جين2 اللي في مصر حاليا مافيهاش Abs

[saidbakr]

يا جماعة الجين2 اللي بتتباع في مصر حاليا ما فيهاش ABS او EBD و الكلام ده من خلال بروشور بتاع الجين2 من الموقع الرسمي لبروتون و تقدروا تحصلوا عليه من اللينك دي:

http://www.proton.com/public/media/mediacentre/documents/brochures/Leaflet_NewGen2.pdf

العربية اللي بتتباع في مصر هي بمحرك Campro IAFM و دي من خلال البروشور ما فيهاش ABS و لا EBD اما اللي فيها فهي اللي بمحرك Campro CPS و دي بتبقى هاي لاين و فيها فرش جلد و خلافه و لسة ما نزلتشي مصر.
أي عربية فيها ABS لازم يبقى فيها لمبة ABS بتظهر في التابلوه عند أول تكة كونتاك، و كل واحد يقدر يبص في تابلوه عربيته و تحدي لو شاف اللمبة دي.

[ahmedsiyam]

هههههههههههههههههههههههههه

جامدة دى يا اخ سعيد

عموما سيبك من الموقع لان كل بلد بينزلها مواصفة خاصة و البروشور الرسمى لعز العرب و اللى موجود فى الجرائد بيقول كلام غير اللى انت بتقوله خالص وماعتقدش انهم بقولوا كلام مغاير للواقع

[monmon2010]

لا يا ريس فيها abs انا معايا العربية 2009 والوحدة موجودة جوه ورا البطارية واللمبة موجوده في التابلوه

[ahmedsiyam]

اهو واحد من اصحابها قالك اهوه ياريت تتأكد من الكلام يا ريس قبل ماتتحدى اى حد و الكلام اللى بالك فيه ده

[saidbakr]

اهو واحد من اصحابها قالك اهوه ياريت تتأكد من الكلام يا ريس قبل ماتتحدى اى حد و الكلام اللى بالك فيه ده

معليش سيبك من الكلام اللي بالك، الفكرة كلها اني شوفت بروشور للعربية من موقع شركتها الأم. و معليش يا سيدي، اهو دلوقتي بقت اي حاجة بتنقال، لغاية لما الواحد ما عدشي بيصدق حاجة، زي عم الحاج اللي كان جاي على دريم 2 مع منى الشاذلي و بيقول ان العربيات موش هتنزل اسعارها في مصر و بالعكس هتزيد!!!

و على كل حال، وجود ABS فيها ده شيء يبصطني.

[mazagnge]

يا ابوسعيد لو ها تقرن بين مواصفات النت و بين مواصفات عمو عز ها تتعب
و ان قرنت بين مواصفات دول الخليج و عمو عز العرب ها تتعب أكتر

زي ما ابوصــيام قالك كل بلد بينزل لها مواصفات و فقاً لتقدير الوكيل و اتقاقة مع الشركة الام

و ما تضيقش الناس في عز العرب أول ما العربية نزلت 2009 كانوا بتتباع على انها فيها ABS فقط بدون EBD و اكتشفوا من الناس بعد تكرار السؤال و الاعتراض على الوضع دة و بمراجعه المسئول عن المواصفات مستر / حبيب ان فيها ABS & EBD .... شديدة هاا فكك يا مان و خليها على الله

[saidbakr]

سيبنها على الله يا عم مزانجنجي، و انت تؤمر :)

[ahmedsiyam]

فل يا اخ سعيد و اتمنى انك تكون مبسوط من العربية و ربنا يكرمك و تشترى اللى نفسك فيه

[saidbakr]

انا بصراحة كنت عاوز اخلص الموضوع كله في الشهر ده، لكن المستجدات و الكلام عن هبوط الاسعار، دفعني لتأجيل الشرا و التغيير كمان 4 او 5 شهور لغاية ما نشوف آخرتها ايه؟

[ahmedsiyam]

و الله انا معاك
لان بصراحة شغل النصب اللى عندنا فى مصر بقى مستفز جدا و الاسعار بره بقت فى الرخيص و احنا لسه التوكيلات و المستوردين بيضحكوا علينا و بيبيعوا العربيات بنفس الاسعار القديمة
ياريت الناس كلها تعمل زيك علشان شوية الحرامية اللى عندنا يلبسوا فى الحيط

[ahmad alshaaer]

لا تعليق لا تعليق

[M.Nabil]

اولا ردا على موضوعك يا استاذ بكر هو الموضوع ده كان معمول قبل كده باسم "اين لمبة الABS في التابلوه" http://www.nilemotors.net/Nile/showthread.php?t=50058

واضفت لحضرتك صورة التابلوه ومكان لمبة الABS , انا عارف اني جبتها من عالنت وممكن تكون مقتنعتش علشان هي صورة من النت بس انا منزلتهاش غير لما قارنتها بالتابلوه عندي واتاكدت ان الصورة دي صحيحة, انا حاولت اصورها بالموبايل بص عقبال ما الصورة بتتلقط بيكون التابلوه طفي.

عالعموم ان طبعا اكيد لما تقري حاجة زي دي على الموقع الرسمي للعربية هتقلق, بس يا جدع لازم يكون عندك ثقة اكتر من كده في الاعضاء هنا , ولا ايه ؟؟
ان شاء ربنا يوفقك للاختيار الصحيح ونباركلك قريب.

بالنسبة لموضوع زيادة الاسعار بجد انا كنت من الناس المتحمسة جدا لتاجيل شراء العربية وعمل احتجاج على السوق والاستغلال, بس اللي لاقيته اني بعد ما لفيت في جميع اقسام المنتدي وطبعا شوفت في التوكيلات اللي كنت بروح اتفرج عندهم عالعربيات ان ناس كتير لسه بتحجز.
فكرت ان طول ما الناس دي موجودة هنفضل محتكرين ومفيش تغير هيحصل ولا الاسعار هتقل وانا لو استنيت الاسعار ممكن جدا تغلى باستمرار الناس بشراء العربيات وخاصة المبالغ في سعرها وانا بعد كده هلبس في الحيط.

الشعب ده لو اتحد على قرار واحد عمره ما حد هيقدر يكسرلوا طلب وهيعملولوا اعتبار.

انا اسف انا طولت اوي عليكم بس كان نفسي اقول الكلام ده.

[saidbakr]

اولا ردا على موضوعك يا استاذ بكر هو الموضوع ده كان معمول قبل كده باسم "اين لمبة الABS في التابلوه" http://www.nilemotors.net/Nile/showthread.php?t=50058

واضفت لحضرتك صورة التابلوه ومكان لمبة الABS , انا عارف اني جبتها من عالنت وممكن تكون مقتنعتش علشان هي صورة من النت بس انا منزلتهاش غير لما قارنتها بالتابلوه عندي واتاكدت ان الصورة دي صحيحة, انا حاولت اصورها بالموبايل بص عقبال ما الصورة بتتلقط بيكون التابلوه طفي.

عالعموم ان طبعا اكيد لما تقري حاجة زي دي على الموقع الرسمي للعربية هتقلق, بس يا جدع لازم يكون عندك ثقة اكتر من كده في الاعضاء هنا , ولا ايه ؟؟
ان شاء ربنا يوفقك للاختيار الصحيح ونباركلك قريب.

بالنسبة لموضوع زيادة الاسعار بجد انا كنت من الناس المتحمسة جدا لتاجيل شراء العربية وعمل احتجاج على السوق والاستغلال, بس اللي لاقيته اني بعد ما لفيت في جميع اقسام المنتدي وطبعا شوفت في التوكيلات اللي كنت بروح اتفرج عندهم عالعربيات ان ناس كتير لسه بتحجز.
فكرت ان طول ما الناس دي موجودة هنفضل محتكرين ومفيش تغير هيحصل ولا الاسعار هتقل وانا لو استنيت الاسعار ممكن جدا تغلى باستمرار الناس بشراء العربيات وخاصة المبالغ في سعرها وانا بعد كده هلبس في الحيط.

الشعب ده لو اتحد على قرار واحد عمره ما حد هيقدر يكسرلوا طلب وهيعملولوا اعتبار.

انا اسف انا طولت اوي عليكم بس كان نفسي اقول الكلام ده.

يا باشا شكرا على ردك الجميل، و ثانيا، انا ما اقدرش أكدب حد من الأعضاء الأفاضل، لأنه و ببساطة الموضوع موش محتاج تكديب و لا جدل، لأنه شيء بالفعل زي ما قولتوا موجود في العربية، و على رأي المثل " قالوا الجمل بيطلع النخلة، فقالوا آدي الجمل و آدي النخلة " بس هو زي ما انت قلت اني لما شوفت البروشور بتاع الشركة الأم قلقت حبتين و قلت أشاركم قلقي ده.

أما بخصوص موضوع الأسعار، فيا عزيزي جايز يكون اطلاعك على التوكيللات اطلاع عابر من غير تدقيق، و جايز دي لعبة بيعملوها زي لعبة الكوافيرات " لما بيبقى عندها عروسة و احدة و تدي ميعاد للعريس قبل ما تخلص بساعة علشان يبقى فيه زحمة قدام المحل و الناس تقول دي كوافيره ما حصلتشي "
أعتقد انك تتفق معايا ان سوق المستعمل يعتبر بشكل ما انعكاس لسوق الزيرو و الواقع الملموس ان سوق المستعمل نايم في العسل.

ثم أن الوكلاء موش هيطلعوا علينا و يتكلموا و يقولوا ان الاسعار موش هتنزل بل و هتزيد بعد أكثر من شهرين في الازمة دي، الا اذا كانوا مقروصين فعلاً و السلك بدأ يضربهم او خايفين من الأسوء.

أعتقد إن فيه ناس كتير متمسكة بمبدأ خلوها تصدي سواء كانوا عارفين ان فيه حملة منظمة بالشكل ده او موش عارفين و ماشيين ورا المنطق و العقل.

[tutankhamoun]

السلام عليكم و رحمة الله وبركاته
أولا أهلا بالأستاذ سعيد
أحب أكدلك أن العربية فيها فرامل ABS , و كمان EBD و الكلام ده من بروشور الوكيل المحلي اللي هو عز العرب
و دي صورة من البروشور


بالنسبة للأسعار
أولا أنا شايف أن مصر سوق مختلف شوية و ده أولا لأسباب كتيرة
أن السعر بيتحدد على أساس العرض و الطلب
يعني تلاقي في عربيات في السوق فيها بتاع 10 الاف جنيه زيادة .... ليه ؟؟
علشان موضوع العرض و الطلب
طول ما فيه طلب .............. العرض بيقل ........ السعر يزيد
و لكن فيه عربيات سعرها مش مبالغ فيه فصعب أن السعر ينزل زي ما أحنا متخيلين
يعني أنا شايف أن سعر عربيات بروتون معقول جدا و مش مبالغ فيه و ثابت بقاله بتاع 3 سنين

فشوف أحتياجاتك و أولوياتك .... ووازن الموضوع طبعا .... و ربنا يقدملك اللي فيه الخير
و السلام عليكم

[saidbakr]

السلام عليكم و رحمة الله وبركاته
أولا أهلا بالأستاذ سعيد

...
بالنسبة للأسعار
أولا أنا شايف أن مصر سوق مختلف شوية و ده أولا لأسباب كتيرة
أن السعر بيتحدد على أساس العرض و الطلب
يعني تلاقي في عربيات في السوق فيها بتاع 10 الاف جنيه زيادة .... ليه ؟؟
علشان موضوع العرض و الطلب
طول ما فيه طلب .............. العرض بيقل ........ السعر يزيد
و لكن فيه عربيات سعرها مش مبالغ فيه فصعب أن السعر ينزل زي ما أحنا متخيلين
يعني أنا شايف أن سعر عربيات بروتون معقول جدا و مش مبالغ فيه و ثابت بقاله بتاع 3 سنين

فشوف أحتياجاتك و أولوياتك .... ووازن الموضوع طبعا .... و ربنا يقدملك اللي فيه الخير
و السلام عليكم

يا عزيزي زي ما حضرتك قلت السوق عرض و طلب، و دي قاعدة على جميع الاسواق سواء في مصر او اي مكان تاني في العالم. العالم دلوقتي اصبح شبه سوق واحد فالقاعدة سارية على الجميع و ان اختلفت النسب، فموش معقول ان عربية معينة تنزل في بلد الصنع اكثر من 40% من تمنها و تيجي هنا في مصر و تزيد او ما تنزلشي خالص!!!

هي ممكن تحصل في حالة واحدة، لو ان اقتصادنا خرب على الاخر و نسب التضخم تضاعفت بشكل جنوني، و عند المرحلة دي موش هنكون في حاجة لعربيات، لأننا ساعتها موش هنعرف نركب الا حمير حساوي.