إعـــــــلان

**BAZOOKA_N2O** · 30-09-2015, 04:39 PM

81 شخص شافوا الموضوع
مفيش 1 منهم عنده رد !!!!!!!!!!!!!!!!!!!

**scientist9508** · 01-10-2015, 03:50 AM

بسم الله الرحمن الرحيم

أخى الفاضل

لست من ملاك هذه السياره لذلك لن أستطيع إجابة كل أسئلتك بل سأجيب عما أعرفه يقينآ.

1 - الثبات لا خلاف عليه للسيارتين حتى على السرعات العاليه

2 - قطع الغيار متوفره فى شارع دمشق (يفضل سؤال الملاك لتحصل على التفاصيل و إجابات أدق)

أكبر عيوب هذه السياره من وجهة نظرى

1 - خزان وقود صغير مع إستهلاك عالى للوقود

2 - تقفيل سىء

3 - وكيل فاشل

لو أنك تكيفت مع مشكلة خزان الوقود الصغير و صبرت حتى علاج مشاكل التقفيل فى أول شرائك للسياره و تعرفت من الملاك كيفية إجراء الصيانات و التعامل مع الوكيل ستكون قد فزت بجائزة كبيره

هداك الله لأرشد أمرك و أقومه

السلام عليكم ورحمة الله و بركاته

**BAZOOKA_N2O** · 01-10-2015, 03:33 PM

المشاركة الأصلية كتبت بواسطة scientist9508 مشاهدة المشاركة

بسم الله الرحمن الرحيم

هداك الله لأرشد أمرك و أقومه

السلام عليكم ورحمة الله و بركاته

اشكرك اخي الكريم على ردك
في انتظار الاعضاء اصحاب السيارة للافادة

**aelskhawy** · 01-10-2015, 03:33 PM

المشاركة الأصلية كتبت بواسطة BAZOOKA_N2O مشاهدة المشاركة

السلام عليكم ورحمة الله وبركاته

اخوتي الاعزاء

انوي بإذن الله تعالى شراء سيارة جديدة

و كنت من فترة بفكر في البروتون

مش عارف الفرق بين جين 2 و بيرسونا

من خلال المتابعة الفترة اللي فاتت لاحظت شوية حاجات عايز اعرفهم وهم كالاتي :

توافر قطع الغيار خارج التوكيل
التوكيل ومعاملته
الفرامل
العفشة
اتساع السيارة من الداخل
صوت المحرك والعزل الداخلي
الاعطال المشهورة

خارج التوكيل قطع الغيار متوفرة وفي محل اسمه مكه في شارع دمشق ناس كتير بتقول اتعاملوا معاه
توكيل عز العرب مافيش حد قال ان معاملته كويسة واغلب الناس قرفانين منه + ان قطع غيار مهمة زي تيل الفرامل مثلا ما بتلاقيهاش عنده
الفرامل واطية شوية ومختلفة نوعا ما عن بقيت العربيات، انا شخصيا شايفها كويسة جدا الحمدلله. في ناس بتتخض لما تستعملها
الجين 2 واسعة من قدام انما المسافة امام الكنبة ورا اختلفوا فيها بصراحة ، وبما انها عربيتي فما ركبتش ورا خالص ولا بفكر اركب ورا :D بس انا شايفها كويسة
صوت المحرك عالي جدا مقارنة بباقي العربيات والعزل مش اد كده
الاعطال المشهورة: يكلمك عنها واحد عنده خبرة في الموضوع ده

انا عارف ان اسئلتي كتير
انا ركبت عربيات من ماركات مختلفة
بس للاسف مفيش حد اعرفه معاه بروتون علشان اجربها

انا حاليا معايا سكودا فليشيا 2000 انجكشن
وكان قبلها معايا
لانوس
ocatvia a4
بيجو 405 برستيج
ميتسوبيشي لانسر بومة

الخلاصة :
انا مش بستريح غير مع العربيات الالماني
اولا لانها الافضل في الثبات
لكن بتبقى عفشتها ناشفة شوية وطبعا ده لزوم الثبات

وده ميزة الفليشيا اللي معايا دلوقتي

مش عارف البروتون كده برضه ولا لأ

العفشة ناشفة برده علشان الثبات والحمدلله العربية ثابتة على السرعات العالية

شكرا مقدما

**BAZOOKA_N2O** · 01-10-2015, 07:05 PM

انا من الاسكندرية
فعايز اعرف مدى توافر قطع الغيار خارج التوكيل في اسكندرية

نقطة الاتساع دي ان شاء الله هجربها بنفسي
خصوصا ان انا طويل
مش اي عربية ينفع يقعد حد ورايا
لاني برجع الكرسي لاخره غالبا

بالنسبة للفرامل المفروض انها abs
يعني مش المفروض يبقى فيها مشاكل
لو مشوار البدال طويل شوية مش مشكلة
انما المشكلة لو ضعيفة

الثبات كله بيجمع انها ثابته
لكن العفشة ناشفة لانهي درجة
يعني الاوكتافيا ثابتة جدا ومع ذلك عفشتها مش ناشفة للدرجة
زي الفليشيا مثلا قابتة برضه بس العفشة ناشفة جدا
بتبان في فواصل الكباري والحفر والاراضي غير الممهدة
او حتى الاسفلت الخشن وده مافيش اكتر منه في مصر

اما العزل دي نقطة مهمة جدا
يعني هبقى قافل الزجاج وماشي بالعربية وهسمع اصوات الموتور والهواء والعربيات من حواليا برضه
دي كده تبقى زي اللانوس
ودي مش تبقى حاجة كويسة

صوت الموتور عالي زي العربيات القديمة مثلا
امثال المرسيدس والبيجو واللادا

ولا مختلف

معلش دي الحاجات الي مش هقدر اعرفها غير بالتجربة
وانا في المعرض مش هقدر ادور العربية مثلا