ادعولي ياجماعه وانا بحمل عربيتي

[Bayomy]

يا جماعه انا الحمدلله حملت العربيه جوه عربيه من بتوع الشحن الجامبو المقفول ومن غير ونش ولا اي حاجه كل اللي عملته اني وقفت العربيه النقل تحت تبه عاليه وحطيت خشب ومشيت بالعربيه لحد مادخلتها بس المشكله كانت في التنزيل لاني وصلت التوكيل متاخر فكان لازم ابيتها طبعا معرفتش اعمل ايه رحت لبنزينه الامارات جابولي نمره ونش حصيره وطلع في الجون بس طبعا شوف بقى المصاريف من طابا للتوكيل 800 جنيه بدخان السواق وطبعا الونش شمطني في 100 جنيه حق التنزيل بس تخيلوا المهم نزلت العربيه وبيتها بعد ما اخدت دورها كانت التاني في الصف المهم روحت ورجعت الصبح الساعه 10 لقيت الباشمهندس مصطفى هو اللي استلمها قلتله ايه الاخبار قالي الماتور هنفكه وهنشوف بس الكلام ده فيه بتاع 4 او 5 ايام المهم سيبتها وطبعا مش هنسى المجهود الجبار اوي اوي اوي اوي اللي عمله معايا توت باشا الكبير قوي قوي قوي اللي بجد طلع راجل محترم بجد ومجهوده الجبار اللي عمله معايا المهم انا لسه ما اعرفش العربيه ايه اللي حصل فيها بس لما اعرف اكيد هبلغكو ومتشكر جدا لكل واح دخل موضوعي ورد عليا يا احلى منتدى مليا ناس محترمين بجد

[M.Nabil]

الحمد لله يا باشا ان العربية وصلت بالسلامة , وان شاء الله تستلمها احسن من الاول.

[ahmad alshaaer]

ربنا معاك وطبعا الاستاذ توت خير دليل وخير معين بعد الله طبعا

[tutankhamoun]

السلام عليكم و رحمة الله و بركاته
تحياتي طبعا لكل من شارك في الموضوع و لكل البروتونيين
و الله يا جماعة أنا ماعملتش غير الواجب
أحنا كلنا أخوات و أكيد لو الواحد في زنقة هايحب يلاقي ناس محترمين زيوكوا يقفوا معاه

و طبعا فيما معنى هذا الحديث
إن الله في عون العبد مادام العبد في عون أخيه ......
و ربنا ما يحط حد في زنقة أبدا أبدا و تبقى سكتنا سالكة إن شاء الله دائما و يحفظنا من الحسد و من شر الطريق

و بالنسبة للعربية إن شاء الله تستلمها على خير يا باشا و كل حاجة تبقى تمام بإذن الله

و السلام عليكم و رحمة الله و بركاته