هل الجين2 لفئة الشباب فقط...... ام لا؟؟؟؟

[Terrible_DaRsH]

طب يا استاذ توت اثبت كلامك ده واعمل موضوع مقارنة فى الفئات السعرية والامكانيات للسيارة دى ...
وحط معاها السيارات الاغلى قليلا والارخص قليلا ونشوف مين الاحسن والافضل ...
اجمع معلومات عن باقى السيارات وحطهم كلهم فى موضوع واحد ...
وصدقنى والله اتمنى تفوز الجين تفوز خصوصا على الفيرنا ...
ولازم انت اللى تعمله لانك من مالكى السيارة ...

[Terrible_DaRsH]

اكيد جين 2 تنفع للكبار برضو

اللي يأكد كامي شفت رجل سنه حوالي 45 ل 50 سنة راكب هيونداي كوبيه (مبهزرش)

والد واحد اعرفه عندنا فى الجامعة جه ياخده يوم من الجامعة لاقيناه راكب كوبيه برده بس متظبطه جامد اوى فاستغربنا جداااا..(55سنة) تقريبا ..
كانت المفاجاة بقي انه عامل الابواب لامبو .... FLY ..
روح الشباب بتبقى موجودة عند الناس دى وشيء عادى جدا والله لما يتكرر كتير ...

[tutankhamoun]

طب يا استاذ توت اثبت كلامك ده واعمل موضوع مقارنة فى الفئات السعرية والامكانيات للسيارة دى ...
وحط معاها السيارات الاغلى قليلا والارخص قليلا ونشوف مين الاحسن والافضل ...
اجمع معلومات عن باقى السيارات وحطهم كلهم فى موضوع واحد ...
وصدقنى والله اتمنى تفوز الجين تفوز خصوصا على الفيرنا ...
ولازم انت اللى تعمله لانك من مالكى السيارة ...

يا باشا أنت مفهمتنيش

ايه اللي جاب الفيرنا في النص .... هي علشان بتطلع من الجين 2 ؟؟؟
و بتطلع برضه من عربيات تانية كتيرة زي الأوكتافيا مثلا
طيب ليه
علشان العربية فيها موتور حلو و قوته متقاربه مع أغلب العربيات 1600
بس وزنها أقل من أغلب العربيات على الأقل 100 كجم أو أكتر قليلا
و ده بيديها قوة دفع رهيبة علشان وزن خفيف ..... و أنا مش هاتكلم عن الثبات و الكلام ده


-----------------------------------------
عايز تقارن أنا تحت أمرك
لو نفرض مثلا أن الجين 2 نزلت مصر بتقفيل أحسن من كدا و متساوي مع سيارات أحسن منها في التقفيل و لا يوجد أدني مشكلة و بالسعر ده
طيب مين العربيات اللي في فئة الجين2 الحجمية اللي ممكن نقارنها بيهم
هي السيارت السيدان الصغيرة compact sedan
مثل المازدا 3 مثلا مع وجود فارق في الحجم لصالح المازدا 3
و لكن في النهاية بيتم تصنيف على أساس الحجم ده
طيب تعالى نقارن
موتور ...... متقارب قوي 110 للجين و 105 حصان للمازدا
الثبات و الأتزان ....... متساويين و طبعا ثبات رهيب
نقطة تفوق المازدا هي التقفيل الرائع و خامات الصالون الممتازة
الكماليات مش نقطة مقارنة قوي غير لما بنتكلم عن السعر
ده طبعا غير الحالة النفسية لما واحد يكون راكب ماركة مشهورة قوي و ده بتفرق عند الناس اللي موضوع الماركة بيفرق معاهم قوي

ده رأيي مثلا لو قارنه الجين 2 بالمازدا 3

--------------------------------

ممكن نبص على ماركة تانية في نفس الفئة الحجمية
نيجي للانسر الشكل القديم اللي هو بيسموه البوما تقريبا
الموتور مواصفات مصر 104 حصان و مواصفات الخليج 120 حصان و الجين 2 موتورها 110 حصان ..... يعني فيه فرق بس مش رهيب لصالح أو على الجين 2 حسب مواصفات اللانسر
الثبات و الأتزان أعتقد أن أغلب الناس متفقة أن الجين 2 أكثر ثباتا من اللانسر
الأهم نقطة الضعف الدائمة في الجين 2 بمقارنتها بعربيات أغلى منها
جودة التقفيل و خامات الصالون .....أنا شايف أن خامات اللانسر الداخلية مصنوعة من الجلد الرائع و التقفيل جميل


في النهاية فرق السعر أنا شايف أن ما يستاهلش
و ده رأي شخصي

أما بالنسبة للصني فهي أكبر من الجين 2 و تتقارن بالكورولا و السيفيك و مفيش فرق بينهم غير أن الصني تجميع محلي و ده بيبين فرق السعر ما بينهم
يعني الصني لو نازلة ياباني كاملة ..... كانت هاتبقى في فئة سعرية تانية
و مع ذلك أن شايف ان الصني المصري ممتازة و ما هي إلا مشكلة نفسية خوفا من التقفيل المصري

بس لو فيه أي عربيات تانية حضرتك عايزني أقارن بينهم و ما بين الجين 2 أنا تحت أمرك

في الأخر أنا أيه اللي خلاني أقول أن الجين 2 فئة محترمة

موتور محترم و إن كان فيه منافسين عندهم مواتير محترمة برضه و فيهم الأفضل من موتور الجين 2

ثبات رهيب رهيب بمعنى الكلمة و إتزان رائع لا تجده إلا في السيارات الغالية السعر

طبعا كماليات كتيرة و محترمة

صاج قوي و محمل ..... مش علشان يستحمل في الحوادث علشان في الحوادث كله زي بعضه و لو أن الحوادث الخفيفة بيستحمل معاك فيها
بس هو صاج قوي علشان يستحمل معاك شوارع البلد اللي أحنا عايشين فيها و مش من أي لمسة يطبق

طبعا النقطة السلبية في المقارنة فقط
هي ان خامات الصالون أقل من العربيات الغالية اللي في فئتها الحجمية
و برضه مشكلة جودة التقفيل اللي ناس كتير بتشتكي منها

إنما الجين 2 كعربية و ركوبة ........ فعلا محترمة و باين قوي تأثير لوتس الرياضي في العربية من ناحية الثبات و الاتزان و المناورات

[Terrible_DaRsH]

افهم من كلامك ان المشكلة فى التقفيل والصالون ...
يبقي ده سبب المشكلة الحقيقية فى انها تكون سيارة شباب فقط ..ليه ؟
لان الناس الكبيرة بيهمها الصالون والراحه الداخلية والتقفيل اكثر من القوة والتحمل والامكانيات ...
وهطلب طلب يمكن يكون غريب شوية ...وهو مقارنة بينها وبين (سيراتو ونيو اكسنت ) و سيبك من الاسعار ...

[tutankhamoun]

افهم من كلامك ان المشكلة فى التقفيل والصالون ...
يبقي ده سبب المشكلة الحقيقية فى انها تكون سيارة شباب فقط ..ليه ؟
لان الناس الكبيرة بيهمها الصالون والراحه الداخلية والتقفيل اكثر من القوة والتحمل والامكانيات ...
وهطلب طلب يمكن يكون غريب شوية ...وهو مقارنة بينها وبين (سيراتو ونيو اكسنت ) و سيبك من الاسعار ...

موتور السيراتو أقوى
ثبات السيراتو الناس بتشكر فيه
فتيس السيراتو الأوتوماتيك تكنولوجيا أحدث ستيبترونيك على ما أعتقد
يبقى مفيش فروق كبيرة غير في الكماليات و الشكل لصالح الجين 2 مع الفتيس الأوتو لصالح السيراتو و السعر المحترم للعربيتين
( بس أنا شديت مع سيراتو قبل كدا و مكنش فيه فرق يذكر في قوة الموتور )

النيو أكسنت ...... عربية حلوة و تسارعها حلو و تقفيلها من جوه زي الجين 2 و برضه خاماتها الداخلية عادية زي الجين 2
و أنا ماسوقتهاش بصراحة بس واحد صاحبي معاه جين 2 ركبها و شكر فيها جدا جدا فسألته لو رجع بيك الزمن تشتري الأكسنت و لا الجين 2
قالي الجين 2 ركوبة تانية خالص و متتقارنس بالأكسنت
مع أن الراجل ده عنده مشاكل في تقفيل الجين 2
و مع ذلك .......... رأيه كان مع الجين 2
يمكن علشان الاتزان و الثبات و سهولة التحكم في العربية
لأن أنا شايف ان المواتير ال 1600 متقاربة من بعض

و ربنا يوفق و يبارك لكل واحد في عربيته و يحفظهاله من الطريق و من سواقين الميكروباص

[aapaap855]

انا كل الي بشوفهم راكبين العربية كبار في السن انا اتعقدت

[sherif2010]

انا بشكر جميع الاعضاء على ارائهم والاستفادة الكبيرة من خبراتهم وبالذات من مالكى الجين.............. ولكن انا شايف ان الموضوع اطرف شوية لحاجات تانية
زى الخامات والمقارنة بغيرها
............................ مع تكرار شكرى:k10:

[sherif2010]

أعتقد إنت رديت علي نفسك ... وعلي فكره الجولف والفورد فوكاس وحاجات تانيه من الفئة دي من أنجح السيارات العائلية بره

يا باشا سيبك من برة احنا بنتكلم على جوا (مصر)....... وفين الرد الى على نفسى(الشكل اذواق) طيب وبالنسبة للامكانيات والكماليات
.... وشكرا على مشركتك

[sherif2010]

بصراحة مش بحب العربية دى ..
ولكن هى مناسبة جدا جدا لسعرها وامكانيتها ...
صاحبي اشتراها من قيمة 4 اشهر وندم انه اشتراها وباعها , جاب Mazda 3 قسط احسن ...
لان والده لما نزل من قطر وركب الجين تو دى خلاه نزل تانى يوم باعها ...
انا مش بقلل من قيمة الجين تو على فكرة ولكنها ليست الافضل ...

انا مفتكرش ان اى حد اشترى الجين2 ويندم عليها.........

[ahm3d ham>ed]

انا مفتكرش ان اى حد اشترى الجين2 ويندم عليها.........

لية؟
مش للدرجة دى.......زى اى عربية ممكن تعحب وممكن ماتعجبش
بس انا الصراحة معجب بشكلها وثباتها

وعلى فكرة االى بيحط حاجة فى دماغة بيصمم عليها بيشوفها احلى حاجة

وهذا لايقلل من الجين خالص
بالعكس نفسى امتلكها

[amirrk]

الgen2 سعرها منخفض عشان حاجه واحده بس
انها واخده اعفاء ضربي كامل في ماليزيا عشان دي اول عربيه ماليزيه الصنع و اول ما نزلت كانت مستحوذه علي اكتر من 60% من السوق الماليزي
فالحكومه اديتها اعفاء ضريبي عشان تشجع المنافسه و خصوصا انها ماركه تعتبر جديده علي السوق و محتاجه حاجه تميزها
و ممكن تراجعو wikipedia اكتب بروتون و شوف قصه حياتها
لكن لو نزلت بضرائب زي اي عربيه تانيه فكانت حتنزل بسعر الياباني عشان امكانيتها رهيبه
كفايه انها تبع لوتس و ميتسوبيشي

[M.Abdelshafi]

و احنا مالنا بالاعفاء الضريبى بتاعها فى ماليزيا احنا هنا فى مصر و العربيه بيتدفع عليها ضرايب زى أى عربيه 1600

[M.Abdelshafi]

اه و كمان لوتس هيا اللى تبع بروتون

[saidbakr]

...

صاج قوي و محمل ..... مش علشان يستحمل في الحوادث علشان في الحوادث كله زي بعضه و لو أن الحوادث الخفيفة بيستحمل معاك فيها
بس هو صاج قوي علشان يستحمل معاك شوارع البلد اللي أحنا عايشين فيها و مش من أي لمسة يطبق
...

مع احترامي الشديد لرأيك، اختلف معك و بشدة و بوضوح حول نقطة إن الصاج قوي و محمل!!!
و انا بشوف العربية في معرض في المنصورة، فتحت غطاء الكابوت، و لما جيت أقفله، طبعا الواحد بيضغط على صاج الكابوت من قدام عشان يقفل، انا حسيت إن إيدي هتعدي الناحية التانية و الصاج بيلب من تحت ايدي و خوفت احسن اطبقلهم الكابوت و انا بقفلع، فناديت على البنت اللي في المعرض، راحت رفعى باب الكابوت لفوق و سابته ينزل هبد عشان يقفل.

انا موش شايف ان دي مشكلة، فبراعة صنع عربية رخيصة بتكمن اساسا او بشكل كبير في إمكانية انتاج و تشغيل صاج ارق توفيرا للنفقات، و لكني اعتقدت انه المفروض حتة حساسة زي دي من الصاج ( مقدمة غطاء الكابوت ) اللي بنضغط عليها دايما عشان نقفله و اللي الشباب الروش بيقعد عليه في الشارع، لازم كان يبقى مدعوم اكثر من كدة و لو بخوصة حديد صغيرة او بطانة.

[ouba2]

انا شايف انها شبابية جدا