تجربه مفيده للساده مالكي جين 2

[ahmad alshaaer]

السلام عليكم ورحمة الله وبركاته
انا من يومين رحت من بني سويف الى الغردقه
اخذت طريق الكريمات من بني سويف الى الزعفرانه وطبعا كنت مفول العربيه للاخر
دخلت على الطريق وذهلت ان في طريق في مصر بكمية الرعب والقذاره في الاسفلتواطي وعالي وهبوط وبروز لو راكب عريه نقل هتحك في البروز من هبوط الاسفلت
وعدم وجود اي شبكه على طول الطريق 170 كلم
وعدم وجود لافته مروريه الا فييييييين وفين وبتبقى عكس الاتجاه اساسا
بجد استغربت المهم اني ماشفتش اسوأ من انك تمشي في طريق زي ده وكانت الساعه 11 مسااءا وقت انطلاقي من بني سويف
طبعا من خوفي من الطريق
انا كنت باخد ملفاته وطلوعه ونزوله على ال110
ولما كنت بكشف الطريق لمسافه طويله كنت بعمل كيك داون لحد 160
بغض النظر عن اني كنت منور الفوجات الاماميه والنور العالي والفوجات الخلفيه ولمبة الصالون ولو كان معايا 800 فانوس كنت نورتهم من الرعب والهبل اللي كنت حاسه في الطريق
وياسلام لما كنت ببص على شاشة الموبايلين فودافون وموبينيل
لاااااااااااااااااااااايوجد اي خدمه ولا اي شرطه ولا اي محطة بنزين حتى
بجد خراااااااااااااافه
جيت بقه في اخر 60 كلم من الطريق
ولقيت الطريق اتقسم نصين يمين وشمال وطبعا ولاا اي يافطه ان الطريق انهي واحد وشجره بقه في النص زي افلام الرعب على شكل شبح ورافع ايديه وكل ده وانا اساسا اللي هو مش هقف انا بفكر ادخل يمين او شمال وكنت هديت لحد سرعة 50كلم وقررت اني ادخل يمين مش عارف اشمعنى اليمين بس حبيته كده
المهم دخلت وماشي ولقيت الاسفلت - قال يعني هو اسفلت - بدأ يشقق والتراب طالع على الطريق وحجاره مكسره قلت الله الله يبقى انا كده في الطريق الغلط
وطبعا قفلت سنتر العربيه لان الدنيا كااااااانت بجد لحظاااات من الرعب وكل تفكيري الف وشي ازاي عشان ارجع الطريق التاني وشمالي رمله ناعمه واساسا الطريق مايجيش حاره تلف وشك
والاساااااااس اني مااأقفش هنا لحظه
عملت هاند بريك ودي تلقائيا وواحد كيك داون محترم الاربي ام كان على 13 مش 6.5 مع ان العربيه مافيهاش 13 بس هو ده اللي حصل واللي تخيلته ورجعت ودخلت شمال
المهم خلصت الطريق الحقير ده
اجارنا الله منه ومايكتبش على حد انه يدخله اساسا
ووصلت الزعفرانه ولقيت كمين
اخيرااااااااا لقيت كمين
يانهار اسود لما تكون محتاجهم ماتلاقيهمش
انتوا كنتوا فين طيب 170 كلم مافيش اي حاجه
سألتهم في محطه قدام احط بنزين
قالولي بعد 100 كلم او اني ارجع كده نص كلم هلاقي محطه طبعا قررت اني ارجع ولقيت ان العربيه اخدت 21 لتر في 170 كلم دول طبعا لاني كنت بقرص جامد على العربيه
ودخلت الطريق من الزعفرانه وحتى الغردقه مرورا براس غارب
وكنت ماشي 170 وبهدي في الملفات 120 او 140 حسب الملف وطبعا كل العلربيات كانت واقفه بالنسبالي لان السرعه القانونيه 110 وقبل الغردقه 50 كلم لقيت حجر واقع على شمال الطريق وكام قمع مرور حواليه وعربيه طافيه النور على الشمال وواحد واقف بالعصايه اللي بتنور دي
وبيقولي حمد الله على السلامه
قلتلوا الله يسلمك
قاللي ممكن رخص قلتلوا خير وده مكان اساسا تقفوا فيه قالي ده كمين رادار وسيادتك ممسوك 166 كلم
قلتلوا عادي جدا ايه المطلوب
قاللي انزل للظابط
نزلت للظابط وماقلتلوش ولا ابن عمي مين ولا اي كلام
بقوللوا خير قاللي 150 جنيه
قلتله من عينيه اديتوا 200 جنيه اداني 50 جنيه ملفوفين جاهزين
وضربت كيك داون محترم في قلب الكمين وكملت للغردقه بس للامانه كنت مثبت السرعه 110
وقلت كفايه كده 150 جنيه النهارده
وقعدت هناك واخدت سهرتي تمام وتاني يوم جاي افول التانك قاللي مافيش الا 95
لدرجة اني لقيت شاهين بيحط 95
قلتلوا حط 10 لتر لحد مااشوف في 92 قدام ولا لا
وفعلا مشيت وانا طالع من الغردقه ةلقيت 92 وفولت وصفرت العداد ومشيت 110 ومثبت على كده
ووصلت الزعفرانه وفولت تاني لقيت العربيه اخدت في 260 كلم اخدت بردوا 22 لتر
انا حبيت بس اوضح ياجماعه اني وانا راجع ماعملتش اي كيك داون ولا زودت السرعه عن 110
وفولت ودخلت الطريق الزباله ده تاني وكان النهار طبعا طلع ووصلت بني سويف تاني والعربيه كانت مشيت من الزعفرانه حتى محطة البنزين اللي قبل بني سويف 170 كلم واخدت بردوا 22 لتر
ده الفرق في السرعات والكيك داون والحاجات دي
ووالله انا على الطريق ده عملت بالعربيه دي حاجات ماكانتش عربيه تاني تسعفني اني اعمل بيها كده
حبيت انقل التجربه دي للافاااااااااااده
اتمنى ماكنش طولت عليكم
بس حبيت افيدكم
وربنا يستر طريقنا جميعا

[Ayman_52]

ايه الجو ده...كان نفسى اكون مع حضرتك والله اصلى بحب جدا الجو ده....

والله العظيم وانا بقرا كلام حضرتك فكرنى بفيلم رعب....وافتكرت فى لحظه ان الفيلم اللى كنت شفته اتحقق...بس الحمد الله انه ماتحققش

اهم حاجه العربيه كانت تمام الحمد لله معاك...واهم حاجه ان حضرتك رجعت بألف سلامه..

وبجد عاجبنى الموضوع جدا<<<اصله بيحب افلام الرعب جدا

الف حمد الله عالسلامه ياباشا

[mohamed el hussien]

Amaing and Exciting

فعلا تحفة
بس انا احب اعمل الحاجات دي وانا معايا حد مش لوحدي
بس حمد للة علي سلامتك

[elmadawy]

الف حمدالله علي السلامه واكيد تجربه مفيده

[tutankhamoun]

ربنا يستر طريقك يا أستاذ أحمد
بس أنت ليه دايما مصمم على السرعات العالية قوي دي ؟؟؟ حياتك غالية علينا و على أهلك
ربنا يستر طريقك و يهديك و يهدينا جميعا و يهدي أعصابنا و نمشي براحتنا علشان نوصل في أمان إن شاء الله
و طبعا تجربة العربية في الطرق الغير ممهدة دي بتثبت ان العربية بعكس ما اُشُيع عنها ..... و الأيام قادمة إن شاء الله لتثبت قوة السيارة .
و ربنا يباركلك ..... بس بجد أرجوك .... قلل سرعتك شوية .... علشان زي ما قلت حياتك غالية علينا جميعا و على أهلك بالأخص .
و السلام عليكم

[M.Nabil]

الف حمدلله عالسلامة يا استاذ أحمد.
هي اكيد تجربة مرعبة ومفيدة جدا في نفس الوقت, المهم انك وصلت بالسلامة وافدتنا بمدي متانة العربية في اصعب الطرق.

[ahmedsiyam]

انا دوخت الصارحة من كتر الاحداث

عموما حمد الله على السلامة يا ابو حميد

[MohabSaeed]

الحمد لله على سلامتك يا باشا . بس براحه شويه على العربيه اسفلت مكسر و عالى و واطى و ماشى 170 ؟؟ بجد خلى بالك
ياترى بعد كل الى شوفته حتمشى تانى فى الطريق ده ؟ :-)) لا موبايل ولا محطة بنزين ولا نور و طريق سئ ناقص ايه تانى !! :-) .

[husseinodeba]

هو انت كنت رايح الغردقه تعمل ايه؟
بجد تجربه مثيره....ومفيده
بس الطريق ده هو الصحراوى الشرقى ؟ اصل انا من بنى سويف وكنت عاوز اعرف ايه اخبار الصحراوى الشرقى من بنى سويف الى طرق السويس ؟ دة لو فيه اصلا
حمدالله على سلامتك

[ahmad alshaaer]

اشكر جميع الاعضاء اللي شاركوا في هذه التجربه
والتي كانت ممتعه شيئا ما بغض النظر عن لقطات الرعب التي تعرضت لها
بس المغامره حلوه وانا من عشاق السفر ليلااا
اولا احب ارد على الاستاذ ايمن واقولله كويس انك ماكنتش نعايا لاني كنت اكيد هخليك تدفع نص مخالفة الرادار
وثانيا تشرفني انك تكون معايا
ثالثا ارد على اخويا وحبيبي الاستاذ توت والاستاذ مهاب
واقوللهم ان الملل اللي كان في الطريق هو اللي كان مخليني امشي بالسرعات دي
والحمد لله
ورابعا طبعا لو اتاحتلي الفرصه دي يااستاذ مهاب انا عمري ماامشي من الطريق ده تاني لانه ببساطه
- مايستاهلش ان الجين 2 تدوس عليه -
الاستاذ حسين طبعا الطريق ده هو اللي بتاخد مخرج الزعفرانه من بعد ماتعدي البوابه الاولى من بني سويف وانت رايح القاهره وللعلم انا عرفت ان كان في طريق تاني من اتجاه المنيا من على الصحراوي الشرقي طريق الشيخ فضل اقرب وانضف من هذا الطريق السيء االلي حراااااااام والله تدخله عربيه ولو نقل اساسا وحسبي الله ونعم الوكيل في السبب ليسمى هذا طريق اساسا
والسلام عليكم

[khpopo]

حمدالله على سلامتك وسلامة جين2 الجميلة ربنا يسترها معانا جميعا
ربنا يوفق