الى اصحاب البروتون

[DR/WAFEK]

من اصحاب البروتون خاصا الواجا يقولو تجربتهم مع قطع الغيار خارج التوكيل سواء جديده او استخدام خارجى هل معظمها مضروب ام شغاله تمام اصل اسعار قطع الغيار المكتوبه هناعن التوكيل خياليه فانوس امامى ب 1800 جنيه ليه بيطلع ليزر ؟علبه الدركسيون 4000 !!!! اصل انا لو اشتريت الواجا دى ان شاء الله شكلى مش هخش التوكيل ده خالص:k15:

[tutankhamoun]

من اصحاب البروتون خاصا الواجا يقولو تجربتهم مع قطع الغيار خارج التوكيل سواء جديده او استخدام خارجى هل معظمها مضروب ام شغاله تمام اصل اسعار قطع الغيار المكتوبه هناعن التوكيل خياليه فانوس امامى ب 1800 جنيه ليه بيطلع ليزر ؟علبه الدركسيون 4000 !!!! اصل انا لو اشتريت الواجا دى ان شاء الله شكلى مش هخش التوكيل ده خالص:k15:

الأستاذ مُهاب أكتر واحد ممكن يفيدك لأنه أكتر عضو فعال معانا معاه بروتون واجا
و أنا شايف ان العربية جميلة قوي و محترمة كدا و شكلها له رونق خاص

ربنا يوفقك و إن شاء الله تلاقي إجابات مناسبة و تشتري على خير لو حصل نصيب إن شاء الله تعالى

[MohabSaeed]

من اصحاب البروتون خاصا الواجا يقولو تجربتهم مع قطع الغيار خارج التوكيل سواء جديده او استخدام خارجى هل معظمها مضروب ام شغاله تمام اصل اسعار قطع الغيار المكتوبه هناعن التوكيل خياليه فانوس امامى ب 1800 جنيه ليه بيطلع ليزر ؟علبه الدركسيون 4000 !!!! اصل انا لو اشتريت الواجا دى ان شاء الله شكلى مش هخش التوكيل ده خالص:k15:

اجمد حاجه الموضوع كله الفانوس ابو 1850 جنيه :k41: مدينى احساس انى راكب بى ام دبليو و اى حد يقول نص كلمه على العربيه بقوله اسكت ديه فانوسها بتمن نص عربيتك .

اكيد طلاما قولت 1800 و 4000 جنيه يبقى شوفت الموضوع الى كاتب فيه اسعار قطع الغيار .
طبعا هى الاسعار غاليه جدا جدا و مبالغ فيها فى التوكيل , بس على اد كده فقطع الغيار معظمها متوافر خارج التوكيل و سعرها مناسب .
فوانيس , رفارف , اكصدمات , سيور , فلاتر ........ الى اخره
يعنى انا شوفت فانوس خلفى للواجا صينى تقريبا كان ب 200 و كان فى نوع تانى نضيف جدا ب 350 و كان فى نوع ب 500 . ده معناه ان فى انواع و ممكن تشترى على حسب الفلوس الى معاك .

+ ان فى ميزه فى الواجا ان موتورها 4g18 زى الى فى ميتسوبيشى لانسر بالزبط و على هذا الاساس ف كل قطع غيار " الموتور " مشتركه مع الانسر و متوافره فى اى مكان فى مصر
يعنى مثلا فلتر الزيت فى التوكيل ب 50 جنيه , انا بجيب فلتر زيت الانسر ب 25 جنيه و يابانى ..... و فى انواع ارخص كمان
سير الكاتينه ب 520 جنيه فى التوكيل بتاع الانسر بيتباع ب 180 جنيه .
بوجيهات عاديه ب 50 جنيه
بوجيهات بلاتينيوم ب 90 جنيه
بوجيهات ايريديوم اى اكس ب 150 جنيه " بتتغير كل 80.000 كيلو

ف متقلقش من مسأله قطع الغيار .

بالاضافه للينك الى فى توقيعى

قائمه متجدده بأسعار قطع غيار بروتون واجا " داخل و خارج التوكيل "

شوف اللينك ده كمان

اسعار بعض قطع الغيار

http://www.nilemotors.net/Nile/showthread.php?t=4831

حتلاقى ارقام تلفونات و اماكن بيع قطع الغيار ..... ممكن تتصل ب محل اولاد منصور او المدينه و تسأل على الى انتا عاوزه .

------------------------

الأستاذ مُهاب أكتر واحد ممكن يفيدك لأنه أكتر عضو فعال معانا معاه بروتون واجا
و أنا شايف ان العربية جميلة قوي و محترمة كدا و شكلها له رونق خاص

الف شكر يا استاذ توت " اخجلتم تواضعنا "

[aapaap855]

ايه الحلاوة دي يا باشا المعلومات الي عندك جامدة وربنا يكرمك

[mayki4u]

هو مهاب باشا
وكيل الواجا فى قسم البروتون

[MohabSaeed]

ايه الحلاوة دي يا باشا المعلومات الي عندك جامدة وربنا يكرمك

ربنا يخليك يا باشا , شكرا على كلامك الجميل

هو مهاب باشا
وكيل الواجا فى قسم البروتون

منور يا مايكى باشا , اتمنى نشوف وكلاء كتير للواجا فى المنتدى

-------------------------

اسعار عرفتها انهارده من توكيل ميتسوبيشى عن طريق مركز قطع الغيار :-

سير الكاتينه ب 220 جنيه

بليه الشداد ب 300 جنيه

و طقم الكاتينه بالكامل ب 730 جنيه " سير كاتينه , بليه شداد , 2 اويلسيل , سير تكيف / باور ,سير دينامو " .

بس فى نقطه انا مش متأكد منها هل سير التكيف و الدينامو متطابقين بين الانسر و الواجا .... ححاول اتأكد
و ان كان اعتقد بنسبة 95 % انهم هما هما

* قطع الغيار " اصليه و بالضمان " من توكيل ميتسوبيشى " المصريه " .
* الاسعار شامله ضريبه المبيعات .
* الاسعار خاصه بموتور الواجا 4G18 - موتور الانسر 1600 .

[DR/WAFEK]

الف شكر يا استاذ محب وربنا يخليك لينا دايما وتفيدنا بخبرتك