زيت الماتور لجين 2

[Mohamed210]

لو سمحتو ياجماعه معايا جين 2 2012 صوت الماتور عالى عن المعتاد انا لسه مغير زين من 3 اسابيع و المكانيكي نصحنى بموبيل xhp ولما رحت اغيره فى البنزينه حطلى فيلتر ميتسوبيشي

السؤال هل فى نوع افضل من موبيل ده و هل للبروتون فيلتر بتاعها ولا زى ما العامل قال ان ملهاش غير ميتسوبيشي ؟
ياريت تفيدونى لانى بروتونى جديد من شهر بس

[Dr\Mohamed]

انا باستخدم موبيل xhp من اول ما جبت العربية من سنة ونص ومفيش منه مشاكل
وبغيره على 5 الاف كيلو

بالنسبة للفلتر بركب فلتر الميتسوبيشي لانسر تقريبا 40 جنيه
وبغيره كل 10 الاف كيلو

صوت الماتور اصلا عالي في البروتون علشان تعرف في مشكلة ولا لأ لازم تقارنه بعربية بروتون برده مش ماركة تانية
انا ركبت نيسان صني صوت الماتور غير مسموع لدرجة اني دورتها 3 مرات وهي اصلا دايرة!

يارب اكون قدرت افيد حضرتك

[Eng.Omar_karem]

ازاى البروتون ملهاش فلتر خاص بيها !! حضرتك متسمعش كلام العامل ..البروتون ليها فلتر طبعا خاص بيها وبيتباع عادي ف التوكيل و مش غالي ب 50 جنيه تقريبا ... لكن بلاش فلتر المتسوبيشي ده ناس كتير حذرت منه هو بيركب عادي اه لكن مش كويس للموتور

اما الزيت بقى ف ده يرجع لحضرتك بس طبعا الافضل لو تستخدم زيت يكون مستورد زي كاسترول او ليكوي مولي ...
مش متعبي ف مصر زي توتال وموبيل