ممكن حد يقولي الصوت دة بتاع ايه

[aapaap855]

السلام عليكم ورحمة الله وبركاته

بعد مرجعت من الصيانة من كام يوم
سمعت صوت جاي من اليمين قدام زي ميكون صوت مية بتسرسب كدة
:k43:مش عارف اوصفو قوي بس لو حد سمع صوت التكييف بتاع البيت لما بيعمل كأن مية بتنزل منو كدة

مش عارف المهم ان الصوت دة مبيزيدش لما ادوس بنزين ولا لما افرمل
يعني ملوش دعوة بالفرامل
لو حد ظهر عندو الصوت دة وعارف من ايه يا ريت يقولي
وهنيالك يا فاعل الخير والثواب

[Rafraf]

i dont know bs bthi2li hwa da el bytrkblo gelba!!

aloh a3lam

rbna yostor wttl3 isa 7ada s3'ira

[ahmad alshaaer]

ياريت توضيح اكتر تحديدا وانت ماشي ولا وانت بتلف الدركسيون
ولا وانت ماشي في مطبات
وان شاء الله خير

[ahmedsiyam]

فعلا مزيد من التوضيح و ياريبت تقول هل التكييف شغال و لا لأ ؟

[aapaap855]

الصوت دة بيطاع في كل الأوقات واقف ماشي هوة شغال على طول بس صوت واطي جدا يعني مبسمعوش غير وانا مقفل الازاز
مش عارف دة من السير ولا ايه
تحس انو من ناحية قدام يمين
(لو حد سمع قبل كدة صوت الدركسيون ساعة لما يكون ملفوف عالآخر والعربية واقفة زي صوت زيت او مية بتسرسب
هوة نفس الصوت دة بس والعربية واقفة او ماشية
جربت مرة ملقتش الصوت دوست سنة بنزين لقيتو رجع تاني

[mfhabib]

انا عندى نفس الصوت دا . صوت ذي تسريب الميه بيظهر لما ادوس بنزين من نحيه اليمين .. انا هكشف عليه الاسبوع الجاى مع صوت حكه فى باب السائق بتعمل خرفشه طول ما انا ماشى و تعليق فى زرار الصوت فى الدريكسيون .

[ahmad alshaaer]

بصراحه انا بالنسبه للموضوع بتاع الصوت ده لو انت وانت بتلف الدركسيون ده عدي لان دراع الدريكسيون في العربيه دي جوه الصالون تحت رجلك يعني
ولكن موضوع الزارير في الدريكسيون ده بيغيروه في الضمان عادي جدا
وصوت الخرفشه في الباب الشمال دي من حزام الامان ومش بيتعمل استحمله
وده كلام التوكيل

[aapaap855]

انا عندى نفس الصوت دا . صوت ذي تسريب الميه بيظهر لما ادوس بنزين من نحيه اليمين .. انا هكشف عليه الاسبوع الجاى مع صوت حكه فى باب السائق بتعمل خرفشه طول ما انا ماشى و تعليق فى زرار الصوت فى الدريكسيون .

يا ريت لما تعملها تقولي دة صوت ايه

[formoza]

صوت زي مية بتسرسب من نحية اليمين
دى موجوده عندى 2008 اول ما بطلع بس
لكن اعتقد ان دى حاجه فى الموتور مثلا زى فلتر بنزين ال bmw عشان هو كهربه والله اعلم

[mazagnge]

انا فعلاً عندي القصة دى من فترة .... و بركز احاول اجيبها مش عارف
لدرجـــة أني فكرت ابطل نسكافـية
هو الصوت عامل زي مايكون امممممممممم

عارفين المياة لما تبقي قطعه فالبيت فمواسير المياة بتفضي و كمان السخان

المهم لما ترجع المياة تلاقي في صوت فى الموسير زى البقللة او انك بتصب مياة فى كوبية ، بقول اية انا اروح أشتغل ســـــــباك أسهل

المهم الصوت دة ما بسمعوش إلا الصبح و العربية لسة في اول ثواني تسخين و بعد كدة بيروح ؟

و برضة احيانا وانا و اقف فى اشارة او لما ببقي سايق على الهادى و ادي سنة بنزين فاحس ان حد بيصب كوبية مياة وراء التابلوة .... نفس اعرف مين اللى عامل وراء التابلوة ســــــقا مش عارف ؟

[aapaap855]

انا فعلاً عندي القصة دى من فترة .... و بركز احاول اجيبها مش عارف
لدرجـــة أني فكرت ابطل نسكافـية
هو الصوت عامل زي مايكون امممممممممم

عارفين المياة لما تبقي قطعه فالبيت فمواسير المياة بتفضي و كمان السخان

المهم لما ترجع المياة تلاقي في صوت فى الموسير زى البقللة او انك بتصب مياة فى كوبية ، بقول اية انا اروح أشتغل ســـــــباك أسهل

المهم الصوت دة ما بسمعوش إلا الصبح و العربية لسة في اول ثواني تسخين و بعد كدة بيروح ؟

و برضة احيانا وانا و اقف فى اشارة او لما ببقي سايق على الهادى و ادي سنة بنزين فاحس ان حد بيصب كوبية مياة وراء التابلوة .... نفس اعرف مين اللى عامل وراء التابلوة ســــــقا مش عارف ؟

بالظبط تقريبا العربية نازلة وفيها بوفيه
عايز نسكافيه عايز مية كلو موجود
خلي بالكو اسعارنا سياحية (الي معهوش ميلزموش)