ايهما اسرع ؟؟

[tutankhamoun]

بُص على حسب حالة العربية و طريقة السواق و جمدان قلبه

أنا شديت مع صني و سبقت مرات و خسرت مرات
و شديت مع سيراتو مرة وحيدة و أنا اللي غلبت و بفرق ......... بس بالأرقام السيراتو تكسب علشان 122 حصان في الجديدة و دي اللي أنا سبقتها !!!!!!!!!!!

و سابقت لانسرات ......... سبقت مرات و أنهزمت مرات

تقريبا الموضوع بيرجع لحالة العربية و البنزين و طبعا الأرقام
يعني لو أنا غلبت عربية بالأرقام أقوى مني
يبقى هو حالة الموتور عنده مش و لابد أو عنده مشكلة في النوعية البنزين أو العكس

و في العموم عربيات فيه عربيات بتبقى أخف في الوزن و أقل في القوة الحصانية ممكن تغلبك علشان عامل الوزن
زي الفيرنا .... 105 حصان فقط إنما صاروخ لما تسابق مع أي عربية تقيلة
خصوصا أنها 1050 كجم فقط لا غير على موتور ناعم و قوي و ممكن يوصل فرق الوزن ل 150 كجم زي حالة الجين 2

نرجع للسيراتو
هي ما بين 105 و 107 حسب أقوال المواقع ( الله أعلم أي رقم أدق ) و طبعا ده مش فرق كبير بي 110
بالاضافة لفرق الوزن بين الجين 2 اللي هو 1230 كجم للنسخة الأوتوماتيك
و وزن السيراتو الأوتوماتيك 1100 كجم """لموديل قبل الشكل الجديد اللي هو 122 حصان للجديد """"
يعني فيه فرق 120 كجم كاملين = وزن شخص كبير الحجم في السيارة !!! و مش عايزه يسبق !!!

أنت كنت تشك في العربية ( إن يكون فيها مشكلة مثلا )
لو بتسابق عربية الفرق في القوة الحصانية كبير ما بينك و ما بينه
إنما عادي ..........
و بعدين معلش ......... أوتوماتيك الجين 2 لغاية 2008 ..... مش بتاع سباقات و لا يقارن بالمانول بتاعها نهائي

----------
ملحوظة .... أنا لسة ما جربتش أوتوماتيك 2009 بالنظام الجديد .... بس الناس أجمعت أنه أحسن من اللي قبله

و السلام عليكم

[ahmedsiyam]

الله ينور يا توت رايك سليم 100 %

[alfa]

والله ياعم توت انت دايما تتحفنا بخبرتك يالي ملهاش حدود ماشاء الله
بس انت عارف انا ليه بسال السؤال ده ,انت ذاكر المشكلة يالي حصلت بعربيتي من فترة قريبة عشان كدة انا بسال حتى اعرف بس ان المشكلة يالي حصلت بعربيتي اثرت على قوتها او سحبها ولا هي كدة طبيعي ؟
ومتشكر لكل الاعضاء يالي شاركونا معلوماتهم

[tutankhamoun]

والله ياعم توت انت دايما تتحفنا بخبرتك يالي ملهاش حدود ماشاء الله
بس انت عارف انا ليه بسال السؤال ده ,انت ذاكر المشكلة يالي حصلت بعربيتي من فترة قريبة عشان كدة انا بسال حتى اعرف بس ان المشكلة يالي حصلت بعربيتي اثرت على قوتها او سحبها ولا هي كدة طبيعي ؟
ومتشكر لكل الاعضاء يالي شاركونا معلوماتهم

السلام عليكم
أولا يا أخي العفو ........ و ربنا يكرمك على المجاملة الرقيقة

بالنسبة للمشكلة القديمة .....
كبر دماغك يعني متفكرش فيها كتير علشان هاتتعبك .............و هاتبقى عملالك وسواس مش كويس
أدام العربية ماشية كويس معاك ....إن شاء الله مفيش مشكلة
خليك حنين على الأوتوماتيك بالذات
الأوتوماتيك مش بيحب الضغط عليه كتير و حرق البنزين و السرعات العالية في وقت قصير
تحافظ عليه ......... يحافظ عليك

و ربنا يباركلك في العربية و يستر طريقك

[ahmad alshaaer]

انا مش عارف انت ياتوت
مش سايبلي فرصه كده ارد على حد
انت ايه يااخي
بحبااااااااااااااااك
ههههههههههههههههههه

[ahmad--ezzat]

انا مش حد
انت ايه يااخي
بحبااااااااااااااااك
ههههههههههههههههههه

كدة الناس هتفهمنا غلط

[tutankhamoun]

انا مش عارف انت ياتوت
مش سايبلي فرصه كده ارد على حد
انت ايه يااخي
بحبااااااااااااااااك
ههههههههههههههههههه

حبيبي يا باشا .......... ده من بعض ما عندكم يا باشا

كدة الناس هتفهمنا غلط

أحنا جايين نهدي النفوس بس .......... :10D5C8~1107:

[ahmad alshaaer]

ههههههههههههههههههههههههههه

[P_R_I_N_C_E]

اعتقد ان دا عيب سواق قبل العربييات
انا كنت بجرى معا اوبل فكتيرا هاتشبالك على المحور وكنت حاطط 200 طول الطريق وفضلت مجرجر الواد وريا لحد نزلة الاسكندرية فى اول يوم العيد وكان معايا النوبيرا بتعتى هل معنى كداا ان النوبيرا اثبت او اسرع من الاوبل اااكيييد لالالا طبعاااا

[M.almaghraby]

اوبل فكتيرا هاتشبالك

feh vectra hatchback?????????thanx

[P_R_I_N_C_E]

سورى استرا هاتشباك

[M.almaghraby]

ah blzabt mana b2ol brdo