استشاره بخصوص الجين تو ياريت افاده بسرعه

[medoshalan]

انا دلوقتى معايا اوبل موديل 2000 مانيول العربيه بصراحه اول ما جبتها تعبتنى شويه وصرفت عليها كتير لحد ما ظبطت وبقت زى الفل دلوقتى انا واحد صاحبى معاه جين 2 موديل 2011 كان جايبها زيرو وهو مسافر السعوديه وبينزل يركبها شهر فى السنه ويرفعها الحاله بحاله الزيرو عامله 20 الف كيلو بس فى 4 سنين هو هيبيع ويجيب لانسر موديل السنه فانا عايز اشترى الجين 2 منه عايز اعرف راى الناس هنا ابدل الاوبل 2000 بى جين 2 2011 ولا اشوف ماركه تانيه علما انى معرفش اى حاجه عن البروتون ولا اعرف مميزاتها ولا اعرف عنها اى حاجه عايز نصيحه من الناس هنا ياريت انصحونى اعمل ايه

[Ahmedo0o]

عربيه ممتازه سرعه وثبات
وحالت العربيه حلوه على كلامك توكل على الله

[Abo_Mazen]

وأهو تبقى طلعت في الموديل برضه من حيث سنة الصنع يعني ..حضرتك بتتكلم عن فرق عشر سنين ما بين الأوبل وما بين البروتون ..حضرتك تكسبهم برضه

[aelskhawy]

عربية جديدة عامة بالحالة اللي بتتكلم عليها دي اكيد هتريح كتير على المدى البعيد
العربية الحمدلله ثابتة وسريعة ومعدل حرق البنزين فيها معقول جدا
وفيها كل الاوبشنز تقريبا
اعمل استخارة وتوكل على الله :)

[Omar Mahmoud]

انا معايا العربيتين
بس لازم حضرتك توضح اذاكانت الاوبل 1600cc او 2000cc
اي موتور؟؟؟

[medoshalan]

الاوبل 1600 الماتور ايكوتك

[Omar Mahmoud]

الاوبل معايا الموتور الاسود 73 حصان .. البروتون 110 حصان .. الايكوتك 105 او 100 حصان مش فاكر بالظبط
حاجات هتخسرها في الاوبل لو جبت البروتون
-الخامات الداخلية و التقفيل
-الباور الانعم
-امكانية تزويد كماليات كتير اصلية بدون لعب في الضفيرة
-انتشار قطع الغيار بسبب عمر العربيتين (19 سنة و 9 سنين)
مميزات البروتون عن الاوبل (الموتور اللي معايا علي الاقل)
-سحب و تسارع افضل طبعا
-تكييف اقوي بس صوته اعلي
-ستيرينج افضل بالنسبالي علي السرعات علشان تقيل
-كماليات اكتر
اقصر في الركنات و اكثر رشاقة في الغرز
___________
بالنسبة للفرامل الاوبل موديل 2000 فراملها اقوي من اللي عندي .. بس الفرامل في الاوبل و البروتون (بس تتعود علي نظامها)بعد تجارب كتير تقريبا زي بعض. الثبات نفس الكلام بس انا عندي جنوط 14 و عند حضرتك جنوط 15 واعرض. بالنسبة للتسارع و السحب الايكوتك احسن من الموتور بتاع الاوبل الاسود بكتير.
قطع الغيار للاتنين معمرين. و منتشرين سواء جديد او استيراد بس الاوبل اكتر و البروتون بدائل قطع غيارها الميكانيكية اكتر.
اسعار قطع الغيار البروتون ارخص في حاجات و الاوبل ارخص في حاجات.
و يفضل لو قدرت تسوق البروتون الاول.

[medoshalan]

متشكر جدا يا باشا ومعلش لو هتقل عليك لانى مش دايس اوى فى العربيات وشكل حضرتك فاهم انا قدامى برده سيراتو 2011 اتوماتيك الفئه التانيه بفاضل بينها وبين البروتون وبرده حالتها زيرو بتاعت صاحبى وسوقتها كتير ولو هتقل عليك اكتر ممكن تقولى متوسط سعر البروتون بالحاله اللى قولت لحضرتك عليها كام عشان انا مش عارف اوصل لسعر فيها

[Omar Mahmoud]

متشكر جدا يا باشا ومعلش لو هتقل عليك لانى مش دايس اوى فى العربيات وشكل حضرتك فاهم انا قدامى برده سيراتو 2011 اتوماتيك الفئه التانيه بفاضل بينها وبين البروتون وبرده حالتها زيرو بتاعت صاحبى وسوقتها كتير ولو هتقل عليك اكتر ممكن تقولى متوسط سعر البروتون بالحاله اللى قولت لحضرتك عليها كام عشان انا مش عارف اوصل لسعر فيها

انا معرفش متوسط اسعار المستعمل معلش
لو السيراتو اللي هي ex دي احسن في الخامات الداخلية و التقفيل و الاوبشن تقريبا زي بعض
بس السيراتو مفيش فيها abs-ebd ولا ايموبلايزر عكس البروتون
البروتون اثبت من السيراتو و فرامل اقوي و ركوبة احسن
بس السيراتو رفاهية اكتر