تفصيص الموتور او فتح الموتور - استفسار للمتأكدين فقط -

[ahmad alshaaer]

السلام عليكم اخواني الاعزاء
برجاء عاوز اعرف موضوع تفصيص الموتور او فتح الموتور
شرح ليهم وايه فوائدهم وهل بيأثر على الموتور من ناحية مثلا عمره الافتراضي وكفائته ولا بيفيده
وكمان طريقة عملها ازاي
واتمنى ان اللي يرد يكون متأكد من اجابته بليز
طبعا انا اللي خلاني اسأل في الموضوع ده واحد من الاخوه في التوكيل لما سألته ان الجين 2 الاوتوماتيك اخر سرعه ليها معايا ومع بعض اصدقائي 185 كلم
فرد وقاللي ان الاوتوماتيك دي اخر سرعه ليها والمانيوال في ناس جابت بيها 210 ولكن رد وقاللي فصص الموتور وهو يجيب معاك اكتر من كده
ارجو الافاده تفصيليا والتاكد من المعلومات قبل ذكرهاااا
واشكركم
وطبعا انا مش عاوز حد يمشي بالسرعات دي والسرعه طبعا في طرقنا مش مطلوبه نهائيا ولكن للعلم بالشيء
مستني افادتكم
اخوكم تويتي

[tarek hashem]

اسمها تفصيل السياره مش تفصيصها - هو شكله حافظ مش فاهم ( هى مش برتقاله )
هى بالضبط تلغيم السيارات وزيادة سرعتها بالتفصيل

وتلغيم السيارات مصطلح دارج يطلق على مجال ( تقوية ) أوزيادة سرعة السيارة
مجال تفصيل الموتور مجال يتم به استخراج أقصى قوة ممكنة للمحرك وهو مجال متشعب وله الكثير من القطع التي يتم استخدامها لهذا الغرض و يتم عن طريق تركيب بعض القطع في السيارة لتزيد من سرعتها.
وهناك ثلاثة اشياء رئيسة في السيارة يتم عن طريقها التلغيم او التفصيل:
A- ميكانيكا المحرك
B- الكهرباء
C- الهواء . مدخله ومخرجه اللازم لتشغيل المحرك
ولكل نوع من هذه الانواع الثلاثة اسلوب تلغيم خاص مستقل وقطع تخصه كثيرة . اذكر بعض الامثلة المتعلقة بكل مجال .

A - قطع الميكانيكا .

1 - الكامات - وهي تتعلق بحركة البلوف ويتم استبدالها بكامات رياضية تزيد من سرعة حركة البلوف وبالتالي زيادة السرعة ( مع مراعاة تغيير بكرة الكامات لتتحمل السرعة الزائدة ) .
و يكون هناك أثر على المحرك والقطع الميكانيكية نسبة تأثر المحرك بها أكبر من قطع الكهرباء والهواء .
ولكنه بالطبع ليس ذلك الأثر الذي يجعل المحرك ( يخبط )

2 - الطنابير - وهي أربع طنابير يتم تركيب طقم رياضي يزيد من سرعة دوران الطنابير وبالتلي زيادة سرعة السيارة .
وهى ايضا لها اثر على المحرك على المدى الطويل .

B - قطع الكهرباء .

1 - الكويلات وهي ما يغذي البوجيهات بالكهرباء كلما زاد عددها زادت الكهرباء المغذية لكل بوجي ويتم استبدال كويلات السيارة الأصلية بكويلات رياضية تزيد من الكهرباء المغذية للبوجيهات وبالتالي تزيد سرعة السيارة .

لست متأكدا من ثأثير الكويلات على المحرك ولكن البعض ينفي أثرها على المحرك إذا ركبت بخبرة وعلم عميق ودراسة وحساب دقيق لما يتحمله المحرك ، والبعض يأخذ بقاعدة أن كل ما يغير من القطع الأصلية يأثر على المحرك لأنه صمم على آلية سرعة معينة يفرض عليها عمر افتراضي للسيارة وأن أي طاقة زائدة على المحرك تنقص عمره الافتراضي

2 - البوجيهات . و منها ( ذات الرئسين المزدوجة والثلاثة رؤوس المزدوجة ) إلا أن أثر البوجيهات قليل جدا ولا يعد من قطع التلغيم ذات الفعالية أما التكهن بعدد الأحصنة التي تعطيها فلا يمكن حسابه بدقة ، إلا أننا إذا قمنا بالتخمين جزافا فلا تزيد في أفضل أنواعها عن ثلاث أحصنة .
وليس للبواجي الرياضية أثر على المحرك لأن نسبة الزيادة التي تعطيها ضئيلة وهي تحسن من أداء المحرك .

C - قطع الهواء .

1 - الفلتر و الأكزست و الكنداسة مسارات دخول وخروج الهواء
تغيرهم بقطع رياضيه فكلما زاد الهواء الداخل إلى المحرك وزاد تصريف الهواء الخارج من المحرك زادت كمية الهواء المترجمة إلى حركة وبالتالي زادت سرعة السيارة .
وتكون زيادة قليلة لاتكاد تذكر علاوة على ماتسببه من صوت مزعج . ولكن لا اثر لها على المحرك .
والله اعلم
ملحوظه علشان ابقى خلصت ذمتى من ربنا
يجب ملاحظة أن القطع التي ستركب ينبغي تغيير كل ما يتعلق بها وإلا ربما يؤدي ذلك إلى انفجار المحرك أو اشتعاله.:k40:

[tutankhamoun]

السلام عليكم و رحمة الله و بركاته
تحياتي للجميع ( الأستاذ أحمد تويتي - أحمد الشاعر و الأستاذ megdb109 )
أنا لي رأي هنا في الموضوع ده
الأستاذ megdb109 شرح حاجات جميلة و فنية و دقيقة قوي

و لكن أنا عايز أقول حاجة مهمة
لكل سيارة قوة تحمل و قوة التحمل هذه تم قياسها عند سرعة معينة
يعني لما الشركة الصانعة تقول أقصى سرعة للمانوال 190 و الأوتوماتيك 185
يبقى هي دي السرعات اللي العربية ممكن تجيبها و تكون أجزائها الميكانيكة في سلام و أمان عند التشغيل ( و لا يمكن يكون البني آدم داخلها في أمان أبدا عند هذه السرعات و حتى لو على حلبة سباق )

أنا أقصد أن الأجزاء الميكانيكية و الفرامل و الكاوتش و مقاومة السيارة للهواء تم تصميمها لمقابلة هذه السرعة فقط و ليس لفترات طويلة أيضا و مش الجين 2 بس و لكن أي سيارة
السرعات العالية دي بتقلل العمر الأفتراضي لجميع أجزاء السيارة نظرا للأحتكاك الشديد داخل المحرك و ما بين الكبالن و الأكسات و كل الأجزاء الميكانيكية
بالاضافة للإستهلاك العالي للوقود ...... إستهلاك مش عالي بس ..... أستهلاك سفاح
موتور بيدور على سرعة 6000 لفة - دقيقة و كمان بيقابل هواء و لازم يقاومه بالاضافة لوزن السيارة و الأحتكاك مع الأرض = إستهلاك عالي للبنزين = إستهلاك الأجزاء الميكانيكية أسرع من اللازم = حوادث محتملة بنسبة كبيرة جدا = إنقلاب محتمل للسيارة بنسبة عالية جدا = قلة تحكم في السيارة بنسبة عالية أيضا

بالاضافة ان التعديلات دي هاتخرج العربية من الضمان
و ربنا يستر طريق الناس جميعا
في التآني السلامة و في العجلة الندامة
و دائما العجلة من الشيطان

[ahmedsiyam]

الله ينور يا توت

[tarek hashem]

انا بس برد على سؤال للافاده وانا من انصار عدم اللعب فى العربيه لدرجه ان انا مبعلقش حاجه فى المرايا لانهم مش حطين ذراع لتعليق الاشياء
ومبعديش ال 110
ولو تلاحظوا ان انا ذكرت العيوب وتلاضرار اللى التلغيم بيعملوا فى الموتور
انا بس كنت عايز الافاده طالما عارف معلومه لان المنتدى مبيبخلش علينا بحاجه
مشكورين

[M.Nabil]

بجد موضوع جميل جدا, واشكرك يا tweety26980 لاثارة الموضوع وشكر للاستاذ megdb109 على الرد المفصل والدقيق عالموضوع.

طبعا استاذ توت طبعا كلامه 10/10 مضبوط 1000000%.

هو الموضوع ده للنقاش وتقديم معلومة جديدة كتير جدا ميعرفوهاش.
واللي حابب يعمل تفصيل للموتور عنده كده الطريقة والاضرار والنصيحة.

[ahmad alshaaer]

تمااااااام واشكركم جميعا
واللي خلاني اطرح الموضوع ان واحد قللي ان تفصيص الموتور - تفصيله - ماكنتش اعرف المصطلح طبعا وشكرا للاستاذ mbg-
انك تدوس على دواسة البنزين وهي العربيه واقفه على الاخر والار بي ام يعدي ال7000 لفه وتسمع صوت الموتور
وده كان هدفي
واشكركم جميعااا

[aapaap855]

thanks megd

[formoza]

انا من انصار عدم اللعب فى العربيه, اكيد المصنع مطلع اكفاء امكانيه للسياره

[magedomran]

thank you megd and you tout basha