تقييم موقع whatcar البريطانى العالمى للسياره جين 2

[abo samra]

http://www.whatcar.com/car-review-summary.aspx?rt=688

[tutankhamoun]

أولا التقييم قديم من سنة 2005 لأول موديلات الجين 2
ثانيا التقييم بيتم على كل جزء من السيارة و في الاخر بيعمل متوسط و يعطي درجة نهائية
ثالثا الموقع أعطى العربية نجمتين ......... و المُلاك أعطوها أربعة نجوم ......... يدل على ايه الكلام ده ؟؟؟؟

و ليه دايما الناس اللي مش معاها العربية لازم تطلعلنا بأي حاجة سلبية و خلاص
و خصوصا لما نشوف موضوع يشكر في الجين 2

[momenhamdy]

أولا التقييم قديم من سنة 2005 لأول موديلات الجين 2
ثانيا التقييم بيتم على كل جزء من السيارة و في الاخر بيعمل متوسط و يعطي درجة نهائية
ثالثا الموقع أعطى العربية نجمتين ......... و المُلاك أعطوها أربعة نجوم ......... يدل على ايه الكلام ده ؟؟؟؟

و ليه دايما الناس اللي مش معاها العربية لازم تطلعلنا بأي حاجة سلبية و خلاص
و خصوصا لما نشوف موضوع يشكر في الجين 2

+1111111111111
و الله عندك حق يا توت ....... ساعات الاخبار دي تحسسك ان بروتون دي معموله في اسرائيل مثلاً و لا حاجة
ربنا يستر علينا

[khpopo]

أولا التقييم قديم من سنة 2005 لأول موديلات الجين 2
ثانيا التقييم بيتم على كل جزء من السيارة و في الاخر بيعمل متوسط و يعطي درجة نهائية
ثالثا الموقع أعطى العربية نجمتين ......... و المُلاك أعطوها أربعة نجوم ......... يدل على ايه الكلام ده ؟؟؟؟

و ليه دايما الناس اللي مش معاها العربية لازم تطلعلنا بأي حاجة سلبية و خلاص
و خصوصا لما نشوف موضوع يشكر في الجين 2

+1000000000000000000
ربنا يحميهالنا

[Rafraf]

lo 3ayzen t3rfo 3an el gen2 aktar

fe site esmo

www.carsurvey.org

el site da fe takiim mazbot la2no la as7ab el 3rbyat

hatla2i kol el markat el tt5ilha

el gen 2 fe menha byshkor feha awi w fe nas btshtmha

bs el shtaim 3ala el ta2fil w sot el ta2ta2a men odam w wara

mafish 7ad 3ando mosiba kbira zi ahmad siam maslan

da leli 3auz y3raf el ara2 bta3t as7ab el 3arbyat bgdd

[minasamirus]

شفت يا توت اهوا ده الي انا قصدي عليه ناس باشكر وناس بتشتم مستحيل واحد معجبوش ان زرار التابلوه يفصل يقوم يشتم يعني اكيد زي ماقلت عربيات عربيات والدليل بتاعت الصحراوي دي كانت كله غلطات

[abo samra]

أولا التقييم قديم من سنة 2005 لأول موديلات الجين 2
ثانيا التقييم بيتم على كل جزء من السيارة و في الاخر بيعمل متوسط و يعطي درجة نهائية
ثالثا الموقع أعطى العربية نجمتين ......... و المُلاك أعطوها أربعة نجوم ......... يدل على ايه الكلام ده ؟؟؟؟

و ليه دايما الناس اللي مش معاها العربية لازم تطلعلنا بأي حاجة سلبية و خلاص
و خصوصا لما نشوف موضوع يشكر في الجين 2

الموقع اداها نجمه واحده فقط من خمسه نجوم
ثانيا ده مش تقييمى انا
ثالثا ما اعتقدش ان الكلام ده من 2005 لان الموقع شال اللانسر البومه من التقييم وحط اللانسر الجديده.....على فكره اللانسر الجديده واخده نجمتين
وفى الثبات نجمه واحده؟؟؟؟؟؟؟ والجين 2 واخده 3 نجمات فى الثبات

[amrbaseem]

على فكرة التقييم ده من 2005 عشان اول واحد سايب تعليقه (الايجابي بالنسبة للعربية) بتاريخ 4\2006 يعني غالبا كان على موديل 2005 او 2006 بالكتير.


أما بالنسبة للنجوم القليلة فانا هاديك مثال..الامان مثلا نجمة واحدة..ليه؟..عشان هما بيشوفو كل الأوبشنز بتاعت الامان اللي اتعملت في تاريخ ال عربيات وبيشوفو هيا فيها كام أوبشن منهم...عشان كده واخدة نجمة واحدة..يا رب أكون وضحت وجهة نظري.

[tutankhamoun]

السلام عليكم و رحمة الله وبركاته
أولا أحب أن أحيي كل من شارك في الموضوع و أحب أوضح وجهة نظر مهمة جدا
بالنسبة لتقييم الموقع

أولا هما أتكلموا عن الفئة اللي هي بتنافس فيها زي الجولف والفورد الفوكس بغض النظر عن اختلاف الأسعار و خصوصا في مصر و دي كانت مقدمة التعريف عن العربية
و بيقولوا أن لوتس واضح التأثير بتاعها في العربية خصوصا في الشاسيه و القيادة و الثبات

طيب نمسك التقرير نقطة نقطة و نفنطة علشان برضه الناس تفهم التقارير دي بتتعمل ازاي

الصالون و كابينة القيادة @@
مش عاجباهم ..... علشان الآتي
مفيش درج تخزين - الأبواب كلها متغلفة بلاستيك
يعني طارت نجوم الصالون بسبب درج التخزين و ان البلاستيك كتير من جوه
و كمان مش عاجبهم التقفيل الداخلي و بيقولوه عليه فقير .

و أنا يمكن أتفق معاهم بنسبة كبيرة جدا في النقطة دي
بس أنا قصدي ..... أن نقاط التقييم قلت كتير للعربية بسبب حاجات بالنسبة ليهم مختلفة عن المستخدم الفعلي

مقارنة النسختين ال 1600 و ال 1300 @@
طبعا مش بينصحوا بالموتور ال 1300 عشان أضعف و علشان العربية ال 1300 مفيهاش عوامل أمان كاملة زي ال 1600

الصيانة @@
مش عاجبهم أن بروتون عاملة جدول الصيانة كل 9000 ميل و بيقارنوه بالمنافسين في السوق زي الفورد فوكس اللي صيانتها كل 10 الاف ميل يعني 1600 كم زيادة
و طبعا منقصين النقط على الجين 2 على أساس أنها بتخليك تعمل صيانة دورية ب 1600 كم قبل الفورد فوكس !!!!!!!! و بيقولوا أن كدا فيه تكلفة على المستهلك أكتر علشان خاطر 1600 كم ....
و أدي شوية نقط كمان طايرة بسبب نقطة الصيانة اللي مش عاجباهم

التأمين @@
أحنا معندناش نظام التأمين بتاعهم
بس أنا هاوضح هو ماشيين ازاي
في مصر التأمين واحد على كل العربيات يعني بنسبة من ثمن السيارة الفعلي في السوق و النسبة واحدة على كل العربيات
هناك لاءة
هناك حسب حجم المحرك و السيارة و حداثة السائق أو قدامته في القيادة و أيضا تاريخه من الحوادث أو المطالبات التأمينية

فهم هنا بيقولوا ان مصاريف تسجيل الجين 2 في التأمين عالية شوية و تقريبا زي كل العربيات الكبيرة هناك
بس هما باصين على نقطة أنها لما بتكون مستعملة برضه مازالت مصاريف التأمين عليها غالية من وجهة نظرهم ......بس زيها زي أي عربية تانية

إستهلاك البنزين @@@
عاجبهم إستهلاك البنزين في العربيتين ال 1300 و ال 1600
أول نقطة إيجابية في التقرير

شراء جين 2 مستعمل @@
بيتكلموا ان العربية من الداخل مش عاجباهم و لذلك بيتوقعوا أن بعد مدة من الإستخدام ستكون الداخل في حالة سيئة ( مجرد توقع ) و بينصحوا اللي عايز يشنري العربية مستعمل بالنظر داخل السيارة جيدا و الفحص العام للسيارة خصوصا أن الراجل اللي عمل التقييم بيقول انه حاسس ان الزراير الداخلية للتكييف و خلافه ممكن تبوظ بسرعة ( احساس )
و كمان بيقولوا أن اللي ناوي يشتري مستعمل يجرب العربية و يأخدها مركز خدمة للكشف على صندوق السرعات الأوتوماتيك
و أعتقد أن الكلام ده ساري على أي عربية
و مع ذلك هما حاسبينها نقط سلبية على الجين 2

المحرك @@
مش عاجبهم اداء المحرك على سرعات منخفضة

الأمان @@
مش عاجبهم ان العربية مفيهاش 8 وسادة هوائية زي منافسيها

المساحة الداخلية @@
مش عاجبهم ان الناس الطويلة مش هايبقوا مستريحين في العربية
و فعلا العربية واخدة نجمة واحدة
و أنا عايز أكد
هل حد فينا من ملاك العربية قال كلام عكس اللي اتكتب في التقرير ده .

و شكرا لكل واحد عايز يظهر الحقيقة للي عايز يشتري




بالمناسبة التقييم كان عربية مستعملة و ليست جديدة

[sa3dawy]

يعنى كلامهم كلة صح .. صح ؟

[tutankhamoun]

يعنى كلامهم كلة صح .. صح ؟

يا باشا هما مبالغين شوية إنما مش كدابين
يعني موضوع العزم اللي بيثبت ما بين 2700 لفة إلى 3200 محدش نكره و لا حتى بروتون نفسها و بكدا نقاط قوة الموتور ضاع منها 3 علشان خاطر النقطة دي و بيقولوا انهم مكنوش مرتاحين في سواقة المدينة قوي
و أنا معاهم بس مش دي الحاجة اللي تخلي الناس تسيب العربية مثلا
يعني مش عيب قاتل و لا مصيبة في العربية

لم اتكلموا عن موضوع الأمان
بيقولوا ان العربية الأستندارد بتاعها مفيهوش وسائد هوائية و فرامل ABD , EBD
على عكس اللي بتنزل مصر اللي فيها الكلام ده
لأن عندهم فيه موديل فاضي مفيهوش الحاجات دي
و أدي كان نقطة طاروا بسبب أن بروتون منزلة موديل مفيهوش الكلام ده

موضوع البلاستيك الداخلي
هما مبالغين قوي فيا لنقطة دي و مبالغين جامد
أولا الراجل بيتوقع ,,,,,,,, مجربش و لا عارف و لا أختبر قوة تحمل البلاستيك

أنا معاه ان البلاستيك مغلف الأبواب و مش حاطين فرش قطن مثلا
بس أغلب العربيات اللي في حدود السعر ده كلهم كدا
و على سبيل المثال الياريس و الأكسنت ..... ده حتى الياريس أغلى في مصر

يعني الموضوع نسبي تماما مش استاندرد على كل الناس
يعني في الأخر اللي بيعمل التقرير بني آدم زيه زينا
و ممكن ذوقع يختلف زي اي واحد تاني في اي حتة في العالم

كفاية ان انا سمعت في برنامج توب جير بيقولوا على السيتروين سي فور
that's a rubbish car

يا جماعة الناس بتقيم عربيات كتيرة جدا جدا
و لذلك لما الراجل ينزل من عربية ب 300 ألف و يجرب عربية ب 100 ألف أو 150 ألف
لازم ينزل يقول الكلام ده على العربيات الرخصية
أرجوا أن الناس تفهم عقلية الناس اللي بتجرب و قواعد التجارب

[a7m8n]

استاذ توت

على فكرة يا استاذ توت انت كلامك جامد قوى
بجد انا نفسى اتعرف عليك

[Eng.Sameh]

يعنى كلامهم كلة صح .. صح ؟

ايوه كلامهم صح ، لأن فعلا العربيه ناقصه فعلا يتحسن فيها الحجات دي وتبقى فعلا ممتازة بسعرها ، وعلى فكره هي واخده نجمه واحده مش 2 ، وممكن طبعا التقييم يكون غير دقيق في حجات ، لكن احنا متفقين على نقاط الضعف المذكوره واللي هي لسه موجوده لحد 2009 من ساعة ما التقييم نزل ، ومعتقدش ان اللي بيقيم منحاز لعربية عن الأخرى او لشركة عن الأخرى ، يعني مثلا الموقع ده مدي ال C4 أربع نجوم ومدي ال 308 ثلاث نجوم مع انهم تقريبا واحد لكن فيه اختلافات في الخامات والكماليات والتصميم خلاهم ميخدوش نفس التقييم مع ان بيجو وسيتروين شركة واحدة ولو فيه تحيز كانو الأثنين خدو أربع نجوم ، وعندك مثلا الجولف واخده اربع نجوم والليون بنت عمها واخده اربع نجوم يعني مش لازم عشان الجولف هي البريم بتاع المجموعة انها تكون اعلى من الليون ، والخلاصه ان ده منطقي يا جماعة ومحدش يزعل ومعتقدش ان اي حد فيكم لو ركب اي عربيه من اللي انا ذكرتهم وركب الجين 2 انه مش هيحس بفرق رهيب في كل حاجه والا مكنش حد اشترى غير الجين2 :) ، وطبعا انا مش بقلل من الجين2 وكلكم عرفين اني من مشجعيها بس هيه محتاجه تتمسك من شركة ليها خبره في الكواليتي كونترول وتظبطها وتغير الخامات اللي مستخدمه فيها وتحسن التقفيل عشان الحلو يكمل وتبقى فعلا ممتازه بسعرها وحتى كمان لو زادة شويه لما يستخدمو خمات نضيفه ويصرفو على موضوع الجودة
، وتحياتي لكل قسم بروتون وكل حبيبي اللي في القسم

[ramyso4]

يا يا جماعة الناس بتقيم عربيات كتيرة جدا جدا
و لذلك لما الراجل ينزل من عربية ب 300 ألف و يجرب عربية ب 100 ألف أو 150 ألف
لازم ينزل يقول الكلام ده على العربيات الرخصية
أرجوا أن الناس تفهم عقلية الناس اللي بتجرب و قواعد التجارب

هما لما بيقيمو العربية بيقيموها بالمقارنة بفئتها وسعرها هما مش بالسذاجة انهم يكونو لسة سايقين jaguar فيمسح بكرامة ال-3rd series الأرض أو يكون مجرب ال-3rd series فيمسح بكرامة ال-gen2 الأرض وهكذا... أكيد بيقارن بالعربيات الزيها والدليل على كدة إن فيه عربيات كتير رخيصة و واخدة تقييمات معقولة زي الياريس وال-i10 والبيكانتو ولو على كلام حضرتك كان زمنهم ادو كل العربيات دي نجمة عشان بيبكو مجربين عربية ب-300 ألف قبلها ! وبردو مش معنى إن أي عربية وخدة 3 نجوم تبقى أحسن من الوخدة نجمة وحدة لازم يكونو نفس الفئة يعني مش عشان ال-i10 وخدة 3 تبقى أحسن من ال-gen2 الواخدة نجمة عشان كل واحدة فيهم وخدة نجوم بالمقارنة بمنافسنها

[abo samra]

مظبووووووط وده الللى كنت لسه عاوز اقوله
وعلى فكره الاستاذ توت كان بيقول ان فى بريطانيا الجين 2 بنفس اسعار العربيات التانيه زى اللانسر والكورولا والماذدا انا لاحظت ان الكلام ده مش مظبوط الدليل ان الجين 2 اغلى حاجه فيها 10 اللاف جنيه استريلنى واللانسر والماذدا حوالى 16 الف جنيه استريلنى والفرق كبير قوى