صوت الماتور عالي جدااا

[ahmed sekas]

جين 2 2008 80000 كيلو اول عربيه اركبها في حياتي .. بعد ما جبتها بيوم غطا الريداتير وقع مش عارف ازاي علي الطريق و جابت جوان وش سلندر قولت بالمره اغيرلها السيور و الفلاتر ...بعد الموضوع ده العربيه اتبرجلت و سحبها بقه ضعيف و كان الفتيس غريب جدا و نقلاته مش مظبوطه (اتوماتيك ) ...قاعدت الف بيها شويه علي الميكانيكيه ورحت جبت فتيس استيراد و العيب زي ما هوا ..لحد ما واحد قالي ان سير الكتينه تقسيمته مش مظبوطه و الحمد لله ظبط السير و العربيه سحبها بقه كويس و نقلاتها مظبوطه بس لسه صوتها عالي ولما بنقلها علي ال D بسمع صوت صفاره بس هادي خالص .. فهل جوان وش السلندر ممكن يكون هوا الي عامل الصوت العاي ده ولا حاجه تانيه ... ارجو المساعده لان خبرتي مش قد كده خصوصا ان دي اول عربيه و مرمتطني كتير

[ahmed.biso13]

جوان وش السلندر ملوش صوت ممكن يكون سيور عشان جديدة بتعمل صفارة مع المشى كل ده هيروح
بس غير الزيت بتاع الماتور لانه ممكن يكون مغيروتش عشان كده صوت الماتور عالى
ودائما تكشف على الحاجت دى قبل ماتطلع بالعربية صباحا
مقاس زيت الماتور وفلتر وميعاد تغيره القادم
مياه الرياتدير
زيت الفرامل
واعمل اندكس لكل ده عشان تعرف العمر الافترضى لقطع الغيار التى عمره قصير
واهم حاجة ميعاد تغير الزيت القادم
والسيور كل 10000 كم
والفلاترالبنزين والهواء كل 20000 كم
وايدك تبقى فيها كل ماتعطل احسن ماتجمع الاعطال كلها

[bluemail]

ربنا يعينك لكن البدايه كده مش صح
المفروض اول ما جيبت العربيه كنت تعمل صيانه علطول
تغيير سيور وفلاتر وزيت موتور وتيل وزيت وفلتر للفتيس الاوتوماتيك و طنابير وتربط عفشه وتشوف لو في حاجه عاوزه تتغير

غطاء الريداتير ازاي اتفك هل انت بتزود مياه من الريداتير والقربه مش شغاله؟
هل حد كان بيبص علي المياه ونسي يقفله ؟

وبعدين انت ماخدتش بالك ان امبير الحراره رافع ؟
ولا مش شغال عندك، ؟ مهم ان امبير الحراره ولمبة الزيت يكونو شغالين كويس

وبعدين موضوع الفتيس لما كان فيه مشكله، انت علطول روحت اشتريت فتيس استيراد وركبته، علي اي اساس ؟
وفي الاخر طلعت المشكله في تقسيمة سير الكاتينه

نصيحه شوف كتالوج العربيه وشوف مواعيد صيانتها وايه اللي بيتغير في كل صيانه
ولازم تشوف حد متخصص بروتون مش اي حد يشتغل فيها
كده انت هتتعب وتزهق من العربيه

بالتوفيق ليك في اللي جاي