تعديل فرامل الجين و البرسونا

[K3A]

تحية طيبة ﻻهل المنتى الكرام بمناسبة المولد النبوي
من العروف ان فرامل بيرسونا و جين مشوارها طويل بعكس دواسة البنزين اللى بتلمس لها بس العربية تمشي ...طبعا بالمقارنة بالعربيات الجديدة بتحس ان فرامل البروتون اضعف ... يعني بتهدي اﻻول و بعدين تكلبش ....

المهم سمعت عن ورشة في صقر قريش بالمعادي بتغير سيرفو الفرامل بنوع مختلف لعربية تانية و الراجل قالى ان عمل كده لعربيتين اتنين ...يا ريت لو حد يشارك معانا تجرته فى الموضوع ده ...هل ده فعﻻ بيحسن اداء الفرامل و هل ليه تأثير سلبي على abs و هل ليه تأثير سلبي على عزم الموتور .... مع العلم ان بالمﻻحظة حتﻻقي ان سرفو الساجا اللى موتورها 1300 اكبر من سرفو الجين اللى موتورها 1600

يا ريت لو اهل الخبرة يفيدونا في الموضوع ده و الناس اللى جربت برده
تحياتي

[K3A]

متابع

[Mecha]

الفرامل ممكن ترجلش الدواسه او مسمار السيرفو
وهتقلل الفري بلاي وتكلبش

[K3A]

الفرامل ممكن ترجلش الدواسه او مسمار السيرفو
وهتقلل الفري بلاي وتكلبش

صحيح ...بس اظن ان قوة الفرامل تفرق مع السيرفو اﻻكبر

[K3A]

متابع باهتمام

[Mecha]

لو ركبت سرفو اكبر هيديلك ضغط زيت اعلي وفرامل اقوي موكد بشرط السرفو ميسحبش جامد من الفكيوم
ضغط الفرامل العادي بيجيب 150 بار
فهل جلد المساطر عمومي وعجل هيستحمل اعلي
في حاله مشابهه لعندك بيترجلش الدواسه ومسمار السرفو الاول
بعدين بتتغير الكلابات بمقاس اكبر كباس وتيل ودي فعاله جدا وبتشتغل بضغط زيت اقل يطول عمر المساطر