لو كنت مكانى تعمل ايه

[tarek hashem]

جين 2009 لسه معلقتش نمر لسه البلاستيك عليها لسه مكملتش 70 كيلو اول تموينه بنزين
القصه
استملت العربيه وطلعت على 6 اكتوبر اخذت المحور على 70 كملت لغايه الهيبر قررت افولها من موبيل اللى بعد الهيبر
أخذت الطريق البطيئ ودخلت البنزينه فولت التنك وكله تمام زى الفل اتحركت وركنت قدام on thr run ودخلت اجيب كافيه لاتيه وسجاير
وانا جوه وبفكر فى اول خدش ممكن يحصل وخدوا بالكم من كلمه خدش
ملحوظه للى ميعرفش ( ارضيه البنزينه ديه بالذات زلقه جدا بتزحلق يعنى )
المهم
واحد بجراند شروكى العشم كان قاتله باين كان داخل بسرعه عايز يركن جمبى والمسافه كانت واسعه جدا
العربيه زحفت منه ولببببسسسسس فى باب العربيه اللى ورا يمين ( عربيتى طبعا )
لبسه محترمه
ملحوظه الجراند شيروكى كان فيها الدعامات الحديديه اللى بيركبوها علشان يخربوا بيها بيوت الناس وهمه يبقوا فى السليم
المهم لاقيت راجل محترم لابس بدله ماركه تيدلاموند داخل بيسأل
- معلش با جماعه مين صاحب الجين 2 الشامبين اللى بره
انا بقى اتفردت واتنيت وخدتنى الجلاله قوى
الناس مصدقت شافتها جايه تسألنى عليها
ابتسمت ابتسامه بيوصفوها فى القصص ابتسامه افتخار وقلت بتناكه
- ايوه انا
فبصلى قوى وحسيت الدموع هتبظ من عينه وقالى
- اصل انا خبطها

- نعم حضرتك ؟
- انا وانا بركن العربيه اتزحلقت وكده يعنى
وانا واقف اسد مفيش اى ريأكشن على وشى مش ثبات اكيد ده من الخضه بعيد عنكم
- كده يعنى ؟؟
- اتخبطت يعنى
معرفش ابتسمت ليه وقلت ببساطه انا نفسى استغربت منها ومتهيألى انى كنت بصبر نفسى
- خدش يعنى
هز راسه وقال
- لاء هى جامده شويه:k40:
وخرجنا ولقيت نص اللى موجدين خرجوا ورانا ( عادى مصريين وبيحبوا المشاركه )
الباب كان معجون بس الحمد لله جت فى نص الباب وملمستش القوائم
انا مش هكمل ايه اللى حصل لغايه لما انتوا تقولولى
لو كنت مكانة تعمل ايه

[Ghamrawy]

باب جديد و أمرك الى الله و أحمد ربنا انها جت فى حتة ممكن تتشال و يتحط مكانها حاجة جديدة و اذا كان على الرش ،رش بره عند واحد محترف

[ahmedsiyam]

لو انا مكانك هاصبر لحد لما اشوف رد فعله ايه و هو اصلا داخل فى نيته الاصلاح طبعا عموما ربنا يعوض عليك بالخير ان شاء الله و اسلبوبك فى عرض الموضوع دمه خفيف جدا الصراحة
واللى اعرفه ان المحطات بتبقى عاملة تأمين لاى خسائر من النوع ده بتحصل داخل ارض المحطة و الله اعلم
تحياتى و ياريت تبلغنا باللى حصل بعد كده

[tarek hashem]

انا مبخدش عوض
استعوضت ربنا واكيد هغير الباب
بس هسيبها شويه تطير العين لانى بعد ما اتجوزت بقيت بؤمن تماما بحاجه اسمها عين
لما تشوفوا جين بابها الورانى معجون يبقى انا

[مصطفى_صديق]

معلش فداك و لا يهمك.
هى كده كده اى عربية جديدة لازم تتخبط...بس بدرت معاك شوية
وقول الحمد لله انك ماكنتش راكب فيها أو حد ناحية الباب

[Sout_Sout]

ياباشا فداك مليون عربية مش باب
بس فى مشكله بشعة دلوقتى
تقريباً حسب معلوماتى حضرتك مش هتقدر ترخص لأنك لسة قايل (لسه معلقتش نمر)
وفى قانون المرور فى قانون بيقول ان العربية الزيرو لازم ماتكونش مخبوطة وهى بتترخص
فحضرتك هتضطر انك تصلحها الأول قبل ما تروح ترخص
الصراحة يعنى انا لو مكانك انا ممكن اموت الراجل ده
وقلبى معاك يا باشا ومش عارف اقولك مبروك ولا شد حيلك
عموماً مبروك
لازم برضه خبطة,حكة اى حاجة تحصل فى العربية اول ما تتجاب
لأنك برضه عارف ان الشعب المصرى عينة حلوة قوى ومش بيحسد ولا بيحقد
ده بيموت علطول

[king_de_egypt]

الحمد الله انها جت فى العربيه وانت مش فيها و الله اعلم لقدر الله كانت ممكن تبقى حاجه زياده عن كدا
بس الحمد الله انها جت على كدا وربنا معاك يا معلم

[AhmedGen2]

ولا يهمك قدر الله وما شاء فعل ، انا زيك برضه اول ماجبت العربية ركبت النمر من هنا وانا راجع طار فيها فانوس وكابوت واكصدام ، الحمد لله.

[Hosam_Optrawy]

معلش هى بتبقى العين وفداك والحمد لله انها جت على اد كدا
على الاقل انت مشيت بيها 70 كيلو
ده انا لى صديق من كذا سنه لسه خارج بالعربيه من المعرض واتخبطت منه
الحمد لله على كل شئ

[Ayman_52]

لا حول ولا قوة إلا بالله.....معلش انا عارف احساسك...ان شاء الله تكون كده اخدت العين وخلاص على كده ان شاء الله

والف مبروك عالاستلام...وان شاء الله هترجع زى الاول...وتنبسط بيها ان شاء الله وربنا يباركلك فيها يارب

[waleedrahmy]

كان أغمي عليا فوراااااااااا ............ربنا يصبرك الصراحة.................... وهي دي مصر............. بس الراجل ال خبطك راجل محترم................... كان ممكن يخبطك ويمشي عادي جدا

[khpopo]

الف مبروك جين2 الجميلة وحمد الله على سلامتك وسلامة جين2 ...هى كدة لازم تاخد عين فى السريع ودايما العين معاها تمام ربنا يجيرك فى مصيتك ويخلف عليك خير ...ويحميهالنا جميعا
ربنا يوفق

[fadynabil]

ولا يهمك ياباشا الحمد لله كل اللي يجيبه كويس ... وأشكر ربنا انها مجتش فيك ... الصاج مقدور عليه

وربنا يوفقك وتصلحها زز و10000 مبروك علي العربيه

[tarek hashem]

الحمد لله قضاء اخف من قضاء شوفوا الغلبان ده

[tarek hashem]

بفكر اقلب الجبن كده ده حل الزحمه فى البلد