انا عاوز اسال عن ال واجا شوية اسئلة لمالكى السيارة

[sonson101092]

1-انا كنت عاوز اعرف هى بتحك فى المطبات وللا لا
علشان انا شغلى بيخلينى احط فى الشنطة اكتر من 120 كيلو؟؟؟؟؟؟؟
2-استهلاك البنزين اخبارة اية
3-انا هجبها تقسيط على6 سنين فعاوز اسال هي العربية هتعمر معايا والا لا
على فكرة انا عايش فى المنيا وعندنا مطبات وحفر كتير وانا بعيد عن التوكيل

[sonson101092]

هو محدش عاوز يرد عليا لية

[NaviGator_13]

ياباشا ان مش من ملاك العربية
بس العربية عالية عن الارض ومبتحكش فى المطبات خالص
واستهلاك البنزين كويس او معقوول
اى عربية تحافظ عليها هتعمر معاك
يمكن عيبها قطع غيارها غالية شوية

[ahmedsiyam]

العربية عالية و موش بتحك فى المطبات بس موضوع انك تحط 120 كيلو فى الشنطة دى حاجة ماقدرش احكم عليها العربية بعدها تحك و لا لأ

استهلاك البنزين زيها زيى اى عربية 1600 موش اكثر من 200 كلم فى الصفيحة داخل البلد و الطرق السريعة 260-280 كلم فى الصفيحة

فى المجمل انا شايفها كويسة و ربنا يوفقك لما فيه الخير

[sonson101092]

شكرا على ردكم ليا

[sonson101092]

طيب انا كنت عاوز اعرف هل الماليزى دة صنا عة تستحمل ولا زى الصينى


معلش اسئلتى كتير

[Abdo_Eldesokey]

120 كيلو مش كتير ، كأن شخص بالغ تخين شوية قاعد ورا

[sonson101092]

120 كيلو مش كتير ، كأن شخص بالغ تخين شوية قاعد ورا

شكرا على ردك

بس انا كنت عاوز اعرف الماليزى صناعة تستحمل ولا زى الصينى

[kobadr]

أنا أمتلكها من 4 شهور فقط وهي عربيه عاليه وأوكد لك انها مش حتحك في المطبات اطلاقا حتي مع ركوب خمسه أشخاص مع شنط سفرهم في شنطة العربيه.
أما استهلاك البنزين فيمكن أزيد شويه من الأرقام اللي ذكرها الأستاذ أحمد صيام فهو حوالي 170 كم /للصفيحه داخل البلد.
حكاية الماليزي والصيني دي أعتقد محسومه للماليزي بأجماع الأراء ...طبعا أنا أقصد من ناحية الاستحمال.واجمالا العربيه جيده جدا بس باريت قطع غيارها يوفرها الوكيل أكتر من كده وربنا يوفقك .

[MohabSaeed]

1- الواجا مش بتحك فى المطبات مع الحموله .
2- استهلاك البنزين معقول جدا " بس انا موتور عربيتى ال4g18 " و دلوقتى الواجا نازله بموتور الكام برو مقدرش افيدك فى استهلاك الواجا الجديده للبنزين , و ان كان زى ما استاذ صيام قال حيكون مابين 200 : 280 كيلو او اكتر على حسب طريقه السواقه .
3- 6 سنين مايعتبرش عمر ... ان شاء الله حتقعد معاك اكتر من كده بكتير , من خلال قرائتى لكتير من المنتديات الماليزيه فى ناس معاها واجا من 2000 و عاملين فوق ال150,000 و العربيه شغاله كويس " و ان كان ده مايمنعش فى العربيه بروتون عندها مشاكل جوده فى بعض الاجزاء بس كلها مش مؤثره على اداء السياره .
4- لا بروتون مش زى الصينى بالتأكيد , على الاقل بيهتمو بالتصميم الهندسى للسياره و بيهتمو بعوامل الامان و عربياتهم بتتباع فى انجلترا و تخطت معاير السلامه الاوروبيه .
5- كون ان حضرتك من المنيا ديه مشكله لان قطع غيار العربيه فى القاهره فقط و حتى فى قطع غيار مش موجوده الى فى التوكيل فقط و قطع الغيار غاليه جدا .

[sonson101092]

مشكور جدا على الردود
بصراحة المنتدى دة كلة مفيد
وشكرا لكل الاعضاء الى ردو عليا
:k4::k49::k49::k49::k49:

[sonson101092]

طيب انا كنت عاوز اسال الواجا افضل فى الشغل ولا الافيو

[MohabSaeed]

لا شكر على واجب ,

تحت اى ظرف من الظروف و بأى شكل من الاشكال الواجا احسن بكتير جدا من الافيو و ماينفعش تتقارن بيها اساساً

1- فئه غير الفئه " الواجا سيدان عائليه " و تتقارن بالاوبترا مثلا
2- فرق فى عوامل الامان
3- فرق كبيـــــــــــر فى الكماليات
4- فرق كبير جدا فى الموتور
5- الواجا اكثر اعتماديه من الافيو " الافيو فيها عيوب تصنيعيه بالجمله و العيوب ديه مؤثره على اداء السياره " .
6- فرق فى الثبات .
7- فرق فى قوه الصاج .
8- 9- 10 11- .........................................

********* ديه حاجه و ديه حاجه تانيه **********


انا عندى كام سؤال لحضرتك
- ايه اكتر العربيات الحديثه المنتشره فى المنيا ؟
- المبلغ الى انتا مخصصه لشراء العربيه اد ايه ؟

[sonson101092]

اكتر عربية منتشرة الفرنا كتيرة جداااااااا


المبلغ فى حدود 85000

علشان انا هقسط على بنك ناصر

[eng.octooo]

ال واجا عربية اعتمادية بشكل كبيير اوىىىى