موديلات بروتون الجديده؟

[scientist9508]

بسم الله الرحمن الرحيم

الإخوه الأفاضل

على الرغم من أن شركة بروتون قد أصدرت موديلات جديده إلا أن عز العرب مصمم على تقديم موديل واحد فقط للسوق المصرى منذ سنوات طويله(الجين 2 و البيرسونا هما سياره واحده). و كلما إتصلت به لأسأل على الموديلات الجديده تكون الإجابه واحده فى كل مره (لا أعلم)

هل يوجد من يوافقنى الرأى بأن ذلك يقوض وجود بروتون فى السوق المصرى؟

هل من زميل عنده أى معلومه عن أى موديل جديد قادم؟

السلام عليكم ورحمة الله و بركاته

[ahmad--ezzat]

مهما كانت العربيه كويسه
للاسف ماتت في مصر خلاص
العربيه بتنزل من ٢٠٠٦ نفس الشكل يعني ١٠ سنين مش بتتغير...ولما تركبها تلاقي طابلون عقيم...خامات عاديه...دركسيون قديم...ده غير سعر اعاده البيع الفاشل....والاهم قلة النعومه بالنسبه للموديلات اللي في نفس الفئه السعريه
لازم تجديد من الوكيل واظهار منتجات بروتون المخفيه دي

[salam100100]

كنت من فتره كبيره سالت فى فرع الدقى عن الموديلات الجديده وقالولى انهم بيفكروا ينزلوا عربيه 7 راكب
بصراحه السوق المصرى محتاج تنوع فالنوع دا ال 7 راكب عشان المتاح قليل ومتفرق فالسعر والامكانيات
فى الصينى اقل من ال100 الف والامريكانى فوق ال700الف........ فجوه كبيرع جدا
ياريت يدرسوا السوق ولو يقدرو ينزلوها اكيد هتنال اعجاب فئه معينه عايزاها

[dr_haitham79]

مع انى شايف ان استمرار الموديل بنفس الشكل لعشر سنين هو اللى مخلى العربية النهاردة ليها اسم فى السوق
لأنها لو بتتغير سنة عن سنة مع معدل البيع الضعيف ده ( مثلا 160 سيارة فى اول 3 شهور السنادى):
كان كل موديل من العربية بقى عملة نادرة واصعب فى الصيانة وقطع الغيار.

[dr_haitham79]

على ذكر التفكير فى تنزيل عربية 7 راكب..
فعلا السوق عايز عربيات اكتر فى الفئة دى واوافق حضرتك فى ده

مشكلتهم ومشكلة كل شركة ان مدى دراستهم للسوق واتخاذ القرار وتوقيته: حباله طويلة جدا
وكتير قوى المنتج مش بيبقي على اد الانتظار والترقب ده كله فى الاخر كمان!

[S O P H O S]

انا مع رأي استاذ احمد
بروتون محتاجة اعادة نظر فالموديلات
لان الناس مش شايفة اي شئ جديد يذكر

[salam100100]

بروتون بريف

بروتون بريف
على كونتاكت كارز ب200000 جنيه
ليه كدا يابروتون

[ahmad--ezzat]

بروتون بريف
على كونتاكت كارز ب200000 جنيه
ليه كدا يابروتون

صحيح شفتها من فتره

كده خلاص تاكدنا بموت بروتون في مصر