استشارة بخصوص جين2 2013

[aelskhawy]

السلام عليكم

أنا بعتذر أولاً لو كانت أول مشاركة ليه هي سؤال. أنا دخلت المنتدى لقيت ماشاء الله معلومات قيمة جدا وإن شاء الله أول ما اشتري عربية هشارك معاكوا

كان عندي سؤال بخصوص جين 2 2013
في حد كان عارض العربية دي ماشية 16 ألف كيلو وعارضها على 85 ألف جنيه

السعر مريب شوية مقارنة باللي الناس بتعرضه

كلمته وسألته قالي انه اشترى العربية من واحد وكانت ماشية 13 ألف كيلو (دلوقتي رخصتها باسمه) وكان الإكصدام بتاعها مكسور والرفرف فيه خبطة بسيطة

فهو غيره وحط واحد جديد ورشه بلون العربية

سألته على الضمان قالي انه لما شراها من المالك الاصلي ما سألوش على الضمان وإن مش فارقة لانه غير الاكصدام برة وبالتالي الضمان مش ساري

عايز أعرف رأيكوا في العربية دي وهل موديل 2013 موتوره مختلف عن اللي قبله أو جودته أقل مثلا ؟

جزاكم الله خيرا مرة أخرى وآسف على الإطالة :)

[aelskhawy]

نسيت أقول ان العربية اوتوماتيك
و عايز أضيف نقطة تانية صغيرة، أنا معايا الفلوس بس للاسف بقالي سنة وشوية متردد في الشراء ومش لاقي حاجة كويسة أو بالأصح مش عارف أدور على حاجة كويسة وموسوس جدا في الشراء علشان المبلغ كبير.
الجين 2 والواجا داخلين دماغي أوي من ناحية السعر والأداء وما إلى ذلك.
أفيدوني جزاكم الله خيرا :)

[aelskhawy]

يا أهل الخير انا عايز اروح اشوف العربية كمان شوية ومستني رأيكم

[Abo_Mazen]

إقرا المشاركة دي وشوف الردود اللي عليها ..هتفيدك كتيييييييييييييييييييييير

http://www.nilemotors.net/Nile/349313-2-2013-a.html

[aelskhawy]

تمام جزاك الله خيراً، أنا قرأتها بالفعل امبارح وعرفت ان الموضوع ممكن يختلف من عربية لأخرى حسب ردود الناس

انا كنت عايز اعرف بالنسبة للضمان هل تغيير الاكصدام يطلع العربية من الضمان، وهل الضمان ده ورق بتستلمه من صاحب العربية ولا بتروح التوكيل والعربية بتبقى متسجلة عندهم؟

أنا بأكد على موضوع الضمان لأن العربية ممكن تكون فيها عيوب صيانة فعلشان ما اخبطش فيها وتبقى خسارة كبيرة