اسئلة بخصوص استلام بيرسونا..

[Member 18]

السلام عليكم
الحمد لله حجزت البيرسونا ووصلت وشفتها النهارده ، بس مش عاوز استلمها الا لما ورقها يخلص
وكان عندى شوية ملاحظات واسئله ...

1) المقابض والبتاعه الفضى اللى على الشنطه مكنوش بيلمعوا ، مش كروم يعنى ، كانوا عاملين زى اللعبه البلاستيك ، ده طبيعي ؟!

2) الاستبن مش اسبور ومش نفس المقاس كمان ، بصراحه انا مندهش ، هل ده طبيعى برضه ؟ وهل كده فى الجين ؟

3) لما فتحت الكبوت ، لقيت مجموعة اسلاك جنب البطاريه ملفوف عليهم شيكرتون ، هو المصنع بيطلعها كده ؟

4) والراجل بيقفل الكبوت من مسافه ، مقفلش معاه الا بعد تالت مره؟

5)الباب محتاج يتقفل بقوه مقارنة بالكيا سبكترا اللى سوقتها ، هل ده طبيعي برضه؟

6) قفلت العربيه من الريموت وحاولت افتحها الانذار معملش حاجه ، الراجل قاللى مش هيشتغل الا لما الباب يتفتح فعلا ، هو مش المفروض الانذار يعمل صوت لما حد يحاول يفتح العربيه؟ ده فيه انذارات بتعمل صوت لما حد يقرب بس

7) العربيه مكنتش نضيفه لا من بره ولا من جوه الكبوت ، الراجل قاللى انت مشفتهاش لما جت ، كانت كلها تراب ، المشكله ان التراب لسه باين فى الماتور وفى المقابض والمرايات ومش عارف خشونة المقابض دى بسبب التراب ولا طبيعي فى العربيه

واخيرا بأه سؤال ، ازاي استخدم مثبت السرعة ، لأن دى هتكون اول مره اسوق عربيه فيها مثبت سرعه :)))
شكرا مقدما

[Omar Mahmoud]

نقطة 1 هي مش كروم ... دهان زي الميجان 2
نقطة 2 عادي و الجين تو و عربيات تانية كتير كدة علشان هو حاجة للطوارئ(حركة رخمة بصراحة)
3- معلش مش فاهم قصدك
4-بالنسبة الكبوت مش عادي بس تتعمل في اول صيانة
5-الباب علشان يتقفل مش عايز بالراحة ولا رزعة جامدة
6-لو الشنطة متقفلتش كويس و قفلت السنتر الانذار هيضرب ... ساعات لو بتفتح بالمفتاح و عملته في الناحية بتاعت القفل بدل الفتح الانذار بيضرب
7-لما استلمنا العربية كانت مردومة تراب و هما غسلوها و انا بستتلم.. بالنسبة لخشونة المقابض و الاكر شوف عربية تانية احتياطي علشان تكون متطمن
انا بصراحة مجربتش مثبت سرعة قبل كدة فمش هعرف افيدك
مبروك مقدما

[ahmedmohamed7]

الف مبروووك :)))
1-هى كده الى كانت بتلمع كانت الموديلات القديمة الى قبل الاليجانس ......الالليجانس فضى مطفى ..
2-هى كده ....استبن عجله :)
3-هنزل ابصلك عندى .... بس افتكرا فعلا ان كان فيه اسلاك ملفوفة جمب البطاريه ....اكتر حاجة غتيظانى ماتور المساحات :) كويس انك ماخدتش بالك منه :)
4-كان بيرميه من قريب ....كابوت البروتون لازم يترمى من بعيد شوية علشان يقفل .....عادى برده
5-عادى و مع الوقت بيلين و فى صيانة الالف هيظبطوه
6-مظبوط فعلا ...الانتظار هيشتغل اول ماحد يفتح الباب او الشانطة مانوال بعد قفله بالريموت
7-مممممممم خليى المعرض يغسله كوسي من بره من جوه .... معرض ايه ده ؟
8-مثبت السرعة سهل و لطيف .... دراع طالع من ناحية يمين الطارة .... الدرار ده فيه زاز لما بتدوس عليه بتخلى ال كروز ستاند بى و ساعتها فيه لمبة برتقالى بتنور فى الطابلوه ....لما توصل للسرعة الى عايز تثبت عليه شد الدراع لفوق و اللمبة هتقلب اخضر و شكرا :) عايز تزود السرعة شد الدراع لفوق عايز تنزل شد الدراع لتحت .....فاعلية المثبت بتروح اول متلمس الفرامل ...و بترجع المبة برتقال_ ستاند بى عايز ترجع للسرعة الى كنت عليه قبل ماتدوس فرامل شد الدراع لتحت :)
الف مبروك كمان مرة

[Member 18]

الله يبارك فيك يا استاذ عمر ..
اللى اقصده انى شفت مجموعة اسلاك جنب البطاريه وعليهم لف شيكرتون اسود التراب كان مخليه ظاهر ، فانا كنت مستغرب ان المصنع يطلعها ملفوفه بشيكرتون ، ولا ده حد مصري بيحط التاتش بتاعه :))

الف مبروووك :)))

3-هنزل ابصلك عندى .... بس افتكرا فعلا ان كان فيه اسلاك ملفوفة جمب البطاريه ....اكتر حاجة غتيظانى ماتور المساحات :) كويس انك ماخدتش بالك منه :)

الله يبارك فيك يا بشمهندس :))
انا اخدت بالى طبعا من ماتور المساحات ، هو ده حد ينفع مايخدش باله منه :)))
بس دورت فى صورها على جوجل لقيته كده فعلا
ياخى انا مش عارف الناس دى غاوية تستفزنا ليه :)
ده غير ان مفيش زرار فى الريموت يخلى العربيه تطلع صوت ، يعنى لو ركنتها ونسيت مكانها اقعد لف بأه يابرنس :))
ده غير الزراير الزينه اللى فى التابلو جمب زرار الانتظار ، حاسس انى اشتريت عربيه لعبه :))))
بس فيه حاجه مجربتهاش ، هو انا لو قفلت العربيه من الريموت والازاز مفتوح ، بيقفل لوحده زى الاسبكترا ولا لازم اقفله الاول؟

[ahmedmohamed7]

لا مافبش وحدات رفع تلقائى :) مش هيتقفل يعنى .....
قول الحمدلله اخواتنا مش لاقين فتحة ال usb و ممكن الكروز و ممكن المالتى انت واخد عربية فيها الحد الادنى من الرفاهية الحمدلله ..يلا سلام لو فتحة سقف كمان ^_^

[Member 18]

طيب بخصوص الفرش بأه ، اعمل ايه ؟ افرشها قماش ولا جلد ؟ ولون ايه؟
علما ان لون العربيه برونزى :)))
اى اقتراحات؟

[ahmedmohamed7]

طيب بخصوص الفرش بأه ، اعمل ايه ؟ افرشها قماش ولا جلد ؟ ولون ايه؟
علما ان لون العربيه برونزى :)))
اى اقتراحات؟

معلومات ضايعة فى موضوع الفرش ده و اصلا عربيتى يا عينى من غير فرش :) ....المعلومات الى عندى عايز حاجة من الاخر و نضيفة بس غالية جينز كار او الجعفرى :) جينز كار فى مدينة نصر و الجعفرى فى المعادى عدى عليهم و هيقولولك ايه الالوان الى هتبقى مناسبة على لون عربيتك .. هتلاقى تشكيلات كتيرة

[Member 18]

معلومات ضايعة فى موضوع الفرش ده و اصلا عربيتى يا عينى من غير فرش :) ....المعلومات الى عندى عايز حاجة من الاخر و نضيفة بس غالية جينز كار او الجعفرى :) جينز كار فى مدينة نصر و الجعفرى فى المعادى عدى عليهم و هيقولولك ايه الالوان الى هتبقى مناسبة على لون عربيتك .. هتلاقى تشكيلات كتيرة

طيب وبالنسبه للناس اللى فى اسكندريه ، يعملوا ايه :)))

[taim]

الف مبروك يا باشا وربنا يكفيك شرها ويرزقك خيرها

كنت عايز اعرف بعد اذنكم اخبار استهلاك البنزين بتاع بيرسونا ايه

[ahmedmohamed7]

الف مبروك يا باشا وربنا يكفيك شرها ويرزقك خيرها

كنت عايز اعرف بعد اذنكم اخبار استهلاك البنزين بتاع بيرسونا ايه

البروتون بيرسونا|جين بيعتبروا استهلاكهم عالى نسبيا ..... التفويلة بتمشيك من 300 ل 400 كيلو جوه البلد ... على الطرق السريعة ممكن توصل ل 500 كيلو ... ده الاستهلاك عند معظم الناس ....فيه ناس بتعمل معدلات اكتر من كده :)
لمعلوماتك الاستهلاك ده تقريبا مماثل لمعظم العربيات ال 1600 الى فى نفس الفئة\السعر .

[scientist9508]

الف مبروووك :)))
1-هى كده الى كانت بتلمع كانت الموديلات القديمة الى قبل الاليجانس ......الالليجانس فضى مطفى ..
2-هى كده ....استبن عجله :)
3-هنزل ابصلك عندى .... بس افتكرا فعلا ان كان فيه اسلاك ملفوفة جمب البطاريه ....اكتر حاجة غتيظانى ماتور المساحات :) كويس انك ماخدتش بالك منه :)
4-كان بيرميه من قريب ....كابوت البروتون لازم يترمى من بعيد شوية علشان يقفل .....عادى برده
5-عادى و مع الوقت بيلين و فى صيانة الالف هيظبطوه
6-مظبوط فعلا ...الانتظار هيشتغل اول ماحد يفتح الباب او الشانطة مانوال بعد قفله بالريموت
7-مممممممم خليى المعرض يغسله كوسي من بره من جوه .... معرض ايه ده ؟
8-مثبت السرعة سهل و لطيف .... دراع طالع من ناحية يمين الطارة .... الدرار ده فيه زاز لما بتدوس عليه بتخلى ال كروز ستاند بى و ساعتها فيه لمبة برتقالى بتنور فى الطابلوه ....لما توصل للسرعة الى عايز تثبت عليه شد الدراع لفوق و اللمبة هتقلب اخضر و شكرا :) عايز تزود السرعة شد الدراع لفوق عايز تنزل شد الدراع لتحت .....فاعلية المثبت بتروح اول متلمس الفرامل ...و بترجع المبة برتقال_ ستاند بى عايز ترجع للسرعة الى كنت عليه قبل ماتدوس فرامل شد الدراع لتحت :)
الف مبروك كمان مرة

ان اذن الله لى بان اشترى البروتون ساحتاج اليك كثيراً فانت خبير فيها. . . سانسخ ما كتبته انت و احتفظ به عندى لاحساسى باهميته

[ahmedmohamed7]

ان اذن الله لى بان اشترى البروتون ساحتاج اليك كثيراً فانت خبير فيها. . . سانسخ ما كتبته انت و احتفظ به عندى لاحساسى باهميته :ta_clap[1]:

الله يخليك :) احنا هنا علشان مساعدة بعضنا البعض :)

[Member 18]

استلمت العربيه اخيرا :))))
بس مش هعرف اعمل تقارير زى الناس لأنى مش محترف :))
بس عموما هى انعم من الكيا سبكترا اللى كانت معايا
ابعادها اصعب ، تحس انها ضخمه
والفرامل غريبه شويه فعلا :)) بس مش مزعلانى :))
الراجل قاللى مزودش عن 90 كم ، ومش عارف ازاى هقدر :))
عندى سؤالين بشكل مبدأى :
اولا : ازاى امور العربيه ، المفتاح مش بيطلع على n ، بتموروها ازاى دى ؟!!
ثانيا : ازاى اظبط الساعه :)))

[Omar Mahmoud]

استلمت العربيه اخيرا :))))
بس مش هعرف اعمل تقارير زى الناس لأنى مش محترف :))
بس عموما هى انعم من الكيا سبكترا اللى كانت معايا
ابعادها اصعب ، تحس انها ضخمه
والفرامل غريبه شويه فعلا :)) بس مش مزعلانى :))
الراجل قاللى مزودش عن 90 كم ، ومش عارف ازاى هقدر :))
عندى سؤالين بشكل مبدأى :
اولا : ازاى امور العربيه ، المفتاح مش بيطلع على n ، بتموروها ازاى دى ؟!!
ثانيا : ازاى اظبط الساعه :)))

الف مبروك
ربنا يباركلك فيها
المفتاح مش بيطلع غير علي ال p
الساعة مش انا اللي ظابطها
بس هي في الكتالوج عندي ص90 تقريبا

[Member 18]

الف مبروك
ربنا يباركلك فيها
المفتاح مش بيطلع غير علي ال p
الساعة مش انا اللي ظابطها
بس هي في الكتالوج عندي ص90 تقريبا

ايه ده ؟ فعلا ؟
طيب لو حبيت اسيبها مموره للسايس بتاع الجراج ؟
او لو حبيت اركن صف تانى ؟ :)))
بتتصرفوا ازاى ؟