الـ سى دى معلق .. برجاء الافاده

[gagareen]

سلامى للجميع

امبارح وانا راجع البيت باليل كنت مشغل سى دى اصليه وركنت علشان انزل اشترى حاجه وبطلت العربيه من غير ما اطفى السى دى ..عادى وعملتها كتيير .. المهم لما رجعت ودورت العربيه علشان امشى السى دى مونيتور ادت قرايات غريبه كده وراحه معلقه ..
حاولت اطفى واشغل برده معلق .. عملت eject للاسطوانه ماخرجتش .. دورت العربيه وبطلتها لما روحت وركنت وطعلت المفتاح .. برده انوار الكاست منوره ومش بتطفى ومافيش اى حاجه عايزه تتعمل فيها والراديو طبعا ماشتغلش
طلعت البيت وسيبتها لغايه انهارد الصبح وهى كده وكنت خايف انزل الاقى البطاريه نايمه .. بس الحمد لله دارت عادى الصبح وما زال النور بتاع الى سى دى منور وهى جوه ومش عايزه تخرج

افيدونى يا اخوانا اعمل ايه واروح فين

[MohabSaeed]

حاول تعدى على توكيل كلاريون - بلابونكت و هما يشوفو المشكله فين .

عموما قبل ماتروحلهم افتح الكتيب الخاص بالسى دى و دور لو فى طريقه تعمل بيها "REST "للسى دى ..لانى اعتقد ان المشكله مشكله فريم وير ... حتى لو السى دى علق جوه الجهاز حيطفى عادى جدا .
ماتقلقش ان شاء الله الموضوع بسيط .

[bassem.naguib]

ممكن تشيل كابل البطارية .. وتركبه تاني .. وشوف ايه اللي حيحصل

[gagareen]

الف شكر ليك يا مهاب ..بس هو توكيل كلاريون فين مكانه بالضبط انا كنت قرأت هنا قبل كدا انه فى شارع احمد عرابى ..ياريت حد يوصف المكان فين؟

[m_marmoush]

المفروض أن الكهربا بتقطع عن الكاسيت لما بتشيل المفتاح, غريبه أنه كان شغال والمفتاح بره, عليك وعلى التوكيل بتاع الكاسيت

[gagareen]

ممكن تشيل كابل البطارية .. وتركبه تاني .. وشوف ايه اللي حيحصل

الف شكر لحضرتك ... ممكن اجربها بس مش دلوقت ولو مافيش حلول تانيه لانى معرفش ده له تأثير على حاجه تانيه ولا لا

[KingMu]

الموضوع مش محتاج توكيل يا باشا
حصلى نفس الموضوع تانى يوم بعد ما استلمت العربيه
افتح الكبوت وشيل كابل البطاريه وركبه تانى هتلاقى الكاسيت اشتغل عادى
ومتخافش ملوش تاثير على اى حاجه

[ringoo84]

ولو موش عايز تفصل البطاريه شوف فالمانيول بتاع العربيه علبة الفيوزات وشيل الفيوز بتاع الكاسيت وركبه ثاني علشان تضمن ان مفيش حاجه ثانيه تتأثر وان شاء الله يشتغل ...........

[gagareen]

الموضوع مش محتاج توكيل يا باشا
حصلى نفس الموضوع تانى يوم بعد ما استلمت العربيه
افتح الكبوت وشيل كابل البطاريه وركبه تانى هتلاقى الكاسيت اشتغل عادى
ومتخافش ملوش تاثير على اى حاجه

الف شكر ليك يا باشا ربنا يطمنك يا رب .. طبعا اكيد حافصل الطرف الموجب

[gagareen]

الموضوع مش محتاج توكيل يا باشا
حصلى نفس الموضوع تانى يوم بعد ما استلمت العربيه
افتح الكبوت وشيل كابل البطاريه وركبه تانى هتلاقى الكاسيت اشتغل عادى
ومتخافش ملوش تاثير على اى حاجه

مش ممكن يا جماعه ايه الخبرات دى كلها ما شاء الله عليكوا
دا انا كده معرفش حاجه فى اى حاجه
على العموم الكلام مؤجل لحين التجربه
الف شكر

تحياتى

[gagareen]

ولو موش عايز تفصل البطاريه شوف فالمانيول بتاع العربيه علبة الفيوزات وشيل الفيوز بتاع الكاسيت وركبه ثاني علشان تضمن ان مفيش حاجه ثانيه تتأثر وان شاء الله يشتغل ...........

الف شكر لحضرتك وغالبا دى اول حاجه حفكر اعملها

تحياتى

[MohabSaeed]

توكيل كلاريون فى شارع احمد عرابى - المهندسين . بعد محطة بنزين شل بحوالى 100 متر فى نفس الصف .
بس انا رأيى تجرب الاراء الى الاخوه قالو عليها . و ان شاء الله مش حتحتاج تروح اى مكان .

[gagareen]

بعد البحث والمداوله وسماع اقوال الشهود وعمل التحريات اللازمه تبين الاتى:

1- بالبحث فى الكتالوج تبين ان علبه الفيوزات - الداخليه - واللى فيها فيوز الكاسيت مش موجوده تحت التابلوه فى الجانب اليمين زى ما هو مرسوم ..وطلع عينى لغايه مالاقيتها بالصدفه فى الجنب اليمين
2- بالبحث فى الكتالوج عن تغيير الفيوز ....تبين انك لازم تستخدم المشبك اللى موجود فى علبه الفيوزات داخل المحرك وتستعمله فى فك الفيوز الداخلى
3- بعد فك الفيوز الداخلى المعنى بالكاسيت .......... لم يتم فصل النور بتاع الكاست او حدوث اى جديد
4- وعليه قمت بالتوجه لغرفه المحرك لفصل كابل البطاريه - الموجب - بمفتاح 10 والذى نتج عنه فصل كل شىء منور .. حتى نور الشارع
5- تم ربط الكابل بعد حوالى 30 ثانيه بنفس المفتاح طبعا
النتيجه:
تم عمل السى دى بطريقه صحيحه والراديو كمان ..وتبين براءه المصنع من التقصير فى هذا السى دى أو المساس باى شىء يمس الجميله الجين2
الانطباع.. !!!
بعد سؤال الشهود تم حل المشكله فى خلال ساعتين بعد ما روحت ..وطبعا ساعتين كتيير بس ده لانى كنت بدور على الفيوز

رفعت الجلسه

[M.almaghraby]

mabrook ya man 3al kaset eli itsala7


bs eh ra2yak fel blaupunkt ka makra


3ashan ana bafakar ageeb persona isA we ba7ib asm3 cassete kteer...merci
hwa fe mp3 or not??thanx

[MohabSaeed]

مبروك البراءه " قصدى نجاح الفكره ":-)