مشكلة في النور الواطي جين 2

[tetomst]

النور الواطي فصل لوحدو في عربيتي الجين 2 بدون اي اسباب بعد اذنكو يا جماعه حد عنده فكرة ممكن يكون ايه السبب ورقم فيوز النور الواطي كام في علبه الفيوزات وشكرا جزيلا

[Mecha]

شوف اللمض ممكن محروقه الاتنبن .الفيوز بيبا
مكتوب او مرسوم وظيفته ع العلبه

[tetomst]

اللمض مش محروقة علشان لما بنور العالي وانا بسحبو عليا بينور عادي جدا و حاولت اوصل للفيوزات بتاعت النور الواطي ومش عارف رقمها للاسف ؟؟

[Mecha]

لمبه نوعها ايه بتاع الواطي

[tetomst]

الفابريكا بتاعتها والعربية 2013

[rrgrrg]

باشا انتا دور علي اللوجو مش الرقم ... لوجو النور الواطي زي اللي فلصوره اللي الراجل مختاره

[Dr\Mohamed]

الخريطة موجودة في غطاء علبة الفيوزات

ارقام الفيوزات
17 الشمال
22 اليمين
كل واحد منهم 15 امبير
مش هتخسر حاجة غيرهم بس صعب يكونوا اتحرقوا مرة واحدة في نفس الوقت

فكر في حاجة تكون مشتركة بين اللمبتين
ممكن كتاوت النور الواطي
وممكن دراع النور نفسه

ربنا يوفقك

[tetomst]

شكرا لكل حاول يقدم حلول بس الموضوع اخد شكل غريب النور الواطي بقي بيشتغل احيانا لوحدة ويفصل تاني لوحده وانا ماشي حد عنده تفسير للوضع ده وشكرا مرة تانية لكل من رد وحاول يساعد

[DESIGNER105]

روح لاى كرهبائى هيعملها ...اسهل حاجه عن الكهربائيه شغل النور ...مش ..كل فيزت هتلقى مكتوب عليه فى ضهر العلبيه بتاع ايه ..لو معرفتش شيك على كل الفيوزات لو لقيت واحد ضارب غيرو ..الفيز بيان لما يكون ضارب وسعات بيبقى سايح كمان..وغيرو بنفس الرقم بتاع القديم

[m-thabet]

انا قابلتنى نفس مشكلتك وكان العيب فى دراع النور نفسه والكهربائى عمله ومحتجش انى اجيبله دراع جديد كمان