عايز اشتري جين2 بس قالولي استني الاسعار هتنزل

[hism8hme]

حقيقي الكلام ده؟ يعني استني شويه كمان الاسعار تنزل ولا اروح ادفع تمنها ولا ايه؟؟ كل ما اكلم حد يقولي الاسعار هتنزل ومش عارف لو هتنزل هيبقي علي امتي؟

وسمعت كمان انها بعد كده هتتقفل في مصر

ياريت يا جماعه لو حد يعرف يفيدني

[sir_ziad]

بص يا ريس بالنسبة للأسعار : محدش في مصر عارف هتنزل و لا لأ بس المؤشرات العالمية كلها بتقول انها هتنزل
اما بالنسبة انه هتقفل : لأ اطمن ده في كلام على اتفاقية بين مصر و مالزيا لتقفيل البروتون في مصر.
بالتوفيق ان شاء الله

[eljokar8]

بصراحه الموضوع ده تاعبنى انا كمان ومش عارف اعمل ايه ياريت يا جماعه كلنا نتكلم فى الموضوع ده الموضوع مهم اوى اصل دلوقتى العربيه مثلا 91000جنيه ولسه شاريها انام واصحى القى العربيه بقت مثلا ب70000الف ده الواحد ممكن يموت فيها.

[eljokar8]

[mino]

اولا الاسعار لو كانت هتنزل في مصر كانت نزلت من زمان لان بعد الازمة الاقتصاديه اللي حاصله علي مستوي العالم سعر 90% من السلع نزل

في امريكا مثلا سعر البنزين نزل من 4 دولار ال 4 لتر ل 1 دولار و نصف تقريبا

في مصر ماشيين ب مبدأ اللي بيطلع ما بينزلش تاني
مثال اسعار الشقق
و لو في حاجة رخصت اكيد مش هتنزل من 90 الف ل 70 الف

[Busquets]

مافيش حاجة بتنزل 20 الف مرة واحدة!! ليه يعنى هو التوكيل بيكسب فيها كام!! اخر 5 تلاف جنية دا لو مش اقل

يعنى اقسى خصم ممكن تشوفه 2 او 3 دا لو حصل نقصان

[gagareen]

ممكن الاسعار تنزل وممكن ماتنزلش
ولو نزلت مش عارفين امتى
لو تقدر تستنى لمده غير معلومه وسعر غير معلوم يبقى استنى
وبرده حسب ظروفك واحتياجك للعربيه

بالنسبه انها حتتجمع فى مصر .. وطبعا مش مؤكد .واصلا لسه بدرى على الكلام ده انه يتنفذ واول عربيه مش حتبقى قبل سنتين لغايه ما يتم تجهيز المصنع للخطوط الجديده واستيراد المعدات وتركيبها واستيراد مكونات السيارات نفسها وتدريب العماله

وكمان بروتون اتفقت من حوالى شهرين على تجميع الجين2 فى ايران اللى هى بتجمع الويرا .. يعنى الاتفاق مع مصر لسه حياخذ وقت ويمكن ما يحصلش

تحياتى

[MohabSaeed]

اعتقد " والله اعلم " ان اسعار عربيات بروتون " الزيرو " مش حترخص
1- لان التوكيل مش بيستورد منها كميات كبيره
2- معندوش مشكله فى المبيعات العربيه من الاساس بتتباع لوحديها
3- هى من الاساس كان سعرها منافس جدا لاى عربيه فى فئتها


الى ممكن يحصل انه ينزل عروض للصيانه مثلا او ماشابه لكن انخفاض بمعنى انخفاض ... معتقدش .

بس عموما لو انتا مش مستعجل ... استنى مين عارف .

[wael2008]

موضوع الاسعار تنزل دي حاجة مستحيلة في مصر طبعا
تاني حاجة ناس كتيرة بتشتري عربيات زيروا ايه الي هيخلي التوكيلات تنزل سعر حاجة والناس اصلا بيشتروها وعليها اقبال ؟؟

بالنسبة لموضوع تتجمع في مصر انا بنصحك انك تشتريها دلوقتي تجميع ماليزي احسن من تجميع مصري طبعا .. لان لو اتجمعت في مصر هيكون فيها مشاكل ملهاش نهائية في التجميع والتقفيل
زي الانوس مثلا الناس بتفضل موديلات 99 لانها كوري عن موديلات 2008 لان تجمعها مصري

ومثال تاني مثلان النيسان صني الي بتتجمع في مصر بسمع عيوب كتير جدا سواء في التجميع وا الدهان بتعها وغيرها وممكن تتاكد بنفسك في القسم الخاص بيها . وعلى فكرة كان معيا نيسان صني موديل 2004 في دبي انضف الف مرة من الي هنا
في مصر -- اما الجين تو سواء هنا في مصر او دولة تانيه هتكون بنفس الجودة والامكانيت بس لو هتتجمع في مصر هتقل كتير قوي
والموضوع ده يرجعلك في الاول والاخر

[tutankhamoun]

السلام عليكم
في عربيات في السوق الوكيل بيسكب فيها مبالغ خيالية و أغلب التوكيلات دي يابانية
إنما فيه عربيات مكسبها مش كبير زي البروتون عموما علشان أصلا هي سعرها منافس زي ما الأستاذ مُهاب قال بالظبط
و الله أعلم أنا لا أعتقد أن البروتون ممكن تنزل كتير
يعني ممكن بالكتير قوي بتاع 5 الاف جنيه و لا حاجة
و الله أعلم برضه بكل شئ
أنا شايف ان التوكيل " عز العرب "
بيعمل تخفيضات حلوة في السيتروين و البي ام مثلا .... علشان هامش الربح فيهم يسمح بالتخفيضات
إنما البروتون .... هامش ربحها مش كبير
و الله أعلم مرة تانية
و في رأيي لو أنت متردد ........ أنتظر و الأيام سُتظهر كل شئ
ربنا معاك

[hism8hme]

طب معلش ممكن سؤال تاني؟

دلوقتي انا هجيب العربيه دي بالنص مع والدتي وهي عايزه تجيب ال getz وعارفه واحده زميلتها في الشغل عامله نفسها بنت عز العرب وعماله تفتي وتقولها الجين 2 اسعار قطع غيارها غاليه وتيل الفرامل بتاعها مش حلو وفراملها مش حلوه والعفشه اي كلام وكلام ده كتير

عايز ارد عليها عشان اسكتها شويه بس عشان انا ما افهمش في العربيات اوي ولا في الاسعار بتاعة قطع الغيار مش عارف ارد

ياريت بجد حد يفيدني

[tutankhamoun]

طب معلش ممكن سؤال تاني؟

دلوقتي انا هجيب العربيه دي بالنص مع والدتي وهي عايزه تجيب ال getz وعارفه واحده زميلتها في الشغل عامله نفسها بنت عز العرب وعماله تفتي وتقولها الجين 2 اسعار قطع غيارها غاليه وتيل الفرامل بتاعها مش حلو وفراملها مش حلوه والعفشه اي كلام وكلام ده كتير

عايز ارد عليها عشان اسكتها شويه بس عشان انا ما افهمش في العربيات اوي ولا في الاسعار بتاعة قطع الغيار مش عارف ارد

ياريت بجد حد يفيدني

بُص أنا مش هاقدر أفيدك في أسعار قطع غيار الجيتز
و لكن هاقدر أفيدك في حاجة مهمة قوي قوي عن الجيتز
العربية دي فيها عيب خطير
عربية خففة و صغيرة
و موتورها قوي
=
ثبات يعني صفر فوق 90 ...... العربية أصغر في الحجم عن الجين 2 و شنطتها أصغر


الجين 2 ثبات و اتزان فظيع ..... رائع .....ممتاز

بالنسبة لتيل الفرامل
فيه ناس فعلا أشتكت منه و بيقولوا أن أخره معاك 15 ألف كم
بس برضه حسب أستخدامك
أغلب اللي بيسوقوا الجين 2 شباب صغير في السن و إستخدامهم للعربية مش كويس ...يعني سرعات عالية ( فاكرين نفسهم راكبين فيراري ) و طبعا مع السرعات العالية و إستخدام الفرامل كتير لازم الفرامل تُستهلك

إنما العفشة ممتازة و باقي القطع الميكانيكية ممتازة
و يوجد بعض العيوب في التقفيل و كلها حاجات بسيطة و نسبة قليلة قوي اللي بيظهر معاه حاجة جامدة

إنما بصراحة .... الجيتز .... مش حلوة أنا عندي الفيرنا أحسن منها
لأنها أوسع و أثبت شوية مع أن الفيرنا برضه مش ثابتة بس أثبت من الجيتز

لو عايز حاجة في حدود المبلغ ده و والدتك مش عاجبها الجين 2
عندك النيسان صني .... و الكيا ريو .... و الهوندا سيتي القديمة ...و الهيونداي أكسنت


و بالنسبة لأسعار الجين 2 ..... في التوكيل فعلا أسعار قطع غيارها مش رخيصة بس أعتقد أن أسعار قطع الغيار الأصلية في أي توكيل بتكون غالية و مش الجين 2 بس

[mazagnge]

السلام عليكم
في عربيات في السوق الوكيل بيسكب فيها مبالغ خيالية و أغلب التوكيلات دي يابانية
إنما فيه عربيات مكسبها مش كبير زي البروتون عموما علشان أصلا هي سعرها منافس زي ما الأستاذ مُهاب قال بالظبط
و الله أعلم أنا لا أعتقد أن البروتون ممكن تنزل كتير
يعني ممكن بالكتير قوي بتاع 5 الاف جنيه و لا حاجة
و الله أعلم برضه بكل شئ
أنا شايف ان التوكيل " عز العرب "
بيعمل تخفيضات حلوة في السيتروين و البي ام مثلا .... علشان هامش الربح فيهم يسمح بالتخفيضات
إنما البروتون .... هامش ربحها مش كبير
و الله أعلم مرة تانية
و في رأيي لو أنت متردد ........ أنتظر و الأيام سُتظهر كل شئ
ربنا معاك

ساااااااااا الخير لك وحشة يا راجل ، ولا بتسأل علي

و من هذا المنطلق ، اسمح لى اختلف معاك بقلب جامد

عمو عز بيكسب من وراء برتون الماظ يا عم توت مش كدة ، دة انت حبيبي من ايام الجيزة و الكشري و المهلبية يشهدوا

و أسأاااااااااااااال علي :k49:

[mazagnge]

تيل الفرامل علي حسب الاستخدام
التيل الاول بيعمل من 16000 الى 22000
التيل التانى جيب واحد على مزاجك ..... و برضة كلة بيرجع لسوقتك و رجل سعادتك الكريمة

[tutankhamoun]

ساااااااااا الخير لك وحشة يا راجل ، ولا بتسأل علي

و من هذا المنطلق ، اسمح لى اختلف معاك بقلب جامد

عمو عز بيكسب من وراء برتون الماظ يا عم توت مش كدة ، دة انت حبيبي من ايام الجيزة و الكشري و المهلبية يشهدوا

و أسأاااااااااااااال علي :k49:

مزجنجي باشا حبيبي
ليك عندي طبق مهلبية بعد ما تأكل طبق الشكري المحترم


أنا لا أعتقد أن عز بيكسب كتير في العربية و الله أعلم برضه
لو قلنا ان العربية مثلا ثمنها من المصنع في ماليزيا هو 50 ألف جنيه مصري مثلا
و الجمارك بتاعتها مثلا 20 أو 15 ألف جنيه
يبقى مكسب عمك عز حوالي 10 أو 15 ألف جنيه في العربية
و برضه الله أعلم
و لكن لا أظن أن مكسبه كبير في البروتون
لو قلتلي البي إم أو السيتروين .... أصدقك
إنما البروتون أو العربيات اللي ثمنها أقل من 100 ألف بيكون هامش الربح فيها مش كبير و الله أعلم بالحقيقة طبعا