اخيرا استلمت .. الجين2 2009

[gagareen]

الف مبروك

ربنا يبركلك فيها ويرزقك خيرها ويكفيك شرها

شوية صور ومزيدا من التفاصيل ...وشكرا

الله يبارك فيك يا احمد وشكرا لدعواتك يا جميل .. الصور فى الطريق إن شاء الله وكل جديد بحاول اقوله لانى لسه مستلم وكله تمام والحمد لله

مبــــــــــــروك مبــــــــــــــروك مبــــــــــــــروك مليون مبروك عالجين2 الجميله...وربنا يباركلك فيها يارب ويحفظهالك من كل شر ويكفيك شرها.....ودايما تكون فرحان بيها ان شا ء الله

شكرا يا ايمن على ذوقك وكرم اخلاقك ودعواتك الجميله انت وكل الاعضاء

:k49:
الـــــــ مبــــــــــــروك مبــــــــــــــروك مبــــــــــــــروك ــف

لكن لا تنازل عن الصور و التقرير ان شاء الله تطلع القمر ها تدفع ها تدفع

مزززوج باشا .. والله مش عارف اقولك ايه .. انت انسان جميل فعلا
والصور يا سيدى فى الطريق .. دانا حتى الصوره اللى فى توقيعى بتاعه ZIMFOX لغايه ما انزل الصور بس

الف الف مليون مبروك
و ربنا يحفظهالك و يكفيك شرها

شكرا يا اخ mohmet لذوقك ودعواتك ولك منى مثلها

ايه اخبار الاوتوماتيك بتعها عامل ايه وهل هو احسن والا المانويل

الحقيقه يا اخ هشام الواحد عمال يشوف هنا كلام وشكاوى من سحب الاوتوماتك غريبه جدا .. وبيعمموه على كل العربيات .. دى حالات فرديه وموديلات قبل كده زى 2007 و2006 يعنى قبل التعديلات الجديده فى الموتور .. طب نتكلم على 2009

الحمد لله سحب العربيه جميل جدا مش بحتاج ان rpm يزيد عن 3000 علشان اعدى من اى حد ويمكن مابين 2000 و2500 كمان يعنى كل ماعوزها تمشى بتتدينى اللى انا عاوزه ولسه ماعملتش صيانه الاف ..والحمد لله

امبارح رحت مونت والتنك خذ 32 لتر وفرق الكيلو متر كان 312 يعنى الاستهلاك 9.75 كم/لتر واعتقد ده معقول فى الفتره دى وإن شاء الله حيتحسن كمان

الاوتوماتيك عموما اريح فى زحمه شوارع المحروسه لان كل شويه تقف وكل شويه تزود ولا تسيب الفرامل (حاجه يعنى تزهق) .. الحمد لله على الاوتوماتيك

[criminalshemo]

i cant find any words can describe my state ... guys you make all crazy about this car ...thx gagareen for all that wonderful description about Gen 2 "2009" ... i'm going to buy it by the end of the year isa ..pray for me all ...but i'll buy manual isa coz i like driving .... peace for all

[mido_919]

الف مبروك يا معلم اللون قعلا بسم الله ما شاء الله تحفة ربنا يباركلك فيها

[gagareen]

i cant find any words can describe my state ... guys you make all crazy about this car ...thx gagareen for all that wonderful description about Gen 2 "2009" ... i'm going to buy it by the end of the year isa ..pray for me all ...but i'll buy manual isa coz i like driving .... peace for all

You are remembering me about my status from one year ago, it is just like yours now
Every time I was read about this car’s options and member’s evaluations, this was increases my good impression about Gen2 even when there was some small defaults.
It is unique in every part of it

God bless you

[gagareen]

الف مبروك يا معلم اللون قعلا بسم الله ما شاء الله تحفة ربنا يباركلك فيها

الله يبارك فيك يا ميدو هو مميز فعلا لدرجه انى بخاف اسيبها فى الشارع وببقى عايز اخذها معايا وانا طالع البيت ..

على فكره يا جماعه استهلاك البنزين المكتوب فى المداخله اللى فاتت وهو 9.75 كم / لتر ده بحساباتى الفعليه ومعظم خط سيرى هو كورنيش المعادى (تقريبا واقف) صبح وبرده اخر النهار وفى فترات مش قليله

الاستهلاك حسب العداد الموجود فى التابلوه شوفته انهارده هو 7.7 لتر / 100 كم
يعنى اللتر يعمل 12.98 كم ........ ربنا يبارك فيها

[mazagnge]

gagareen

قب بالصـــــــــور ان شاء الله تستلف موبيل بنت الجيران

[elassar2010]

الف مبروك ربنا يديك خيرها

[mazagnge]

بالمناســــبة :
لو تعرف تعمل دونلود للمانيوال بتاع العربية اللى فى السي دي تبقى 10/10 و ان شا ء الله تستلف كمبيوتر بنت الجيران اللى فى الشارع التاني

[batoot556]

الف مبروك يا باشا اولا تانيا عايزين نعرف اصوات الطقطقة بتاعة الدريكسيون لما بتلفة على الاخر ظهرت عندك ولا وكمان الانوار مظبوطة بتاعة الكشاف والكابينة ولا لا يعنى عايزين تفصيل للعربية حتى تعم الافادة

[eng_mohamedagamy]

الف الف مبروك و يارب تستخدمها دايما في الخير
وانت طمنتني على الاوتوماتيك علشان انا كنت عايز اشتريه و ناس كتير خوفتني منه قبل كده....

[gagareen]

الف مبروك يا باشا اولا تانيا عايزين نعرف اصوات الطقطقة بتاعة الدريكسيون لما بتلفة على الاخر ظهرت عندك ولا وكمان الانوار مظبوطة بتاعة الكشاف والكابينة ولا لا يعنى عايزين تفصيل للعربية حتى تعم الافادة

الله يبارك فيك يا زعيم
الحمد لله انا ماعنديش صوت فى الدريكسيون حتى وهو على الاخر
بالنسبه للانوار .. لو عندك مشكله فى نور الصالون هو لازم الـselector يكون مضبوط انه يشتغل مع فتحه الباب وضبطه بيبقى على الشعره .. وهو عندى تمام هو والنور العالى والواطى وانوار الشبوره كله تمام .. النور الوحيد اللى اكتشفته متأخر لانة مابشوفوش هو نور المارشيدير الخلفى شمال .. للاسف طلع معلق او المبه مش شغاله ودى شفتها لما اخويا كان بيجربها .. إن شاء الله حعمله مع صيان الالف لانى مش مستعجل عليه حاليا

[gagareen]

الف الف مبروك و يارب تستخدمها دايما في الخير
وانت طمنتني على الاوتوماتيك علشان انا كنت عايز اشتريه و ناس كتير خوفتني منه قبل كده....

الله يبارك فيك يا باشا وإن شاء الله تجيب اللى تتمناه .. وعلى فكره معظم اللى اعرفهم جايبين اتوماتيك وكانو بينصحونى بيه اقبل ما اشترى وفعلا طلع جميل جدا
يمكن هو دا الاتجاه حاليا ..وعلى فكره اصحابى اللى فى الامارات بيقولولى كل العربيات هناك اوتوماتيك .. المانيوال قليل جدا..ربنا يوفق

[ahmedsiyam]

مبروك على العربية و اللون بتاعها جميل ربنا يملهالك بركة و يكفيك شرها

[gagareen]

مبروك على العربية و اللون بتاعها جميل ربنا يملهالك بركة و يكفيك شرها

الله يبارك فيك يا استاذنا ..
نورت الموضوع بمرورك الكريم ..والف شكر على دعواتك الجميله ولك منى مثلها وربنا يوفقك فى عربيتك إن شاء الله

[gagareen]

تحياتى للجميع

اخيرا الصور علشان الموضوع يكون متكامل الى حد ما واسف للتاخير










انا كان معايا صورتها وهى لسه معروضه فى الصحراوى ومعظم الصور دى مصورها النهارده واسف هى عليها تراب شويه
ياريت ماكونش اخرت عليكوا بالصور

تحياتى