وبعدين معاك يا عز وحواراتك الي مابتخلصش

[minasamirus]

انا لسه مكلم أ/وجـدى...وقولتله ايه اللى سمعته ده...وحكتليه على موقف ا/مينا...قالى ايوه مانا قولت لاستاذ مينا اللى انت قولتهولى (قصده عليا انا)اصلى كنت كلمته الصبح وكان لسه نايم ..وقولتله ان فى عربيتين طلعوا من السابع وكان فيهم كذا وكذا....قالى خلاص سبينى اشوف الموضوع ده

عشان كده قال الكلام ده لاستاذ/مينا...وقالى انه ماجلوش شكوى من العربيه انما باردو كلم الصحراوى وقالوهم اعملوا- pdi -تانى للعربيات اللى محجوزه تبعه...وقالى ان انا ان شاء الله هستلم على يوم الاحد او الاتنين

انا حبيت بس اقول انى انا سبب الاوشاعه دى

وربنا يوفقك الجميع ونستلم كلنـــا على خير ان شاء الله

يا استاذ ايمن انت كده عملتلي مشكلة مع ا.وجدي دلوقتي يقعد يقولي انت بتنقل كلام وبتخوف العملاء بس عادي انا كده كده ناويله علي نية سوداء لو مخدتش العربية يوم الاحد او الاثنين زي ماقلك وياريت نروح مع بعض عشان نحطه في موقف محرج لو مدناش العربيات .... بس كويس انك قلتله علي العيوب اهو طلع في مصلحتنا الحوار ده ووداهم الpdi ....بصراحة انا لسا مقلق من العربية بس خلاص قررت اخد المجازفة دي بعد ما الحوارات كلها دي ظهرت

[Ayman_52]

استاذ / مينا...لا مشاكل ولا حاجه ...دا بالعكس كدا يحس بأننا كلنا نعرف بعض...وهنطلع عنيه لو عمل اى حاجه ...وانا ماقولتش اسمك بس اول ماقولت كان فى واحد هيستلم قالى اه استاذ مينا

مش كفايه مستنين بقالنا شهرين المفروض بقى نستلم حاجه كويسه....واكيد يشرفنى انى اقابل حضرتك...ونستلم مع بعض....

خلينا على تواصل فى الخاص ونشوف هننزل امتى وننزل مع بعض.

وان شاء الله نستلم كلنا عى خير بإذن الله

[AhmedGen2]

انا يوم ميعاد الاستلام رحت لاقيت باب المعرض قافل ، كنا فى الصيف وجاى بتاكسى ووالدتى كانت معايا ، التاكسى كان هيسيح واحنا فى الطريق كان زحمة وحاجة زفت ، أروح ألاقى باب المعرض قافل ، فلاقيت بتاع الأمن واقف ، بقوله ايه هو فين الناس ، قالى دول لسه قافلين والأستاذ مروان هناك أهو ، كان واقف الناحية التانية لسه يا عينى بيوقف تاكسى ويخلع ، رحت جارى عليه خد هنا انت رايح فين !! ، تعالى انا عندى ميعاد استلام دلوقتى ، قاللى احنا خلاص قفلنا والاستاذ وجدى مش عارف ماله ، طبعا هو قال كدة وأمى ناولته من هنا ، وعملنا خناقة وكلمت وجدى وقعدنالهم على باب المعرض لغاية ماستلمنا مفيش نص ساعة والعربية كانت معايا.

فمش هينفع معاهم غير كدة لأن فيه هناك واحدة المديرة بتاعتهم بيخافوا منها ، فلو عليت صوتك بس وعملت جو هتلاقى أحلى شغل

[abn7amido]

أنا مع توت

السلام عليكم و رحمة الله و بركاته

أنا مع الأخ العزيز توت فى كل كلامه اللى قاله (مع انى صاحب مشكلة)
بس اعتقد انها تربيط عفشة و الله أعلم
حتى أنا بفكر اجرب اربط عفشة عند اى حد برة التوكيل لحد لما ارخص و اروح لهم.
لكن العربية خرافية بصراحة.
جميلة جدا جدا جدا جدا.
و بصراحة عجبانى قوى (مع وجود صوت الطقطقة ده)
و أنا مش عايز الناس تهول الموضوع
هو الناس مركبتش عربيات عفشتها مش متربطة قبل كدة و الا ايه؟
هاهاهاهاههاها
الله المستعان
طبعا انا مستاء انها عربية زيرو و لسة خارجة من عند الوكيل و يحصل فيها كدة.
بس كل واحد معرض للخطأ طالما الموضوع يمكن السيطرة عليه.
و أنا أكرر تأييدى الكامل لكلام الأخ توت فى كل حاجة
العربية الموتور و الثبات بتاعها وهمى جدا.
و ربنا يرزقنا السلامة

و السلام عليكم و رحمة الله

[mazagnge]

بالمناسبة أنا مش بشتغل مع عز العرب ...... أنا زيي زيكم ...... بس بحب العربية جدا و بأنقل تجربتي للي عايز يشتري العربية و قلقان علشان العربية مش ياياني ( اليابان عملت سحر للناس ) نيههههههههههه

انا شغااااااال مع الراجل دة يا جماعه

[mayki4u]

ربنا يستر وتتحل مشكلتك يابن حميدو

بس متنساش توافينا بالاخبار اول بأول
ولما تستلم الجواب وتروح ترخصها وكده