اعادة البيع للسيارات

[eng_elnaggar]

نفس الكلام ده انا سمعته بعد ما اشتريت العربية الواجا .. كل الناس قالتلي ليه تشتري النوع ده ده ماحدش عارفها ولا بيفهم فيها وقطع غيارها غاليه ... المهم انا كنت واخد قراري ومحدد العربية دي لأنها فعلا فيها كماليات مساوية لثمنها عكس انواع تانية ييجي يحطلك زجاج كهربا ولا فوانيس شبوره ولا جنوط اسبور يقوم يزيد من سعر العربية 5 الاف جنيه!!! ... عشان كده انا رأيي ان كل واحد طالما اقتنع بشيئ هيشتريه ينفذه مهما قال الناس ... لأن معظم المصريين بيفتوا عن غير علم ...

وانسى موضوع اعادة البيع طالما انك مش تاجر لأن جميع العربيات بتخسر لو اشتريتها زيرو .. على سبيل المثال لو اشتريت النهارده لانوس زيرو اللي هى اكثر العربيات انتشارا وركبتها شهر وعلقت نمر وجيت تبيعها بعد شهرين هتخسر 10 الاف جنيه .

[islammmm]

والنبي يا اشرف باشا هي قطع غيار الاسبيرو متوفره ولا موش موجوده وهل بيع شركة دايو هياثر عليها

[ashraflotfy1]

والنبي يا اشرف باشا هي قطع غيار الاسبيرو متوفره ولا موش موجوده وهل بيع شركة دايو هياثر عليها

اسلام باشا بيع الشركة لن يؤثر لأن أولا عمر العربية ما حتقعد معاك 10 سنين مثلا ثانيا الفيات 132 اخرها موديل 79 و مع ذلك لها قطع غيار و السيارة الدايو الاسبيرو مع عديلى و مبسوط منها و اشترى لها الرادياتير و تيل الفرامل و الفوانيس و غيره و كله موجود و سعره رخيص جدا يعنى مثلا الرادياتير كان ب 450 جنيه جديد و الفانوس بتاع الاشارة الأمامى جديد ب 30 جنيه و تيل الفرامل ب 60 و سير الكاتينة هو هو بتاع النوبيرا ب 70 جنيه على سبيل المثال

[islammmm]

متشكر يا باشا ومعلش انا تعبتك معايا