تركيب كاوتش مقاس اكبر

[yasserk25]

يا جماعه بالصدفه اكتشفت ان كاوتشى بايظ وعاوز يتغير بعد 26 الف فقط وده كاوتش الفبريكه عربيتى بيرسونا 2012 وطبعا لقله خبرتى لم الحظ تاكل الكاوتش ولكن كان عندى حدفه كبيره ناحيه الشمال رحت اظبط زوايا الفنى قالى الكاوتش عاوز يتغير لان سبب الحدفه دى منه المهم وبعد استشاره كذا واحد اكدوا ان الكاوتش هو السبب ......
دلوقتى انا هغير كاوتش وكنت عاوز اعلى العربيه علشان المطبات المحترمه اللى فى الشوارع لو انا ركبت كاوتش اكبر ممكن يعمل معايا ايه علما ان كاوتش الفبريكه 15/60/195 جوديير يا ترى ممكن اعلى لغايه كام بما لا يؤثر تاثير كبير على اداء العربيه

[yasserk25]

ايه يا جماعه مفيش حد قبل كده فكر يغير مقاس الكاوتش ولا ايه

[Hosam_Optrawy]

عايز تعلى العربيه وتحس بفرق ملحوظ في الارتفاع ، ركب 195/65 العربيه هاتعلى 1 سم بس الثبات هايتأثر ، دا غير انه ممكن يحك في الرفرف من جوه مع التحميل ، لأن حسب مانا فاكر المسافه بين الكاوتش والرفرف في البيرسونا مش كبيره أوى

في مقاس تانى هايعللى العربيه حاجه بسيط يعنى الفرق هايكون مش ملحوظ ، 205/60 العربيه هاتعلى 6 مللى ، بس الثبات مش هايتأثر ومش هايحك في الرفرف لأن الفرق بسيط

[yasserk25]

عايز تعلى العربيه وتحس بفرق ملحوظ في الارتفاع ، ركب 195/65 العربيه هاتعلى 1 سم بس الثبات هايتأثر ، دا غير انه ممكن يحك في الرفرف من جوه مع التحميل ، لأن حسب مانا فاكر المسافه بين الكاوتش والرفرف في البيرسونا مش كبيره أوى
في مقاس تانى هايعللى العربيه حاجه بسيط يعنى الفرق هايكون مش ملحوظ ، 205/60 العربيه هاتعلى 6 مللى ، بس الثبات مش هايتأثر ومش هايحك في الرفرف لأن الفرق بسيط
شكرا ياباشا لرد حضرتك انا برضو اكتر من واحد نصحنى وقالى انى ممكن اعرض انما اعلى لا علشان العفشه متتاثرش انا هتكل على الله وهغيرل205 بس فيه نوع معين ويكون فى الحنين برضو ولا لازم نفس نوع كاوتش الفابريكه جود يير

[Hosam_Optrawy]

شكرا ياباشا لرد حضرتك انا برضو اكتر من واحد نصحنى وقالى انى ممكن اعرض انما اعلى لا علشان العفشه متتاثرش انا هتكل على الله وهغيرل205 بس فيه نوع معين ويكون فى الحنين برضو ولا لازم نفس نوع كاوتش الفابريكه جود يير

لا مش لازم مانت هاتغير الطقم كله

ممكن Kumho Ecsta فرده ممتازه

[borio1704]

لا ينصح بزيادة قطر الكاوتش أو تقليله نهائيا.. والموضوع ده له حدود.. وحاول دايما لو نويت تغير المقاس إن المقاس الجديد ما يختلفش عن القديم بأكتر من 2%

بالنسبة المقاس المناسب... فالمقاس اللي قال عليه الأستاذ حسام يعتبر أقصى زيادة مسموحة لإن القطر زاد 2%... وده هيأثر على قراءة عداد السرعة عندك.. بمعنى إنك لما تبقى سايق على 100 فإنت فعليا هتبقى سايق على 102.
فيه مقاس 215/55r15... ده أقرب قوي لمقاسك الحالي من ناحية القطر.. بس أعرض حوالي 2 سم... وده ممكن يكون شكله مش مناسب للجنط اللي راكب.. بس هيديك راحة أكتر في المطبات.


عموما.. لو عايز تعلي العربية.. فالأفضل تشتري "علايات" كاوتش بتتحط تحت السوست قدام وورا.. وكل اللي هتحتاجه إنك تظبط زوايا بس.

[Ali8moh]

تغيير المقاس يؤثر ع الثبات واستهلاك الوقود

[carrier]

ايه يا جماعه مفيش حد قبل كده فكر يغير مقاس الكاوتش ولا ايه

http://www.nilemotors.net/Nile/454911-2.html