا حاجة.
عموما الله المستعان أول مرخص حروح مشوار ظريف للوكيل و ربنا يسهل.
بالنسبة للترخيص قالولى النهاردة انه حيبقى الاحد او الاثنين و ربنا يسهل.
و انا بحاول اتابع الصوت باستمرار. اعتقد انه حاجة فى المقص او فى المساعد.
بس مش متاكد.
هو بيبان كويس مع الفرامل.

عموما ربنا يسهل ان شاء الله
بالنسبة للاخ اللى سال على موضوع استهلاك البنزين: بصراحة استهلاكها كويس جدا جدا جدا لحد دلوقتى عشان انا بمشى بيها على طرق سريعة على طول. اخر قراءة من الكمبيوتر 6.8 زى ما البروشور قال.
بالنشبة للسحب على الار بى ام القليل فهو كويس بس انا مسقتش 2008 عشان احكم على الفرق.

و جزاكم الله خيرا

السلام عليكم

[waleedss]

حضرتك ممكن تقارن لنا سحبها بعربيات اوتوماتيك اخري سقتها؟
لان سحب 2008 اقل من اليارس والستي وحتى الانسر 1300 اوتوماتيك ( السحب اقصد الانطلاق من الصفر)
لو العيب دا اتحل يبقا العربيه دي هاتكتسح ان شاء الله

[khpopo]

مبروك استاذ عمر ربنا يديك خيرها ويكفيك شرها وشر العين :k20:
حضرتك مقولتش انطباعك خصوصا انت عملت 200 ك فى يوم وهل نفس المشاكل زى الزملاء الى استلمو وكمان السحب اخبارة اية فى السرعات القليلة برجاء الافادة للجميع والف مبروك :wacko::wacko:
ربنا يوفق

[momenhamdy]

حضرتك ممكن تقارن لنا سحبها بعربيات اوتوماتيك اخري سقتها؟
لان سحب 2008 اقل من اليارس والستي وحتى الانسر 1300 اوتوماتيك ( السحب اقصد الانطلاق من الصفر)
لو العيب دا اتحل يبقا العربيه دي هاتكتسح ان شاء الله

طبعاً يا استاذي الفاضل اتحل مش العربية الوقتي فيها الفلتر IAFM .......

[m_marmoush]

حضرتك ممكن تقارن لنا سحبها بعربيات اوتوماتيك اخري سقتها؟
لان سحب 2008 اقل من اليارس والستي وحتى الانسر 1300 اوتوماتيك ( السحب اقصد الانطلاق من الصفر)
لو العيب دا اتحل يبقا العربيه دي هاتكتسح ان شاء الله

أحنا عندنا لانسر 1300 أوتوماتيك مو 2006 مين جرب وقال أن سحبها أحسن من الجين تو ؟!!!!!!!!!!!!1 :k20:
ياراجل حرام عليك دا مفيش وجه مقارنه بين اللانسر 1300 والجين تو وعن تجربه أنا شديت قبل كده فى التجمع مع لانسر 1600 أوتوماتيك هوه طلع منى فى الأول بفارق بسيط بس بعد كده حصلته و كنت فارق عنه جامد

[waleedss]

انا نفسي الموضوع دا يتحل لان الظروف لما تجتمع (زحام-تكييف-جير اوتوماتيك) الاداء على السرعات الهادئه لازم يكون معقول. انا لاتلكم على حرق وسحب على ار بي ام عالي لان محرك الجين تو سيكتسح بالتاكيد.
الواواضح انه قد حصل مع الفلتر الجديد
اذا حصل سوف افكر جدايا فيها لانه معجب بشكلها جدا جدا وصاجها وثباتها.

[aapaap855]

يا جماعة 1300 ايه انتو بتهزرو
معلش يا جماعة الي مبيعرفش يسوق ويجري ميحكمش على العربية
العربية طلقة
انا والله منا عارف اش جاب لانسر 1300 للعربية دي

[amrcd1]

الف مبروك يا استاذ/عمرو...وربنا يباركلك فيها يارب ويكفيك شرها...ويحفظهالك

كنت عاوز اعرف حضرتك شيكت عليها كويس...وهل اكتشفت اى حاجه فى العربيه بعد الاستلام


الف مبروك ياباشا

مبروك استاذ عمر ربنا يديك خيرها ويكفيك شرها وشر العين :k20:
حضرتك مقولتش انطباعك خصوصا انت عملت 200 ك فى يوم وهل نفس المشاكل زى الزملاء الى استلمو وكمان السحب اخبارة اية فى السرعات القليلة برجاء الافادة للجميع والف مبروك :wacko::wacko:
ربنا يوفق

احب انقولكو تجريتى بعد استعمال العربية لمدة ثلاث ايام و بعد ما عملت 700 كم
انا اول ما استلمت خت معايا واحد صاحبى و حاولنا نفحص العربيه كويس من حيُث الصاج و البويه و تقيل الرفرف مع الاكسدام و كواتشات العربيه و الكهرباء و الكاسيت و التكييف وكله كان تمام _ على ما اعتقد ربنا يستر_ المهم توكلت على الله و استلمت العربيه و مشيت بيها جو البلد و براها فى الزحمه وفى الفاضى فى الصبح و بالليل على سرعات واطيه و سرعات عاليه - للاسف مش اكتر من ميه علشان التليين نفسى التليين يخلص عشان اعرف اجرى براحتى- العربيه نفسها تجرى و تشد انا بس بريح شويه على البنزين بحس انها عايزه تنط من على الارض. المهم كله تمام لحد دلوقتى الحمد لله ماظهرتش اى مشاكل ماعدا صوت تزييق فى الكنبه الى ورا و رحت للتوكيل لزق شيكارتون على حديده كده و اختفى الصوت....

لو فى اى اسئله تانيه انا فى الخدمه ..

[mayki4u]

احب انقولكو تجريتى بعد استعمال العربية لمدة ثلاث ايام و بعد ما عملت 700 كم
انا اول ما استلمت خت معايا واحد صاحبى و حاولنا نفحص العربيه كويس من حيُث الصاج و البويه و تقيل الرفرف مع الاكسدام و كواتشات العربيه و الكهرباء و الكاسيت و التكييف وكله كان تمام _ على ما اعتقد ربنا يستر_ المهم توكلت على الله و استلمت العربيه و مشيت بيها جو البلد و براها فى الزحمه وفى الفاضى فى الصبح و بالليل على سرعات واطيه و سرعات عاليه - للاسف مش اكتر من ميه علشان التليين نفسى التليين يخلص عشان اعرف اجرى براحتى- العربيه نفسها تجرى و تشد انا بس بريح شويه على البنزين بحس انها عايزه تنط من على الارض. المهم كله تمام لحد دلوقتى الحمد لله ماظهرتش اى مشاكل ماعدا صوت تزييق فى الكنبه الى ورا و رحت للتوكيل لزق شيكارتون على حديده كده و اختفى الصوت....

لو فى اى اسئله تانيه انا فى الخدمه ..

الف مليون مبروك يا باشا وتدوبها فى حياتك ويكفيك شرها كده
أنا عارف انك حاجز فى توكيل عز العرب اسكندريه فا كنت عايز اعرف حاجز من امتى ؟
عشان انا حاجز تقريبا من 23/10 ولسه مستلمتش وا/ احمد حرب بيقوللى انشاءالله الاسبوع دا ؟
على فكره انا حاجز جين 2 مانيوال
وشكرا يا amrcd1

[Aladdin403]

الف مليون مبروك يا باشا وتدوبها فى حياتك ويكفيك شرها كده
أنا عارف انك حاجز فى توكيل عز العرب اسكندريه فا كنت عايز اعرف حاجز من امتى ؟
عشان انا حاجز تقريبا من 23/10 ولسه مستلمتش وا/ احمد حرب بيقوللى انشاءالله الاسبوع دا ؟
على فكره انا حاجز جين 2 مانيوال
وشكرا يا amrcd1

انا مش فاكر امتى بالظبط بس اعتقد من اخر شهر تسعه لانىكنت حاجز موديل 2008 و لما البنك اتاخر عليا كان 2009 ابتدى ينزل فغيرت ل 2009 على فكره احمد حرب ده هجاس او معندوش معلومات كفايه . ياريت تتابع مع حسن برتو مدير المبيعات الى فى ابيس.....

[mayki4u]

طيب يا ريت لو معاك نمرة حسن برتو دا تديهالى عشان اعرف مسير العربيه واخبار الحجز ايه بس بدل منا قاعد لايص كده وشكرا ليك ياباشا

[amrcd1]

طيب يا ريت لو معاك نمرة حسن برتو دا تديهالى عشان اعرف مسير العربيه واخبار الحجز ايه بس بدل منا قاعد لايص كده وشكرا ليك ياباشا

بص يا سيدى نمرة حسن مش معايا دلوقتى بس خد نمرة توكيل ابيس وقالهم عايز حسن هيحولوك علىطووول 035003001
على فكره انا الى رديت عليك فى الرساله الى فاتت. aladin403

[mayki4u]

بص يا سيدى نمرة حسن مش معايا دلوقتى بس خد نمرة توكيل ابيس وقالهم عايز حسن هيحولوك علىطووول 035003001
على فكره انا الى رديت عليك فى الرساله الى فاتت. aladin403

متشكر جدا يا نجم

[gagareen]

الف مبروك يا باشا ربنا يديك خيرها ويبعدك عن شرها
ممكن بس يا جماعه حد يقولي دفع كام لان انا قالولي هات 250 جنيه علشان يخلصوا ورق الجمرك وجواب المرور وده بالاضافه لل 91 ثمن العربيه
الكلام ده في الصحراوي ويا ريت تقولولي الرد قبل مااروح استلم

[gagareen]

الف مبروك يا باشا ربنا يديك خيرها ويبعدك عن شرها
ممكن بس يا جماعه حد يقولي دفع كام لان انا قالولي هات 250 جنيه علشان يخلصوا ورق الجمرك وجواب المرور وده بالاضافه لل 91 ثمن العربيه
الكلام ده في الصحراوي ويا ريت تقولولي الرد قبل مااروح استلم