استفسار عن جين 2 2009

[shaf3y_3]

السلام عليكم
ياجماعه انا كنت فى معرض الاهرام و سألت عن الجين 2009فى المصريه و اتفجأت لما هو قالى ان سعرها 85.000 موديل 2008 و سألته عن 2009 قالى مفيش جين 2 2009 منزلتش مصر روحت سألت واحد تانى قالى فعلا مفيش جين 2 2009 و الى موجود ده خليجى و ملوش ضمان فى مصر :b4_556:
بس انا شوفت الجين 2 2009 و ركبتها فى معرض فى المهندسين
و ياريت لو حد يعرف اسعار الجين 2009 بظبط عشان انا سمعت كذا سعر

[saidbakr]

كلامك ده غريب جداً، انا شوفت جين2 2009 في معرض في المنصورة (على الأقل هم قاللولي كدة) و كان المانيوال سعره 84000 جنيه، (بس ما كانشي فيه مانيوال ساعتها)
بيتهيألي الناس اللي انت سألتها دي بتهرج.
و على العموم احسن برضو و استنى و ما تشتريش دلوقتي خالص. و خلوها تصدي.

[Abdo_Eldesokey]

الناس دي بتخترع ... معانا ناس كتير في المنتدى اشتروا الـ 2009

[ahmad alshaaer]

2009 ياباشا موجوده وسيبك من المعارض وخليك مع التوكيل
وسعرها النهارده زاد الف جنيه المانيوال والاوتوماتيك من التوكيل الكلام ده على فكره
فأصبح السعر للمانيوال 2009
86000
والاوتوماتيك 92000
وربنا يكرمنا جميعا

[husseinodeba]

شكل كده من جنوب سيناء .:k52:..كلمه خليجى دى منتشره فى المعارض
انا حصل مع نفس الكلام ولما صاحب المعرض لأانى مصمم على 2009 اللى هجيبهالك بس كان مذود حوالى 5000 عن التوكيل طبعا مترددتش ورحت التوكيل وكان فيه واحده بس مانيوال والحمد لله كانت من نصيبى
واعتقد ان اليومين دول فيه دفعه جديده دخلت التوكيل
عليك وعلى التوكيل

[m_marmoush]

على فكره الجين تو اللى معانا كلنا مواصفات خليجى و حتلاقو الكلام ده مكتوب على اللوحه اللى على القايم اليمين اللى مكتوب عليها سنة الصنع

[shaf3y_3]

انا معايا جين 2008 بس انا كنت بسأل من باب العلم بالشيئ و لما قلى كده انا استغربت و قلتله الكلام ده غلط و لما سألت واحد تانى قالى نفس الكلام و المشكله الاكبر انهم بيقولو الكلام ده فى فرع المصريه الى فى معرض الاهرام

[red_4_blood]

جين تو 2009 نزلت فعلا في مصر ....

و الدليل العلامة السودا اللي نزلت عليها .. و الخاصة بموديلات 2009

لان في 2008 كان فيه الشعار الاخضر و الازرق

[eljokar8]

يا جماعه فى عز العرب نزلت الجين 2 2009 ولسه الواجا 2009 هتنزل اخر شهر 2 فى التوكيل والاسعار الى سمعتها للجين كانت المانويل 2009 85000 والاوتوماتيك 910000 وللواجا كانت المانويل 2009 84000 والاوتوماتيك 90000 وشكرا الكلام موثوق منه

[KingMu]

ياعم انا معايا 2009 بس هما بيقولولك كده عشان يبيعو ال 2008
انا حصل معايا نفس الموضوع وبتاع المعرض قالى مفيش 2009 ولما لقانى متأكد قالى اه موجوده بس مفيش فرق فى الامكانيات وكده انت هاتدفع فلوس زياده وخلاص
المهم يعنى خليك متاكد ان ال 2009 موجوده وباعت كتير كمان

[MEMES]

انا ركبت 2009 بنفسى فى عز العرب ديه موجوده من شهر 11 اللى فات!!

[amir]

معروف عن المصريه جهلهم التام فيما يتعلق بالنواحي الفنيه لأي عربيه
المصريه دي علشان الواحد يتفرج انما اي سؤال بلاش منه

[M.Nabil]

زي ما قال احد الاعضاء انهم بيقولوا كده علشان يبيعوا 2008 اللي عندهم علشان كده هي هتترمي عندهم في المخازن .
وانا معايا 2009 وفي اعضاء كتير هنا معاهم.

[MohabSaeed]

السلام عليكم
ياجماعه انا كنت فى معرض الاهرام و سألت عن الجين 2009فى المصريه و اتفجأت لما هو قالى ان سعرها 85.000 موديل 2008 و سألته عن 2009 قالى مفيش جين 2 2009 منزلتش مصر روحت سألت واحد تانى قالى فعلا مفيش جين 2 2009 و الى موجود ده خليجى و ملوش ضمان فى مصر :b4_556:
بس انا شوفت الجين 2 2009 و ركبتها فى معرض فى المهندسين
و ياريت لو حد يعرف اسعار الجين 2009 بظبط عشان انا سمعت كذا سعر

طبعا كلام فارغ كعاده كلام البياعين الى بيبقو مش فاهمين فرق السلندر من بلف الكاوتش غير ان معندهومش ضمير او امانه .
نصيحه لكل الى ناوى يشترى " اى سياره عموما " هاتها من التوكيييل مباشرتأ

امبارح كنت فى المهندسين و ركنت العربيه و نزلت اشترى حاجه و كان فى معرض هناك " بعد منزل كوبرى 26 يوليو و انتا رايح على شارع عرابى على اليمين
لقيت منظر غريب الصراحه و استفزنى جدا
عربيه جين 2 حمرا "زيرو 2009 " و مش معلقه نمر قدام المعرض و الاكصدام الامامى متجرح و فى اماكن كتير و جانب اليمين متجرح و الاكصدام الخلفى متجره من الجمب !!! و طبعا الف مبروك على المشترى

على فكره الجين تو اللى معانا كلنا مواصفات خليجى و حتلاقو الكلام ده مكتوب على اللوحه اللى على القايم اليمين اللى مكتوب عليها سنة الصنع

كلام مظبوط 100 % كل سيارات بروتون الى بتتباع فى المنطقه العربيه . نازله بمعاير المواصفات الخليجيه و ده مكتوب فى الكتالوج و مكتوب على البادج الى عند الباب الامامى من ناحيه السائق

[kloda]

الجين 2 2009 مانيوال 86000 و الالاوتوماتيك 91000 انا لسة شايفها في عز العرب و فرق الشكل و المتور و اضحين اوي