حسبى الله و نعم الوكيل فى توكيل عز العرب

[bold_eyes903]

السلام عليكو يا أعضاء نيل موتورز الكرام
قمت بشراء البروتون جين 2 بناء على ترشيحات الأخوة الأعضاء فى نايل موتورز و اعجابى بهذه السيارة , قمت باشراء يوم 28/7/2008 و عند شرائها سألنى مسئول البيع (أستاذ محسن صالح) اذا كنت اريد التأمين على السيارة ضد الحوادث ام لا و ذكر لى ان امامى اختيارين اما التأمين مع شركة تأمين مثل الجمعية لمصرية و دفع 1.6% من ثمن العربية كقسط تأمين سنوى وفى هذه الحالة اذا وقع حادث للسيارة اقوم باصلاحها على حسابى و بعد كدة يتم استخراج شيك لى , او التأمين مع التوكيل ب2.5% وفى هذه الحالة اذا وقع حادث للسيارة يتكفل التوكيل بالاصلاح وبعد كدة برجع هو على شركة التأمين وقولت اريح دماغى و اتعاقد على التأمين مع التوكيل و قد كان
و فى 6/12/2008 تعرضت سيارتى لحادث نتج عنه خرم فى كارتيرة الزيت و تانك البنزين و عوامة تانك البنزين , وقع الحادث فى 6 اكتوبر بجانب بنزينة اون ذا ران فنصحنى اصحاب البنزينة بحمل السيارة على ونش الى التوكيل و قد كان واستلموا فى التوكيل السيارة الحراس وكان هذا قبل العيد بيومين و الدنيا كلها اجازة, بعد العيد توجهت الى التوكيل حيث استقبلنى مسئول الصيانة الباشمهندس وجيه وذكرت له انى مأمن على السيارة مع التوكيل و انهم لابد ان يقوموا بالاصلاح بناء على تعاقدى مع التوكيل, طمأنى الباشا و قالى حضرتك العربية تبعنا وكلمنى علشان اتابعك و اقولك امتى تيجى تستلم العربية , طبعا انا فرحت و صدقته, تانى يوم بكلم الباشا يقولى اسف يا بيه دا نزل قرار ان اللى مأمنين مع التوكيل تبع الجمعية المصرية يحاسبوا التوكيل زى اى زبون عادى و بعد كدة نطلعلهم شيك على الجمعية زى اى عميل عادى عند الجمعية ولا كأنى مأمن مع التوكيل, يعنى يا جماعة التوكيل ضرب الفرق بين 1.6% و 2.5% فى جيبه و كمان حيخلينى ادفع زى اى زبون عادى بسعر التوكيل الغالى نار, طالبين منى 4250 جم علشان تغيير كارتيرة زيت و تانك بنزين و عوامة فى مقابل شيك من الجمعية المصرية انا اعلم جيدا انه ملوش لازمة لأن اجمعية المصرية فلست ورئيسها فى السجن لأنى بشتغل فى بنك وعارف ان الشيك دا بدون رصيد, ان عايز تعليق اعضاء نايل موتورز الكرام خصوصا الاخ توت عنخ امون على المهزلة دى نصب و احتكار توكيل عز العرب

[tarek hashem]

العقد شريعه المتعاقدين ولو فيه ورق بينك وبينهم لازم ينفذوا التعاقد او ارفع قضيه عليهم
بس ده كله واقف على الورق اللى معاك
وربنا يوفقك

[ahmad alshaaer]

انا عموما مش مع موضوع التأمين ده ياجماعه
وبعض الشيوخ حرموه فعلا
وانا واحد من الناااس مش مأمن وسايبها على الله
احسن من الدنيا ومافيها
وربنا يسترها علينا اجمعين

[abn7amido]

وأنا أؤيد كلام الاخ tweety
100%
التأمين حرام يا جماعة عشان عقده عقد غرر.
و شركات التأمين غرضها الاساسى الكسب من وراء التأمين و تضييع حقوق المأمن على قدر ما يستطيعوا
و خير دليل شركة AIG الأمريكية.

[bold_eyes903]

يا جماعة , اولا شكرار على ردودكم, ثانيا احب اوضح ان التأمين دا كان عليا اجبارى علشان انا مقسط مع البنك بتاعى , وبالنسبة للورق, انا معايا ايال من عز العرب بانى دافع ليهم 2200 جم قيمة تأمين عربية جين 2 وو ثيقة التأمين المستخرجة من الجمعية لصالح عز العرب

[bold_eyes903]

انا كنت عايز اعرف اسعار قطع الغيار دى صح ولا مبالغ فيها, كارتيرة زيت الفتيس ب 450 , تانك البنزين ب 1385 , و العوامة ب 1250 ؟؟؟

[khpopo]

انا من رايى لومعاك البوليصة فيها الكلام دة والتصليح بدون مقابل او بشيك بعد الاصلاح والمعاينة لازم تشتكى فى الرقابة على التامين وبعد منهم حماية المستهللك وهاتاخد حقك انشاالله لان دةةة استهبال شركات تامين ودة حقك مش جباية منهم
ربنا يوفق

[ahmedsiyam]

نا من رايى لومعاك البوليصة فيها الكلام دة والتصليح بدون مقابل او بشيك بعد الاصلاح والمعاينة لازم تشتكى فى الرقابة على التامين وبعد منهم حماية المستهللك وهاتاخد حقك انشاالله لان دةةة استهبال شركات تامين ودة حقك مش جباية منهم

انا مع رايى الاخ الفاضل و كلام مظبوط 100%

[aapaap855]

حسبي الله ونعم الوكييييييييييييييييييل

[MohabSaeed]

1- اشتكى لهيئه الرقابه على التأمين و قدم صور من عقد التأمين الى معاك
2- اشتكى لجهاز حمايه المستهلك ضد توكيل عز العرب ... لان الى بيعمله ده يعتبر اخلال لشروط التعاقد الموقع مابين حضرتك و مابينه" عز العرب " .
3- حاول تقابل م احمد عبد الحميد . مدير صيانه عز العرب و تشرحله الموقف كاملا . الراجل ده فعلا محترم جدا و اكيد يقدر يساعدك .
4- لو جميع الحلول بائت بالفشل . اعمل عليهم حمله صحفيه فى كل الجرائد و مواقع الانترنت , و زى ماحضرتك عارف الجرائد مابتصدق تلاقى خبر زى ده علاشان تعمل بيه قصه كبيره و شوشره .... و اعتقد التوكيل فى غنى عن كل هذا الكلام .

حضرتك ابدأ بأول خطوتين مع بعض و بعد كده ارجع ل م - احمد عبد الحميد ... شوف حيقول ايه
و بالتأكيد تمسك بحقك و هدد باللجوء الى وسائل الاعلام لو المشكله لم تحل .

و ياريت تقولنا على الاخر الاخبار دايما علاشان نبقى على علم بالموضوع .

[tutankhamoun]

[QUOTE]السلام عليكو يا أعضاء نيل موتورز الكرام
قمت بشراء البروتون جين 2 بناء على ترشيحات الأخوة الأعضاء فى نايل موتورز و اعجابى بهذه السيارة , قمت باشراء يوم 28/7/2008 و عند شرائها سألنى مسئول البيع (أستاذ محسن صالح) اذا كنت اريد التأمين على السيارة ضد الحوادث ام لا و ذكر لى ان امامى اختيارين اما التأمين مع شركة تأمين مثل الجمعية لمصرية و دفع 1.6% من ثمن العربية كقسط تأمين سنوى وفى هذه الحالة اذا وقع حادث للسيارة اقوم باصلاحها على حسابى و بعد كدة يتم استخراج شيك لى , او التأمين مع التوكيل ب2.5% وفى هذه الحالة اذا وقع حادث للسيارة يتكفل التوكيل بالاصلاح وبعد كدة برجع هو على شركة التأمين وقولت اريح دماغى و اتعاقد على التأمين مع التوكيل و قد كان/QUOTE]

السلام عليكم و رحمة الله و بركاته
أخي الكريم أسف على التأخر في الرد و خصوصا أنك طلبت تعليقي و رأيي في الموضوع
أنا شايف أن الأخوة ( حسبي الله و نعم الوكيل فيهم ) مندوبون البيع سيئون

أنا هاحكي اللي حصل معايا
تم عرض موضوع التأمين علي برضه و لكن لم يتم عرض نسب مختلفة للتأمين
كل ما تم عرضه أن أقوم بالتأمين طرف التوكيل على أن يكون الوكيل هو الطرف الوسيط ما بيني و ما بين شركة التأمين اللي هي كانت الجمعية اللي في حالة يرثى لها دلوقتي

كل الكلام اللي أتقال لي أن لا قدر الله في حالة حدوث أي مطالبات تأمينية أن أتصل بالتوكيل مباشرة و هم سيقومون بكل شئ.
و لكن بما أني لم أقوم بأي مطالبات تأمينية حتى فترة نهاية التأمين على سيارتي فلم أحصل على أي خبرة أو معرفة بخصوص هذا الموضوع .

بس أنا بيتهيألي أن التوكيل عمل معاك كدا لأن شركة الـتأمين واقعة و ممكن يكون إمكانية التحصيل منها صعبة علشان كدا قالولك كدا في التوكيل
بس أنا مع رأي الأستاذ مُهاب أنك تكلم الناس في التوكيل و تفهمهم على الوضع الأول و ما تم قيله لك من قبل رجال البيع
و ما حدث بالفعل في الورشة
و إن شاء الله توصل لحل سلمي معاهم بدون مشاكل
و ربنا يوفقك و يحللك مشكلتك

[werewolf]

السلام عليكم جميعا
طيب انا في نفس الموقف ده حاليا
انا كنت اشتريت جين 2 (استلام شهر 4 2008) تبع بنك وطبعا لازم التأمين.. والبنك قالي هأمنلك قلت لأ اعمل التأمين تبع عز أحسن مع انه كان اغلي (2.5%) تقريبا..بس انا قلت اريح نفسي من موضوع الشيكات ده...والتوكيل يبقي هو المسئول علي حسب كلام مندوب المبيعات في عز العرب ودلوقت العربية مخبوطة وهتتكلف 3500 علي الاقل وهم في عز العرب رافضين وبيقولوا ان العميل بيتحمل التكلفة ويتصرف مع شركة التأمين وطبعا مع الحمعية مش هتشوف فلوسك دي تاني..بمعني اصح خلعوا وخصوصا ان هم مش خسرانين حاجة... حد حصله الموقف ده..وتصرف فيه ازاي؟؟؟

ايه رأيك يا أ/توت ؟؟