فيات بونتو 2016 ولا جين 2 2016

[Nourhanne]

انا معايا العربيتين وبصراحه كل واحده فيهم بتتميز عن التانيه في ميزه والاتنين حلوين

البونتو اريح في السواقه وبالذات المشاوير الطويله وهاديه وموفره جدا في البنزين يعني على الطرق السريعه بتعمل 5 لتر لكل 100 كم
البروتون اقوى بكتير تسارع وسحب وصالون اوسع وشنطه اوسع

البروتون اسهل في الصيانه وقطع الغيار عن البونتو اللي مش كتير بيفهموا فيها
فتيس الجين الاوتو تقليدي واسهل في التعامل من فتيس البونتو الاوتو المعقد نسبيا

التقفيل الداخلي لصالح البونتو وجودة الخامات والتصميم

الارتفاع عن الارض لصالح البونتو برده

الثبات على السرعات العاليه العربيتين ثبات خيالي

شكرا على ردك يا ميمو بس انا فعلا مش محتاجة سرعه ومشاويرى مش كتيرة هما الاتنين حلويين بس اعتقد البونتو احلى بالنسبالى بس خايفة من الفتيس المعقد

دي ركوبه ودي ركوبه

البونتو:
كواليتي تصنيع افضل شويه
موتور اصغر = توفير بنزين
الفتيس اوتو مبني على مانيوال, هتسوقي زي الاوتو بس ليه طريقه معينه في التعامل
قطع الغيار موجوده (كللها) جوه التوكيل وبره ومعمّره وبتعيش
الهاي لاين فيها سقف بانوراما واظن 6 ايرباج
الاوتو فيها 2 ايرباج واظن سواء دي او دي دلوقتي زجاج ملون,
العربيه كركوبه وقعده مريحه جدا, سوقها في المستعمل مش واقع خالص
شياكة الايطالي باينه فيها بصراحه


الجين تو:
ماليزي بالكامل
اكبر شويه, موتور اكبر كمان = استهلاك بنزين اعلى
قطع غيارها موجوده برضه, توكيلها على حد علمي اقل من توكيل فيات بدرجه بسيطه قوي, وان كانت كل التوكيلات في مصر على قدها عموما
تقضي الغرض برضه وان كنت افضلها لشاب غاوي جري مثلا

الفيات اظن ب 136 و 150 للهاي لاين
الجين تو تقريبا 130

شكرا على ردك استاذ عبد الخالق بجد ساعدتنى كتير

[Nourhanne]

gen 2
اما معايا جين 2013 وكنت بقارن زى حضرتك . والحمد لله استقريت على الجين 2 وهقولك مميزات وعيوب الجين من وجهة نظرى
اولا. المميزات
1. الموتور قوى بكل ماتحملة الكلمة من معنى اقوى من اى عربية 1600 ممكن تركبها وقارنت دا مع كذا عربية وفى اكتر من موضوع
2. العفشة مريحه جدا تقدر تديها 8/10
3.الفرامل 7/10
4. استهلاك البنزين فى السفر يصل الى 6 لتر كل 100 كيلو ويمكن ساعات بيبقى اقل
5. المكونات الداخلية والكماليات والرفاهية 8/10
6. العزل 8/10
7.الثبات والمناورة على السرعات العالية 10/10
8. التوكيل عز العرب 6/10 . فى مركز معتمد من التوكيل اسمة عصا صفا ودا الى هيحببك فى العربية ناس فاهمه محترمة جدا رخيص عن التوكيل ودا تقيمة 10/10
9. قطع الغيار زى الكورى واغلى من اليابانى حاجة بسيطة ومتوافرة برة التوكيل وجوة التوكيل .
10. الصاج 10/10
11. الشاسية 10 /10
بصراحة انا كنت بحلم بيها من ساعة مانزلت فاممكن اكون مبالغ شوية غصب عنى بس والله قلت الى عند بحيادية

ربنا بياركلك فيها وبكفيك شرها ميرسى على ردك بجد هى عربيه كويسة
شكراااا

انا هاجاوب برد غريب حبتين ...انا عمري ماشفت واحدة سايقة جين تو ...لكن شفت كتير سايقين فيات بونتو ..
ده لا ذم في العربية الاولي ولا مدح في العربية التانية...علما بأني باسوق جراند بونتو ٢٠١٠ وقبلها كانت سكودا فليشيا وقبلها فيورا ١٢٧

هى الحكايه مش بنت او ولد هى حكايه انهى احسن فى الاداء والثبات وانفع لمشواير صغيرة شكرا على ردك

[Nourhanne]

شكرا استاذ mif انا شايفاها احسن فعلا ان شاء الله هحجزها الشهر ده

[marko polo]

رد

نصيحة من واحد كان راكب جراند قبل كدة ابعد عن شر الفتيس الديولوجك و غنيلو مش هقول اكتر من كدة انا بعت العربية بسببوة علشان هو فتيس فاشل حتى لو بتستخدموا الاستخدام الامثل وصيانتو غالية جدا ومشكلة تانية فى العربية البور الكهربا بيبوظ والدريكسيون بيكلبش وانت ماشى وكمان لفة دريكسيون العربية ضيقة يعنى علشان تاخد ملف لازم تكون موسع لنفسك وممكن تاخد الملف على مرتين على عكس العربيات التانية االى ركبتها باخد الملف من مرة واحدة وعربيات كبيرة وبشنطة كمان مش هاتش باك

[carrier]

شكرا استاذ mif انا شايفاها احسن فعلا ان شاء الله هحجزها الشهر ده

بالتوفيق ان شاء الله

[Nourhanne]

نصيحة من واحد كان راكب جراند قبل كدة ابعد عن شر الفتيس الديولوجك و غنيلو مش هقول اكتر من كدة انا بعت العربية بسببوة علشان هو فتيس فاشل حتى لو بتستخدموا الاستخدام الامثل وصيانتو غالية جدا ومشكلة تانية فى العربية البور الكهربا بيبوظ والدريكسيون بيكلبش وانت ماشى وكمان لفة دريكسيون العربية ضيقة يعنى علشان تاخد ملف لازم تكون موسع لنفسك وممكن تاخد الملف على مرتين على عكس العربيات التانية االى ركبتها باخد الملف من مرة واحدة وعربيات كبيرة وبشنطة كمان مش هاتش باك

انت كرهتنى فى العربيات كلها :dطيب انت كام معاك موديل كام!
انا خلاص كنت قررت انى اجيبها!

[abdulkhaleq]

انت كرهتنى فى العربيات كلها :dطيب انت كام معاك موديل كام!
انا خلاص كنت قررت انى اجيبها!

الاستاذه صاحبة الموضوع
لو عجباكي البونتو اتوكلي على الله
ودوري على الفيس بوك في جروب للملاك
شوفي اذا كانت منتشره ولا لأ

[marko polo]

انت كرهتنى فى العربيات كلها :dطيب انت كام معاك موديل كام!
انا خلاص كنت قررت انى اجيبها!

كان معايا 2010 ماشية 54 الف وبعتها من شهرين يعنى معدل 10 الاف فى السنة ودة معدل قليل جدا ومع ذلك كان مطلعة عينى وكل شوية تصليح فى الفتيس طقم دبرياج وفوركات وبعد شوية غيرت فوركات تانى وبعد شوية الفتيس فتح بوقوة تانى فبعتها كل دة مع استخدام الفتيس الاستخدام الامثل

[Nourhanne]

كان معايا 2010 ماشية 54 الف وبعتها من شهرين يعنى معدل 10 الاف فى السنة ودة معدل قليل جدا ومع ذلك كان مطلعة عينى وكل شوية تصليح فى الفتيس طقم دبرياج وفوركات وبعد شوية غيرت فوركات تانى وبعد شوية الفتيس فتح بوقوة تانى فبعتها كل دة مع استخدام الفتيس الاستخدام الامثل

ممكن يكون عشان ده موديل ٢٠١٠

[marko polo]

ممكن يكون عشان ده موديل ٢٠١٠

العربية من 2007 الى 2016 نفس الموتور والفتيس

[carrier]

كان معايا 2010 ماشية 54 الف وبعتها من شهرين يعنى معدل 10 الاف فى السنة ودة معدل قليل جدا ومع ذلك كان مطلعة عينى وكل شوية تصليح فى الفتيس طقم دبرياج وفوركات وبعد شوية غيرت فوركات تانى وبعد شوية الفتيس فتح بوقوة تانى فبعتها كل دة مع استخدام الفتيس الاستخدام الامثل

لأ
كده واضح ان الجين2 برقبتها

فالجين2
ركوبة
برستيج عالى
ثبات خيالى فى المنحنيات وبسرعة
ممتازة فى المناورات
موتور طلقة بعزم شديد حقأ
شكل انسيابى شبابى له جاذبية خاصة جدا ومن 2006 وحتى الان
عفشة ولا كلمة
مفيش حاجة اسمها تحك بالمطبات ولو محمل
شنطة واسعة كأنها لسيدان مش لعربية هاتشباك
كماليات وامان مع سمعة حسنة جدا

عربية ولا اروع

فهى


طمانينة المرسيدس فى السفر ... وقوة الاودى فى الجرى ... وعفشة اللوتس فى الثبات

[Sealion]

مالاخر . انا يكفى انى كنت عملت حادثه جامده بالجين 2 ومقلوب بيها من 6 شهور بعد الشر عنكم وربنا يسلم, والسبب منى انا مش العربيه اوفر سبييد في مكان ضيق جدا. الحمد لله بفضل الله ثم قوه صاج العربيه دى مقارنه بفئتها يعنى ومعدل الامان المعقول اللي فيها كان زمانى بالسلامه .
شوف يقى يا سيدى جبت سيات ليون واعلي فئه وطبعا حاجه تانيه خالص بعتها عشان برده مشكله الفتيس وقوم جبت ايه ..... جبت جين 2 ,2015 تااانى . والحمد لله "
الجين 2 افضل في نظرى من عربيات اوروبي (وجهه نظر شخصيه) .
احسن حاجه شفتها هنا زى مالراجل اللي كانت معاه الفيات قال ابعد عن الشر وغنيله"
وربنا يبارك للجميع .

[Nourhanne]

مالاخر . انا يكفى انى كنت عملت حادثه جامده بالجين 2 ومقلوب بيها من 6 شهور بعد الشر عنكم وربنا يسلم, والسبب منى انا مش العربيه اوفر سبييد في مكان ضيق جدا. الحمد لله بفضل الله ثم قوه صاج العربيه دى مقارنه بفئتها يعنى ومعدل الامان المعقول اللي فيها كان زمانى بالسلامه .
شوف يقى يا سيدى جبت سيات ليون واعلي فئه وطبعا حاجه تانيه خالص بعتها عشان برده مشكله الفتيس وقوم جبت ايه ..... جبت جين 2 ,2015 تااانى . والحمد لله "
الجين 2 افضل في نظرى من عربيات اوروبي (وجهه نظر شخصيه) .
احسن حاجه شفتها هنا زى مالراجل اللي كانت معاه الفيات قال ابعد عن الشر وغنيله"
وربنا يبارك للجميع .

لأ
كده واضح ان الجين2 برقبتها

فالجين2
ركوبة
برستيج عالى
ثبات خيالى فى المنحنيات وبسرعة
ممتازة فى المناورات
موتور طلقة بعزم شديد حقأ
شكل انسيابى شبابى له جاذبية خاصة جدا ومن 2006 وحتى الان
عفشة ولا كلمة
مفيش حاجة اسمها تحك بالمطبات ولو محمل
شنطة واسعة كأنها لسيدان مش لعربية هاتشباك
كماليات وامان مع سمعة حسنة جدا

عربية ولا اروع

فهى


طمانينة المرسيدس فى السفر ... وقوة الاودى فى الجرى ... وعفشة اللوتس فى الثبات

العربية من 2007 الى 2016 نفس الموتور والفتيس

تم حجز فيات بونتو ٢٠١٦ فئة ايزى ترونيك
لفخامة الصنع الايطالى والمتانه والامان والشياكة والتميز والثبات
شكرا ليكو اووووى :)

[tameem2010]

لا ديه ولا ديه
في العربيات , مصر هواها ياباني

[borio1704]

ابعد عن الفيات وغنيله..

لو المقارنة بين الجين 2 وأي عربية تانية يمكن كان يبقى فيه كلام... إنما فيات!!! حضرتك أكيد عايزة تجيبي لنفسك وجع الدماغ والمشاكل.

وعموما... السوق فيه عربيات تانية شكلها حلو غير البونتو.


...