استلمت البيرسونا

[aboalm]

الحمد لله بفضله و كرمه بعت الويرا اللى كانت معايا و جبت بيرسونا 2105 اتوماتيك استلمتها امبارح بس و حبيت افرح مع احلى ناس و عندي بس كام سؤال
1- هو الكمبيوتر بتاع العربيه ده بيشتغل ازاى انا شفت زرارين فى التابلوه باضغط عليهم واحد بيجيب الاستهلااك و الحراره و التانى مش عارف بيعمل ايه
2 - ازاى اقدر اظبط الساعه
يمكن ملاحظتى على العربيه من تجربة سواقة امبارح لحد البيت من العجوزه لحلوان ان العربيه ناعمه جدا و ما بتصدق تجرى و طبعا العفشه مختلفه تماما عن عفشة الويرا انا شايف انها احسن بكتير و العربيه برضه اعلى و الحمد لله هيا اكتر حاجه ملفته للنظر هيا الفرامل انا عارف انها abs بس مختلفه جدا عن فرامل عربيات تانيه زى الصنى مثلا . هل هيا كده فعلا ؟
و فى الاخر شكرا لكل رجالة اجدع منتدى

[ENG.MaRk]

1000 مبروك يا فندم و ربنا يديك خيرها و يكفيك شرها :)

[hanyyacot]

الف مبروك و ربنا يباركلك فيها

[aboalm]

الله يبارك فيكم جميعا

[Omar Mahmoud]

الف مبروك
الفرامل قصدك طول المشوار بتاع الدواسة ولا انها مش بتفرمل غير بالكبس؟؟؟؟؟ظ

[aboalm]

اقصد ان المشوار طويل
و حاجه تانيه كمان معلش المفتاح العجيب و الانذار شويه ادوس يقفل عادي و شويه يقفل و يفضل الانذار يصفر ااقوم افصله و اقفل الباب بالمفتاح عادي من ما اشغل الانذار
اخر حاجه بالمره بقي هو ينفع افتح الشنطه بالريموت من ما افتح ﺍﻟﻌﺮﺑﻴﻪ

[Omar Mahmoud]

المشوار الطويل ده طبيعة فرامل البروتون
الانذار تسال في التوكيل في اول صيانة
و الف مبروك

[Sameyes]

مبروك ياباشا
أنا جارك من حلوان وجبت قبلك چين٢ من عز العرب في العجوزة برضو. ربنا يباركلك فيها ويحافظ عليك وعليها
لو محتاج أي إستفسار إحنا في الخدمة. وألف مبروك ياباشا

[aboalm]

اه الحقيقه الاستفسار عن الكمبيوتر و ايه الوظائف اللي بيظهرها علي ﺍﻟﺸﺎﺷﻪ

[Omar Mahmoud]

استهلاك البنزين
وكميةالبنزين اللي في التنك تكفي اد ايه

[Dr\Mohamed]

و حاجه تانيه كمان معلش المفتاح العجيب و الانذار شويه ادوس يقفل عادي و شويه يقفل و يفضل الانذار يصفر ااقوم افصله و اقفل الباب بالمفتاح عادي من ما اشغل الانذار
اخر حاجه بالمره بقي هو ينفع افتح الشنطه بالريموت من ما افتح ﺍﻟﻌﺮﺑﻴﻪ

اولا الف مبروك وفعلا اختيار موفق

بالنسبة حضرتك للانذار برده عندي نفس المشكلة وتوصلت اخيرا لحل اني استنى 4 او 5 ثواني بعد ما اقفل اخر باب وبعدين اضغط على زرار القفل بكده مش بيحصل اى مشاكل في الانذار ولا في غلق السيارة

اما بالنسبة للشنطة بتتفتح عن طريق ضغطتين متتاليتين على زرار الفتح
مع اول ضغطة هتلاحظ حضرتك ان الاشارة بتنور وتطفي 3 مرات مع آخر مرة تنور فيها الاشارة اضغط على نفس الزرار ضغطة تانية هتتفتح الشنطة

[egyptiandiver]

الف مبروك

[Dr\Mohamed]

1- هو الكمبيوتر بتاع العربيه ده بيشتغل ازاى انا شفت زرارين فى التابلوه باضغط عليهم واحد بيجيب الاستهلااك و الحراره و التانى مش عارف بيعمل ايه
2 - ازاى اقدر اظبط الساعه
يمكن ملاحظتى على العربيه من تجربة سواقة امبارح لحد البيت من العجوزه لحلوان ان العربيه ناعمه جدا و ما بتصدق تجرى و طبعا العفشه مختلفه تماما عن عفشة الويرا انا شايف انها احسن بكتير و العربيه برضه اعلى و الحمد لله هيا اكتر حاجه ملفته للنظر هيا الفرامل انا عارف انها abs بس مختلفه جدا عن فرامل عربيات تانيه زى الصنى مثلا . هل هيا كده فعلا ؟
و فى الاخر شكرا لكل رجالة اجدع منتدى

حضرتك بالنسبة لزراير التابلوه
اولا اللي على اليمين اول ضغطة هيجيب عداد الرحلات
لو ضغطت على الزرار الشمال 5 ثواني الوقتي هيصفر عداد الرحلات وهيبدأ من اللحظة دي

تاني ضغطة للزرار اليمين معدل استهلاك البنزين كام لتر لكل 100 كيلو (غير دقيق)
لو ضغطت على الزرار الشمال 5 ثواني الوقتي هيصفر معدل استهلاك الوقود وهيبدأ من اللحظة دي

تلات ضغطة للزرار اليمين مدة تشغيل السيارة بالساعات والدقائق
لو ضغطت على الزرار الشمال 5 ثواني الوقتي هيصفر زمن تشغيل السيارة وهيبدأ من اللحظة دي

رابع ضغطة للزرار اليمين يحسب كمية الوقود المتبقية كافية للسير كام كيلو متر

تانيا الزرار الشمال لو ضغطت عليه 5 ثواني يبدأ التحكم في الساعة


ده اللي انا قادر افتكره على حسب الذاكرة
اما بالنسبة للفرامل فدي اول عربية ليا مش عارف اقارنها بحاجة فمش هعرف افيد حضرتك في النقطة دي

[aboalm]

الله يبارك فيكم جميعا
بس اللي انا ملاحظه ان الدركسيون ناشف عن الويرا و الفرامل كمان مش اقصد ان المشوار طويل لا اقصد كمان انها ناشفه شويه
كده صح برضه ؟