صوت خبطة بفرامل الجن 2

[fatenhamama]

انا بسمع صوت خبطة بالفرامل وقت اضغط بقوة على الفرامل وترافقها عدم سيطرة على السيارة نوعا ما يعني السيارة بتفتل شوية صغيرة.
ياريت اذا في حد عندو فكرة يفيدنا افادكم الله.

[aapaap855]

انتا جربتها وانتا ماشي على كام

[tutankhamoun]

انا بسمع صوت خبطة بالفرامل وقت اضغط بقوة على الفرامل وترافقها عدم سيطرة على السيارة نوعا ما يعني السيارة بتفتل شوية صغيرة.
ياريت اذا في حد عندو فكرة يفيدنا افادكم الله.

لو عندك شرح تفصيلي اكتر يكون أفضل ...... علشان نقدر نساعد بطريقة أفضل

بس لو على الشرح بتاعك أو بتاعيك ....

لو الضغط بقوة على الفرامل بيصاحبه صوت تحت رجلك
ده ممكن يكون ناتج عن الفرامل المانعة للإنغلاق ABS
و لكن المفروض يكون التحكم في العربية سهل و ليس العكس

ياريت تفاصيل أكتر ........
و بالله التوفيق

[mohamedowais]

انا عندي نفس الموضوع يا جماعه
و ده بيحصل لو بجري على 100 مثلا و كبست فرامل جامد
اسمع خبطه كده او حكه و الفرامل تسيب شويه اخر ما العربيه بتقف يغني بعد فتره كده من الضغط
مش عارف ده من ايه

[Ahmed Hassan]

ده طبيعي جدا... ده معناه ان الـ abs اشتغل

[fatenhamama]

لا هو الموضوع مش متعلق بالسرعة يعني حتى لو كنت ماشي على سرعة بطيئة مثلا ماشي على 40 او 60 وفجأة قومت حاطت رجلي على الفرامل بقوة يطلع صوت خبطة وبنفس الوقت بحس تحت رجلي فيها يعني على دواسة الفرامل بحس فيها تحركت حركة غريبة وبنفس الوقت بحس انو الفرامل ال abs اخدت مفعولها على عجلات معينة وعجلة ما اخدتش مفعول ويمكن هو ده السبب يالي بخلي العربية تفتل شوية على اليمين .وانا سالت التوكيل يالي عندنا بسوريا والولي ان عربيتك زي الفل ومافيهاش حاجة والله انا ماعنديش ثقة باي توكيل بالبلاد العربية كلها بس يالي متاكد منو اني عندي ثقة كبيرة فيكم وبالمنتدى الجميل ده ومشكورين اوي على المساعدة

[Ahmed Hassan]

لا هو الموضوع مش متعلق بالسرعة يعني حتى لو كنت ماشي على سرعة بطيئة مثلا ماشي على 40 او 60 وفجأة قومت حاطت رجلي على الفرامل بقوة يطلع صوت خبطة وبنفس الوقت بحس تحت رجلي فيها يعني على دواسة الفرامل بحس فيها تحركت حركة غريبة وبنفس الوقت بحس انو الفرامل ال abs اخدت مفعولها على عجلات معينة وعجلة ما اخدتش مفعول ويمكن هو ده السبب يالي بخلي العربية تفتل شوية على اليمين .وانا سالت التوكيل يالي عندنا بسوريا والولي ان عربيتك زي الفل ومافيهاش حاجة والله انا ماعنديش ثقة باي توكيل بالبلاد العربية كلها بس يالي متاكد منو اني عندي ثقة كبيرة فيكم وبالمنتدى الجميل ده ومشكورين اوي على المساعدة

كلام التوكيل سليم.... كل اللي حضرتك بتقوله ده عادي.. و هوه ده اللي بيحصل عند عمل الـ abs.... و هوه فعلا مش بيشتغل على جميع العجلات... هوه بيشتغل على العجل اللي بينزلق بس... يعني حسب الموقف اللي انته فيه... عجله واحده.. اتنين ...ثلاثه او الأربع عجلات مع بعض.

[Rafraf]

i dont know

my father's car has abs

but i never feel the same

it is stronger than the oil breaks

but i never found any sound or something like this under my leg

i dont know

may be because i drove it alot and i know it since i was learning how to drive!!

[l0new0lf]

لا
الراجل عنده حاجه غلط بدليل ان العربيه بتحدف منه يمين لما يدوس فرامل

[m_marmoush]

بصى الصوت ده طبيعى من ال Abs وعلى كل السرعات بس موضوع الحدفة اليمين ممكن تراجعى فيه التوكيل لأن ممكن يكون حساس السرعه اللى على العجله اليمين فيه مشكله أو عليه طينه فبتبقى منظومه الabs مش شغاله مظبوط (فرامل ال Abs بتعتمد على حساسات السرعه الموجوده على كل عجله لتحديد أنغلاق كل عجله على حده)

[Ahmed Hassan]

i dont know

my father's car has abs

but i never feel the same

it is stronger than the oil breaks

but i never found any sound or something like this under my leg

i dont know

may be because i drove it alot and i know it since i was learning how to drive!!

The car will act like any normal car until the wheels start slipping, then you will start to feel the banging. Other than this, the car's reaction will be completely normal

لا
الراجل عنده حاجه غلط بدليل ان العربيه بتحدف منه يمين لما يدوس فرامل

مهو العربيه لازم تحدف حدفه صغيره.. و بتتلم تاني لوحدها اول ما النظام يشتغل

[ahmad alshaaer]

بعد السلام عليكم ورحمة الله وبركاته
اهلا بيكي مبدأيا في منتدانا الغالي
موضوع الabs عباره عن
ان عند انزلاق اي عجله من العجلات الاربعه حساس هذه العجله يفصل الفرامل عن هذه العجله والطبيعي انه تحصل دبدبه كده تحت قدمك
ولكن الحدفه اليمين دي ممكن يكون مكان مانتي دستي فرامل كان في الارض ميل من الناحيه اليمين وربنا يبارك لنا في سيارتنا

[KHALED AYMAN]

اولا انا اسف انى هضرب مثل بعربيه مش بروتون بس انا هعمل كده لمجرد التوضيح بس.
صوت الخبط ده بيكون معاه رعشه فى دواسه الفرامل و دربكه فى العربيه و زى ما الرجاله قالو انه الabs بيشتغل و الدليل انك ساعه متفرمل جامد هتلاقى العربيه زحفت حته صغيره و بعد كده يبدا القلق ده .
المثل بأه الى اقصده عندى فى اوبل استرا و عربيه والدى اوكتافيا a5و على فكره الكلام ده انا سالت فيه التوكيلين.
و اسف ياجماعه على الازعاج بس بجد ده من احلى اقسام المنتدى (البروتوناويه)

[aapaap855]

يا باشا مرحب يك في بروتون وتسلم عالمعلومة
بيتك ومطرحك

نسيت اسألك
تشرب شاي ولا حاجة ساقعة
لازم تشرب انتا ضيفنا النهاردة