أخبار من التوكيل -- و ملف جدول صيانة الجين 2

[tutankhamoun]

مشكور يا توت على المجهود و التعب و ربنا يجازيك كل خير

أستاذ أحمد صيام .... أهلا بيك و العفو يا باشا

barak allah feek w gazak 3anna kol kher

أهلا بيك يا أستاذ ميدو ........ و بارك الله فيك و جزاك خيرا

جزاك الله خيراً يا توت
بجد أخبار ممتازة وإهتمام يفرح من عز العرب. أنا كنت شايف إن أكبر مشاكل الجين2 هوا عدم إهتمام التوكيل بس دلوقتي أنا شايف إن التوكيل فعلاً مهتم جامد ودي تتحسب ميزة للعربية. :nerd:

أستاذ وليد .... منور يا باشا
طبعا و لله الحمد التوكيل بيزيد أهتمامه و كمان الشركة الام متابعة على طول و فيه كمان راجل محترم قوي في خدمة العملاء أسمه المهندس آمر بيعمل أقصى ما في جهده لحل مشكلة أي عميل بيشتكي من أي حاجة في العربية أو من الخدمة في التوكيل
ربنا يجازي الناس اللي بتشوف شغلها صح خير ....... آمين

شكرا اخ توت على المجهود الرائع والى الامام دائما

أستاذ بطوط ......... منور و العفو يا أخي .... و بارك الله فيك

[tutankhamoun]

شكرااا اخ توت على مجهوداتك مع جين2 الجميلة :k4: وهى تستاهل كل خير لانها اثبتت وجودها بنفسها بدون ادنى مساعدة من الوكيل ودلوقتى لازم يتحرك باسرع مايمكن للمنافسة العالية ودة من حظها الحلو انك بتساندها كمان احسن حاجة فى الدنيا لما تحس انك اسعدت انسان
ربنا يوفق

منور يا باشا .....و العفو و فعلا أنا متفق معاك
العربية بيطلع عليها أشاعات بالهبل و مع ذلك .....ما شاء الله بتبيع كويس قوي و ده دليل إن الأشاعات كلها كدب في كدب و أغلبها تأليف و فتي
و أنا شايف إن التوكيل بيتحسن و ده شئ ايجابي لأسم التوكيل و أسم السيارات اللي معاه وكالتهم زي بروتون و سيتروين و الكرايزلر و البي ام و الشيروكي و الدودج .......... ربنا يكرمه و يكرمنا للأحسن بإذن الله تعالى

ربنا يباركلك ويكرمك
ألف شكرآ
على تعبك معانا

العفو يا أخي الكريم و ربنا يباركلك

شي جميل وإن شاء الله التوكيل في تقدم علشان جميله الجميلات الجين 2 علي راي الاستاذ توت
لكن عايز اقول حاجه انا شايف ان الاهتمام في فرع القاهرة واين فرع الاسكندريه من كل هذا ياريت يا استاذ توت ترد علي هذا السؤال وشكرا

أهلا بيك يا باشا و منور
الأستاذ آمر بيتكلم عن كل الفروع و اللي عنده أي مشكلة يكلمه و إن شاء الله تتحل ........ و أحنا بنتكلم عن شركة و توكيل عز العرب و ليس فرع الصحراوي .... لذلك كل التحسينات إن شاء الله ستتطول كل الفروع و اللي عنده مشكلة ....... لا يتردد في الأتصال بالمهندس آمر و إن شاء الله تتحل

مش جديد على الكينج توت عنخ امون المجهودات الخارقه ديه
" النجم الساطع فى قسم بروتون ... اكيد توت عنخ امون "

تسلم ايدك يا استاذ توت
و شكر كبير ل المهندس امر " الى واضح فعلا انه عاوز يعمل تغير فى سياسه التوكيل "
بس انا لسه فى انتظار اعاده النظر فى اسعار قطع الغيار
و اتمنى انى اشوف قايمه اسعار الواجا قبل ما اموت , او قبل ما ابيعها " ايهما اقرب " .

منور يا أستاذ مُهاب يا كبير الواجاوية
ربنا يخليك و يكرمك و متشكر قوي على الكلام الجميل ده

و فعلا التوكيل بيتسحن و إن شاء الله هيكون أحسن من كدا خصوصا بعد فتح المركز الجديد للإصلاح خلف القرية الذكية ...... ربنا يسهل
و ليه بس كدا موضوع بيع العربية
إن شاء الله كل حاجة تبقى تمام و أنا شايف إن الواجا فعلا عربية محترمة قوي
ربنا يباركلك فيها و يقيك شر الطريق

شكرااا للاستاذ توت ولكن اللينك بتاع الجدول مش شغال ياتوت
بليز ارفعه تاني
واشكرك

تويتي باشا
أولا العفو يا جميل و منور الموضوع يا عسل
أنا راجعت على الرابط الخاص بالملف و كله شغال تمام
أنتظر حتى نهاية تحميل الصفحة
ستجد في نهاية الصفحة كلمة صغيرة جدا مكتوب عليه
save file to your pc click here
إنما الرابط شغال يا باشا

طبعاً انا عارف اني اتأخرت اوي عليك يا توت في الشكر
مع ان الشكر دي كلمه صغيره جداً جداً علي المجهود الرهيب الي انت بتعمله يا توت
و بجد انا و الله عاجز عن الشكر ....... علشان انت انسان بتحاول علي اد ما تقدر تفيد الناس بطريقة بجد بجد محترمه جداً
و انا عارف ان الشغل دا مش غاريب علي واحد في شخصيتك يا توت بجد
بسم الله ما شاء الله .... و مفيش كلمه اروع من كدا اقدر اقولها علي مجهودك
و النهادره فعلاً ان اثبت لكل عضو او اي انسان ان فعلاً عز العرب فعلاً بيطور نفسه و ان هو بيهمه مصلحه عميل الخاص بي
دا غير الجدول الي مفيد اوي اوي لملاك الجين2

و ليك اجمل التحيات
:k49::k49::k49::k49::k49:

العفو يا أستاذ مؤمن و حضرتك منور في أي وقت و كفاية الذوق و الأخلاق و دي أهم من ألف كلمة شكر
ربنا يباركلك و يبارك لملاك الجين 2 في عربياتهم
بالنسبة للتوكيل فعلا زي ما قلنا قبل كدا أنه الحمد لله في تحسن مستمر و كمان الشركة الأم مهتمة جدا بالسوق المصري بعد المبيعات الكبيرة التي لم تكن متوقعة و فيه دورات تدريبية للعمال و الصنايعية والمهندسين في التوكيل و مراكز الخدمة التابعة له
و طبعا ده شئ كويس و يرفع من مستواهم العلمي و الفني علشان يقدروا يواكبوا التطورات في المجال ده ....... ألا و هو ....... إصلاح و صيانة جميلة الجميلات بطريقة أفضل للعملاء ........للحفاظ على أسم بروتون و كمان الحفاظ على رضاء العملاء و جذب عملاء جدد

[TrickyAhmed85]

تووووووووت باشا

كرمك وأفضالك مغرقانا وبيدلدقو منك والله :k49:

شكرا يا باشا على المجهود الرائع وجزال الله عنا كل الخير

[ahmad alshaaer]

شكراااااااااااا
ياتوت
حبيبي
ابقى كلمني لاني رنيت عليك الشبكه قالتلي
ربما تكون نائمااااااا!!!!!!

[BETHOVEN101]

أرجوك محتاج جدول الصيانه ضروري جدا جدا جدا جدا

[Abokartona]

تويتي باشا
أولا العفو يا جميل و منور الموضوع يا عسل
أنا راجعت على الرابط الخاص بالملف و كله شغال تمام
أنتظر حتى نهاية تحميل الصفحة
ستجد في نهاية الصفحة كلمة صغيرة جدا مكتوب عليه
save file to your pc click here
إنما الرابط شغال يا باشا


انا مش لاقى الفايل و لا لاقى حاجة من اللى بتقول عليها..ممكن تحط ال url فى وسط الصفحة

[khaledmontero]

استاذ توت ... 1000 شكر ع المجهود الرائع

[x512]

مجهود رائع بس الاهم من النت اللاسلكي و اماكن الانتظار المكيفه....الصيانه تبقي بضمير و حسن معامله العميل...مش اما يواجه مشكله تلاقي العامل او المهندس يقولو هي كدا و متقارنش العربيه بعربيات تانيه

[tutankhamoun]

أرجوك محتاج جدول الصيانه ضروري جدا جدا جدا جدا

انا مش لاقى الفايل و لا لاقى حاجة من اللى بتقول عليها..ممكن تحط ال url فى وسط الصفحة

بتهوفن و أبو كرتونة ....... إن شاء الله يا رجالة أرفع الملف تاني بكرة الصبح علشان ده موضوع قديم من أيام سنة 2008
إن شاء الله أول ما أصحى الصبح هارفع الملف مرة تاني

مجهود رائع بس الاهم من النت اللاسلكي و اماكن الانتظار المكيفه....الصيانه تبقي بضمير و حسن معامله العميل...مش اما يواجه مشكله تلاقي العامل او المهندس يقولو هي كدا و متقارنش العربيه بعربيات تانيه

كلامك كله مظبوط يا باشا ...... فعلا الأهم العربية لما تروح تعمل صيانة تطلع و العميل راضي عنها .
بس برضه موضوع الانترنت اللاسلكي و غرفة الأستقبال .... حاجات كويسة .

[tutankhamoun]

2shared - download ProtonGen2SIANA.xls

تحديث لرابط تنزيل جدول الصيانات ...... عند الضغط على الرابط هاتفتح صفحة و ننتظر التحميل .
و بعدين نذهب لأسفل الصفحة ...... هانلاقي رابط مكتوب عليه
Save file to your PC: click here

هانضغط عليه و ننزل الملف .... و لو فيه أي حاجة .... بلغوني على طول .

[Nistelrooy]

شغال 100% شكرا

[Abokartona]

2shared - download protongen2siana.xls

تحديث لرابط تنزيل جدول الصيانات ...... عند الضغط على الرابط هاتفتح صفحة و ننتظر التحميل .
و بعدين نذهب لأسفل الصفحة ...... هانلاقي رابط مكتوب عليه
save file to your pc: click here

هانضغط عليه و ننزل الملف .... و لو فيه أي حاجة .... بلغوني على طول .

100 100 و الف شكر..كله تمام

[x512]

كلامك كله مظبوط يا باشا ...... فعلا الأهم العربية لما تروح تعمل صيانة تطلع و العميل راضي عنها .
بس برضه موضوع الانترنت اللاسلكي و غرفة الأستقبال .... حاجات كويسة .

اكيد طبعا....الواجهه المحترمه وحسن استقبال العميل مهمين برضو

[تامر.محمد]

الحمد لله على السلامة يا استاذ توت
:)

[Marwannn]

ممكن تحديث اللينك عشان مش شغال وشكرا ياكبير

--------------
ممنوع كتابه الحروف العربيه بحروف اجنبيه تم ترجمة الكلام
برجاء قراءة قواعد المنتدى

مشرف القسم ب7