استشارة رادياتيرية

[sAbdos]

السلام عليكم يا آل بروتون الكرام.

استفسار صغير لو حد من ذوي الخبرة ممكن يفيدني.
عربيتي بيرسونا 2011 كويسة و زي الفل الحمد لله بس بقالي فترة المية كانت بتنقص في القربة و بازودها كل أسبوع كده. دلوقتي بقالي كام أسبوع المية مش بتنقص من القربة بس بتنقص في الرادياتير و باضطر افتحه و ازود فيه.

قلت يمكن تسريب مش ظاهر و استعملت سائل أمريكي من بتاع لحام الثقوب مفيش فايدة.. غيرت غطا الرادياتير برضه العيب زي ما هو. القربة باستمرار مليانة و لما ابص في الرادياتير الاقيه ناقص
غير كده الحمد لله مبتسخنش و التكييف كويس و الأمور طبيعية

هل من نصيحة ؟؟ و لكم جزيل الشكر

[abokoko]

ممكن يكون في تسريب خفيف جدا من الناحيه اللي انت مش شايفها يعني من ناحيه وش العربيه
والحراره بتبخر النقطه الخارجه من المياه اول باول
الحل ان الرداتير يتحل ويجربه تحت ضغط علشان يشوف لو فيه تسريب

[sAbdos]

شكرا جزيلا لاهتمامك يا فندم... و أنا على الأساس ده جربت سائل لحام الثقوب ده... و لا مش كفاية و لازم فعلا اجربه تحت ضغط. انا قلت لو تسريب بسيط للدرجة أنه مش باين السائل هيعالجه.
عموما شكرا جزيلا لحضرتك هاجرب ان شاء الله

[Abo_Mazen]

حكاية إن المياه تنقص من الريداتير بس وتبقى ثابته في القربه دي مشكلة

[Mecha]

شوف الخورطوم من اللادتير للقربه سالك وفيش تني ومربوط كويس اوي من الناحيتين عشان ساعة نقص مية اللادتير يمعط من القربه ويعوض .غير كدا والعربيه سخنة اتاكد مفيش نفخ

[Abo_Mazen]

اتاكد مفيش نفخ

هي مفيش نفخ دي اللي فيها كل المشكلة ...

[Mecha]

هي مفيش نفخ دي اللي فيها كل المشكلة ...

اباشا ,انت غيرت من ممش لابو مازن ,انا اتلخفنت وقلت المنتدي غلط وبياخر المشاركات ,مبروك

[Abo_Mazen]

اباشا ,انت غيرت من ممش لابو مازن ,انا اتلخفنت وقلت المنتدي غلط وبياخر المشاركات ,مبروك

الله يبارك فيك ..أنا قلت بصراحه أشوف إسم ليه معنى ..عشان الإسم اللي كان مستخدم قبل كده ده كان الإيميل بتاعي ..عموما الف شكر لإهتمامك

[sAbdos]

شكرا جزيلا لردودكم :)

ما هو أنا قلقان من كده حاسسهإ حاجة خطيرة
الخرطوم تمام و متثبت كويس و سألك

معلش بس يعني ايه مفيش نفخ ؟

[Abo_Mazen]

شكرا جزيلا لردودكم :)

ما هو أنا قلقان من كده حاسسهإ حاجة خطيرة
الخرطوم تمام و متثبت كويس و سألك

معلش بس يعني ايه مفيش نفخ ؟

يعني وش السلندر بينفخ هوا في دورة التبريد

[sAbdos]

يعني وش السلندر بينفخ هوا في دورة التبريد

شكرا جزيلا يا باشا... ربنا يستر
بس دي أشوفها ازاي؟

[abdohod]

هل مشكلتك ما زالت موجودة أم وجدت الحل؟

[Abo_Mazen]

شكرا جزيلا يا باشا... ربنا يستر
بس دي أشوفها ازاي؟

دي ميكانيكي كويس هو اللي يشوفها ..وليها إختبار بسيط قوي ممكن تعمله ..بس لازم تكون شايل ثرموستات الكوع

[sAbdos]

هل مشكلتك ما زالت موجودة أم وجدت الحل؟

ما زالت موجودة

[sAbdos]

دي ميكانيكي كويس هو اللي يشوفها ..وليها إختبار بسيط قوي ممكن تعمله ..بس لازم تكون شايل ثرموستات الكوع

طيب ازاي الاختبار ده ؟