العربية بتلمس

[monmon2010]

انبارح ظهر عندي حوار غريب شوية العربية اولا بتكهرب ده رقم 1 وده انا عرف انه بيحصل ساعات
العربية الكهرباء فيها بتهيس ده رقم 2 يعني شارجر الموبيل يفصل و يرجع تاني كل شوية و لو سايب الانتظار ونزلت اجي اقفل الابواب متسمعش صوت السرينة الي هي تك
و الموضوع ده بدا من يوم ماغسلتها في موبيل وواضح ان في مية لمست في حتة
حد يعرفله حل سريع الموضوع ده يعني ادي ارضي مثلا في مكان معين يظبط الدنيا ولا استني لما اروح الصيانة ارجو الافادة يارجالة بروتون
وعلي فكرة الشنطة بدات تزيق من يومين ويقولك Pdi صباحه فشر

[ahmedsiyam]

انت بتقول بعد ماغسلت
يعنى احتمال كبير مايكونش عيب صناعة
واحد زميلى فى الشغل غسل مره موتور عربيته الهيونداى و الاجزاء الكهربائية متغطية و مع ذلك العربية عملتها معاه و غير فى الاخر طقم رشاشات ( حاجة مالهاش دعوة بالكهرباء ) بس هو ده الجزء اللى تلف من الغسيل
انا رايى تروح للتوكيل و حاول بقدر الامكان تعرف العيب ايه مايتقالكش انها اتصلحت علشان العيب ممكن يكون من العربية او منك بس على الاقل تعرف

[mayki4u]

بالنسبه لما تتكهرب دا عباره عن
الكهرباء الإستاتيكيةربما تشعر بصدمة كهربائية خفيفة عند خروجك من باب السيارة وملامسة يدك لجسم السيارة خاصة بعد فترة قيادة طويلة، فلا تنزعج لان هذه ظاهرة طبيعية تعرف بالكهرباء الإستاتيكية و قد تحدث تحت ظروف معينة وخاصة إن كان الجو الخارجي جاف ، ولا يمكن منعها ولكن يمكن تقليلها بارتداء ملابس قطنية و البعد عن الملابس المصنعة من الألياف الصناعية ويراعى ذلك في كرسي القيادة أيضاُ ، وعند مغادرتك لكرسي القيادة لا تغادره فجأة ولكن ببطء ، وقبل النهوض من الكرسي حاول أن تمسك بيدك أي جزء معدني من جسم السيارة لتفريغ شحنتك الإستاتيكية من خلاله .
منقول عن مصراوى فى القسم التعليي
اما تهيس العربيه فا عليك وعلى التوكيل
دانتا لس مشتريها يامون !!!!!!! ايه اللى بيحصل دا:K15:

[tutankhamoun]

السلام عليكم
أولا يجب الأنتباه يا جماعة عند الغسيل ....
أغسل السيارة من الخارج فقط ......... فقط ......... فقط

السيارات الحديثة مليئة بالحساسات و الأجزاء الكهربائية و السلوك و هكذا

لذلك يجب الحذر عند غسيل السيارة و الاكتفاء بغسلها من الخارج فقط
أما غرفة المحرك فلها منظفات خاصة بها و غير سائلة حتى لا تؤذي الأجزاء الكهربائية


وواضح يا أستاذ مينا من شرحك أن المشكلة بسبب الغسيل
يعني فيه مية دخلت في حتة وعملت تلميس و أعتقد و الله أعلم ان الموضوع ملوش دعوة بمشاكل صناعة أو تقفيل

إلا لو غسلتها من برة بس دون تعريض أي أجزاء داخلية للماء !!!!

لذلك أركنها في الشمس و يجب أن تكون معرضة للشمس تماما حتى يتم تجفيف أي أجزاء بها ماء
أيضا عليك بالخروج بالسيارة لمسافة و الجري بها لعل و عسى الهواء يقوم بتجفيف ما تم تبلله

و إن شاء الله تنتهي المشكلة قريبا يا أستاذ مينا

[Danda]

شوف يا باشا..

الاخ mayki4u قال الخلاصه فى موضوع الكهربا لان فعلا وعن تجربه كانت بتحصل معايا وفعلا هو نصحك بالحل الصح. بس احب انبهك واحنا داخلين على الشتا ومع البس الصوف والاحتكاك ممكن تلاقى الموضوع ده هيطول لحد الصيف. فخلى باللك من قصة تفريغ الشحنات.

بالنسبه لموضوع تهييس الكهربا بعد الغسيل فانا متفق تماما مع الباشا توت واوعى تجيب ميه تانى فى الموتور يعنى اخرك تنظيف بالهوا. ومن غير ما تروح التوكيل ولاحاجه. حضرتك تروح المحطه وتظبط بتاع الهوا بشلن وتخليه يركز على علبة الفيوزات اللى فى الموتور واى كتاوت وعلى سرينة الانذار والكلاكسات واى اجزاء كهربائيه. ان شاء الله تبقى زى الفل

[monmon2010]

يا جماعة انا مجبتش مية خالص جوه الموتور لكن اكيد بيخش طبعا ميع جوه الحوض من الفراغات الي بين الكبوت والحوض
اكيد انا مش هغسل الموتور ده كله كمبيوتر بس انا حاسس ان فيه مية دخلت جوه الباب
وانا هاشوف الكلام الي قال عليه استاذ توت.. النهاردة انا نقعتها طول اليوم في الشمس و هاجرب بليل لما انزل
وموضوع السرينة ده او التك ده قلقني انا حاسس كده ان الموضوع ده هيطلع بطارية
لاني حاسس ان شحنها ضعيف لان انبارح جربت اني اقفل الكاسيت و اشوف التشارجر هيشتغل بعد ما فصل ولا لا والغريب انه فعلا اشتغل
فانا عايز اكشف بكرة علي البطارية دي لو طلع فيها حاجة هاظبطهم في التوكيل

[eng_mido]

يا جماعة انا مجبتش مية خالص جوه الموتور لكن اكيد بيخش طبعا ميع جوه الحوض من الفراغات الي بين الكبوت والحوض
اكيد انا مش هغسل الموتور ده كله كمبيوتر بس انا حاسس ان فيه مية دخلت جوه الباب
وانا هاشوف الكلام الي قال عليه استاذ توت.. النهاردة انا نقعتها طول اليوم في الشمس و هاجرب بليل لما انزل
وموضوع السرينة ده او التك ده قلقني انا حاسس كده ان الموضوع ده هيطلع بطارية
لاني حاسس ان شحنها ضعيف لان انبارح جربت اني اقفل الكاسيت و اشوف التشارجر هيشتغل بعد ما فصل ولا لا والغريب انه فعلا اشتغل
فانا عايز اكشف بكرة علي البطارية دي لو طلع فيها حاجة هاظبطهم في التوكيل

wade7 enoh ely 3mltoh fehom 3ashan tetlem tele3 3la 3enak :P
begad rbena m3ak..lw 7ases en feh ay 7aga msh metzbata zy manta 3ayez etl3 3la aburwash..w ro7 3ltool le eng.ameer w hwa isa hys3dak te7el moshkela...ana ro7t marten le7ad now bas baro7 tlakek keda 3shan ashof el nas ht3mel eh...w 7amd lelah le7ad now homa mo7trmen

[ahmedsiyam]

على فكرة انت لو عندك مشكلة فى البطارية ان شاء الله تتغير فى الضمان و لا تقلق و ابقى طمنا عليك

[monmon2010]

الحمد لله بعد نصايح استاذ توت وخصوصا موضوع الشمس ده كل حاجة بقت تمام ولكن اتصعقت النهاردة من حاجتين اولا البطاربة نزلت مية نار علي حامل البطارية و اكل البوية بتاعته في جزء معين وده مش عارف ازاي والمفروض البطارية دي جافة سبحان الله ...تاني حاجة رحت مركز الصيانة بتاع قريبي رفعت العربية لقيت الfinish من تحت زبالة الزبالة يعني في بوية معفرة علي المسامير بجد finish العربية دي كل يوم بيثبتولي انهم ملهمش في التقفيل خالص

[ahmedsiyam]

تاني حاجة رحت مركز الصيانة بتاع قريبي رفعت العربية لقيت الfinish من تحت زبالة الزبالة يعني في بوية معفرة علي المسامير بجد finish العربية دي كل يوم بيثبتولي انهم ملهمش في التقفيل خالص

اخى الفاضل انا شايف انك بدأت تقع فى قصة انك تقفل من العربية و ده موش كويس هاتبقى قاعد بتتلككلها على اى حاجة
الصبر كده لحد صيانة الـ 5000 كلم و بعد كده ابتدى احكم شوية بشوية و صدقنى هايتغير حكمك

موضوع البطارية و ضربت مياه ده ماتسكتش عليه اطلاقا و توجه لمركز الصيانة الرئيسى فورا

[momenhamdy]

الحمد لله بعد نصايح استاذ توت وخصوصا موضوع الشمس ده كل حاجة بقت تمام ولكن اتصعقت النهاردة من حاجتين اولا البطاربة نزلت مية نار علي حامل البطارية و اكل البوية بتاعته في جزء معين وده مش عارف ازاي والمفروض البطارية دي جافة سبحان الله ...تاني حاجة رحت مركز الصيانة بتاع قريبي رفعت العربية لقيت الfinish من تحت زبالة الزبالة يعني في بوية معفرة علي المسامير بجد finish العربية دي كل يوم بيثبتولي انهم ملهمش في التقفيل خالص

بص يا باشا زي ما قال لك الاستاذ احمد صيام حب العربيه شوية .... و افتكر كويس ان انت غلط لما غسلت غرفه المحرك يالميه طبعاً لان في الكتالوج موجود تحذير شديد من موضوع السوائل دا لان بيؤدي الي مشاكل كبيره فعلاً في العربيه

الاهم من كدا بالنسبة للموضوع الخاص بالتقفيل السفلي لازم برده حضرتك تكون عارف حاجة كويسه اوي لو تفقيل العربية من تحت زباله زي منت بتقول مش ممكن تكون العربية و العفشه بتاعتها تكون متماسكه خالص يعني حتلاقي كل شويه العفشه عيزه تتربط دا غير انك مش حتحس ابداً بالثبات لان التقفيل بتاع العفشه مسؤل كبير عن ثبات العربيه و مكنتش حتتجمل المطبات بتاعت المحروسه و كنت حتلاقي كل شويه في طقه او صوت صادر من العفشه و لو كان برده في مشاكل في التفقيل بتاع الموتور كنت حتلاقي مثلاً قواعد الموتور بتاعت العربية ريحت مما يؤدي الي وجود رجه في الدريكسيون او اي نوع من انواع الاهتزاز داخل كابينه العربية ....... يعني حضرتك حاول تحب العربية شوية و انا مش بتكلم علشان العربية معايا فبدافع عنها و لكن انا كلامي ان الاخوه الافاضل الي معاهم العربية اكتر من سنة و الناس صحاب الاخ الفاضل توت الي معاهم العربية اكتر من 85 الف كيلو ( ربنا يباركلهم في العربية ان شاء الله ) لحد يومنا هذا لم يشتكوا في اي حاجة من قبل التقفيل الخاص بالمحرك او العفشه او الجير (الفتيس)
فياريت حضرتك متوهمش نفسك بحاجة مش موجوده علشان بس تكون مستريح و انت راكب العربية
بس في سؤال في الاخر احب اسألهولك هل انت حاسس ان في مشكله في العربية من ناحيه العفشة او الثبات ؟؟؟
وربنا يوفقك الي الخير دائماً

[Rafraf]

mina

3adi ya 3am lo shoft el optra mn ta7t hatla2iha msdia

da ana shofto f mwdo3 fl montada

ya3ni el shkman lono asfar zi el sada

msh 3arf ezai kda

ya3ni kol da 3adi

ama 3an el batria f tro7 tnf5hom bs lel asaf mafish 7al la2n el boia tl3et

talt 7aga ya mo2mn hwa aslan ma3'slsh el motor hwa 3'asl el 3arbya mn bara wl motor geh 3aleh maia mn el ft7at el fl kabot wl shbaka w kda

ya3ni di el mfrod 3adi

3shan kda lazm tshof el twkil w rbna ma3ak

[momenhamdy]

اه يا مينا بس حتي لو كدا مفروض متأثر الا لو التوجيه الميه مباشر لان لو كدا كانت لما الدنيا شتت كان زمان العربيه عندي رايحه في داهيه يا مينا فاهمني
خصوصاً ان في يوم من الايام فضلت في المطره مده كبيره ( طبعاً غصب عني يعني )
فا طبعاً لازم تعرف ان الميه مش ممكن تلمس في العربية بالمنظر دا غير لو اتجاه الميه مباشر فاهمني ؟؟؟؟؟؟

[Rafraf]

msh 3arf walahi

bs hwa 2al eno ma3'aslsh el motor

[ahmad alshaaer]

توجه الى التوكيل باسرع وقت فعلااااا
وان شاء الله خير