صوت ترزيع فى الموتور

[manchie]

السلام عليكم
انا بقالى حوالى 4 ايام سامع صوت ترزيع فى الموتور بطريقه عاليه مع أنى بعمل صيانه فى مواعيدها بس لسه الصيانه اللى جايه فاضلها كتير حد يعرف أيه الصوت ممكن يكون من أيه

وحاجه تانيه انا المساعدين الأماميين عاوز اغيرهم حد يعرف مكان كويس أجيب منه المساعدين ومكان غير التوكيل أركبه عندهم علان التوكيل بقى خنيق

انا عربيتى ساجا

[manchie]

ايه يا جدعان مفيش ردوود ليه كده

[borio1704]

لو حضرتك سمعت صوت ترزيع يبقى الموتور المفروض ما يشتغلش خالص إلا لما حد فاهم يكشف عليه.

عموما.. دي أخبار مش كويسة نهائي.


...

[Mecha]

ايه يا جدعان مفيش ردوود ليه كده

حضرتك مش موضح الكم كام ، لو اللي بتسمعه
ترزيع فعلا من المتور، فدا مشكله كبيره، وضغط الزيت يقع
وتحتاج تحل عمود الكرنك والا المكنه تتكسر

[manchie]

هو الصوت مش من داخل الموتور نفسه هو زى ميكون بيتهز وهو ماشى وفيه ناس بيقولولى ان ده من قواعد الموتور
هو لو القاعده بتاعت الموتور فيها حاجه تعمل صوت ترزيع

[samehshokry]

مافيش حاجه ممكن يكون سببها صوت ترزيع غير الماكينه ( لا قدر الله )
فلو وصفك لكلمه ترزيع دقيق ماتدورش الماكينه لغايه ما ميكانيكي يشوفها