صوت تزييق

[smsmsaad]

كنت فى توكيل الصحراوى اخر صيانتين وكنت بشتكى من صوت فى العفشة وقالولى ديه البطاحة الشمال...فاول مرة قالو ان احنا غيرنهالك بس رجع نفس الصوت تانى ، فى الصيانة اللى بعدها المهندس قاللى البطاحات مبتتغيرش وهاظبطهالك ،طبعا كلامهم متناقض وكدابين

المهم فات شهرين والصوت رجع تانى بنفس الشكل وهو صوت تزييق فى الدريكسيون لما بحركه يمين وشمال وهى واقفة وصوت خبطة فى المطبات وصوت حكة فى اليمين لما بلف الدريكسيون شمال فى الملفات
فى حد من الرجالة الافاضل ممكن يفيدنى

[smsmsaad]

وهل فعلا البطاحات ديه بتتغير والا لا....وسعرها كام
جين 2013 حوالى 40000 كم

[aelskhawy]

كان عندي نفس الصوت كده ورا لما بدوس على الفرامل واحرك الطارة وانا واقف
قالولي دي محتاجة تزييت بس في الفرامل وخلاص
يومين والصوت رجع. سألت تاني قالولي صوت عادي جدا ما تشغلش بالك بيه. انا حسيت بيه في عربية تانية برده غير البروتون

[smsmsaad]

كان عندي نفس الصوت كده ورا لما بدوس على الفرامل واحرك الطارة وانا واقف
قالولي دي محتاجة تزييت بس في الفرامل وخلاص
يومين والصوت رجع. سألت تاني قالولي صوت عادي جدا ما تشغلش بالك بيه. انا حسيت بيه في عربية تانية برده غير البروتون

باشا كتر خيرك... بس فى صوت خبطه واضح فى العفشة لم الدريكسيون بلفه شمال ، وكمان الصوت بيزيد مع مرور الوقت

[دكتور خالد]

فى الغالب البلى اللى فى البطاحات فعلا - والبطاحات بتتغير فى كل عربيات الدنيا عادى جدا

[smsmsaad]

يبقى فى التوكيل كانوا بيشتغلونى وقالولى غيرنا....حسبنا الله ونعم الوكيل

[mega 2003]

انا كان عندى نفس المشكلة تزييق عند لف الدركسيون شمال ويمين والسيارة واقفة علاوة ان الدركسيون مش بيرد فى الملفات وتخبيط فى المطبات العفشجى غير بارات علبة الدركسيون الداخلية والخارجية وصوت التزييق راح فعلا بس مازال الدركسيون فية نفس المشكلة مبيردش وعفشجية يقولك دة علبة الدركسيون تالفة وعايزة تتغير وعفشجية يقولة لا وعفشجية قالو بطاحات البلى عايز يتغير العربية اسبيرانزا m11

[smsmsaad]

'طيب ماتشوف البلى ده

[smsmsaad]

المشاركات بقت قليلة جدا..!!!!!!!

على الرغم من كثرة المشاهدات !!!!!

[hamaza81]

كان عندي نفس مشكلة البطاحة، وغيرتها برة التوكيل (في التوكيل كان سعرها 800 جنية ودا أكيد كلام مش ظريف)

لو عايز تتأكد من موضوع البطاحة، انت بتفتح الكبوت، وبتبص على البطاحات نفسها ليها غطا بلاستيك او جلد صغير كدة، بتشيله وتبص تشوف البلي اخباره ايه، انا كان عندي واحدة البلي بتاعها مهري ومتاكل والتانية كانت كويسة، غيرت الاثنين مع بعض بالمرة وتقريبا كانت التكلفة 200 جنية او حاجة قريبة من كدة (نوع كوري)

[smsmsaad]

كان عندي نفس مشكلة البطاحة، وغيرتها برة التوكيل (في التوكيل كان سعرها 800 جنية ودا أكيد كلام مش ظريف)

لو عايز تتأكد من موضوع البطاحة، انت بتفتح الكبوت، وبتبص على البطاحات نفسها ليها غطا بلاستيك او جلد صغير كدة، بتشيله وتبص تشوف البلي اخباره ايه، انا كان عندي واحدة البلي بتاعها مهري ومتاكل والتانية كانت كويسة، غيرت الاثنين مع بعض بالمرة وتقريبا كانت التكلفة 200 جنية او حاجة قريبة من كدة (نوع كوري)

ياباشا كتر خيرك.... حاضر هاعمل كدة