محتار مع صيانه الالف الاخوه الخبراء ارجو الرد السريع

[husseinodeba]

اولا السلام عليكم
انا كنت محتاج اعرف بالنسبه لصيانه الالف كيلو انا لازم اروح التوكيل عند ال1000 بالظبط ولا ممكن اروع عند ال2000 لان انا عربيتى فى مدينه دهب وعامل 800 وعشان اخلص الرخصه وارجع القاهره هكون حوالى 1800
الصح ايه ؟
1-ارفع العربيه على ونش واحافظ على العداد الف
2- ادخل صيانه الالف والعربيه عاده 1800
وهل بكده اكون كسرت الضمان ؟
اعتذر لتكرار المشاركه

[shery2000]

لا طبعا عادي جدا
روح الوقت الـ يعجبك و الكلو متر الـ يعجبك - لكن بقدر الامكان متكترش عن كده لان الزيت محتاج يتغير و ده مهم جدا جدا
لكن بالنسبة للتوكيل محدش هيتكلم - و طبعا ملهوش دعوه بالضمان - الضمان ساري
اطمن - دي عربيتك - مش من حق حد انه يحاسبك
انا عملت صيانة الـ 1000 و كان العداد 1250 في المركز الـ خلف مسرح البالون في العجوزة - ما حبتش اروح مركز ابو رواش لانه ممكن يكون زحام - و الموضوع كله عبارة عن تغيير زيت و فيلتر

[ahmedsiyam]

و لا هاتكسر ضمان و لا حاجة و عادى جدا

ممكن لو انت تعرف تتصرف فى فلتر و حد يبعتهولك مثلا بالسوبر جيت او باى وسيلة اخرى و تغير زيت عندك و ابقى ارجع اعمل الصيانة براحتك

لا تقلق يا اخى الفاضل و الناس بالنسبة لموضوع الضمان فهم محترمين فوق الوصف الصراحة

[aapaap855]

وانا في آخر صيانة جت واحدة عاملة 3000 ومكنتش عاملة صيانة الالف ومحدش قلها حاجة

[husseinodeba]

الف شكرعالى الردود المطمئنه
وإن شاء الله اخلص من صيانه الالف دى على خير

[hadota_masreya]

حسين باشا
سلام عليكم
أنا الحمد لله عملت صيانة الالف فى المركز اللى خلف مسرح البالون الاسبوع اللى فات و كان العداد عامل 1850
اهم حاجه انك تطمن على لزوجة الزيت و مستواه - بالذات قبل ماتطلع من دهب - بس باذن الله الدنيا تمام ماتقلقش يعنى - انا كنت قلقان برضه لما رحت لكن لقيت الدنيا بييييس

ربنا يديك خيرها و يكفيك شرها

[husseinodeba]

الف شكر يا حدوته باشا
انت فعلا طمنتنى
ان شاء الله هحاول اكون ابل ال 1800 فى التوكيل
الف شكر مره تانيه

[hadota_masreya]

يا باشا العفو و توصل و تعمل الصيانه بالسلامه ان شاء الله
بس خد فى اعتبارك تروح بدرى علشان تخلص بدرى و ماتلاقيش زحمة ان شاء الله