ارجوكم تساعدوني

[nightmare_9595]

بصراحه انا عاجباني الحين 2 اوي و ناوي ان شاء الله اشتريها و بقارن بينها و بين كذا عربيه تانية و ياريت الشباب اللي عندهم خبره يساعدوني

بصراحه انا محتار بين الجين 2 و الهوندا السيتي الجديده و الاوبترا و اللنسر

ياريت يا شباب اسمع نصيحتكم عشان هاتفيدني كتير
سؤال اخير عشان انا كده شكلي طولت : هي الجين 2 2009 فيها مثبت سرعه ولا شالوه ؟؟
انا عارف اني طولت بس انا بجد محتار و ارجوكم تساعدوني و اسمع نصيحتكم

[Sout_Sout]

شالووووووووووووووووووووووووووووووه
حاجة غريبة
شالو أهم حاجة كانت مميزة الجين 2
بس الحمد لله لحقت الـ 2008

[tutankhamoun]

المثبت أتشال .......... بس ده مش أهم حاجة بتميز الجين 2 و لا يعتبر من أهم الحاجات كمان لأن استخدامه نادر جدا .
و لأن تركيبه سهل جدا
أهم حاجة بتميز الجين 2
الثبات الرهيب ............ و قوة الموتور
و دول لا يُمكن تعويضهم لو أشتريت عربية مفيهاش النقطتين دول
يعني مينفعش أجيب عربية مفهيش ثبات و أروح أشتريلها ثبات ؟؟؟؟

العربية الجين 2 عربية محترمة و جميلة و جامدة
عايز تشتريها أتكل على الله و مش هاتندم بإذن الله .
بمقارنتها مع الهوندا سيتي القديمة
هي تكسب في كل حاجة ما عدا استهلاك البنزين و خصوصا لو السفر قليل و مش محتاج الثبات و قوة الموتور .
لو بنقارنها مع الهوندا سيتي الجديدة .... مش عارف فنيا و لكن فيه فرق سعر كبير قوي بينهم .... أعتقد أن السيتي الجديدة نازلة ب 127 ألف و معرفش إن كانت كاملة و لا ناقصة حاجة إنما الجين 2 كاملة من مجاميعه ما عدا المثبت اللي مش هاتحتاجه غير في السفر و الطرق المفتوحة فقط لا غير و على فكرة يُمكن تركيبه بمبلغ 1500 جنيه .

لو بنقارن الجين 2 باللانسر اللي في نفس السعر تقريبا يبقى بتقارن لانسر 1300 ......... و كدا يبقى الجين 2 تكسب برضه و بفرق .
لو بتقارن اللانسر 1600 ..... دي ثمنها 110 ألف تقريبا و اللي يفرق 3 حاجات
سعر اعادة البيع .... توافر قطع الغيار .... خامات الصالون ( فرش .. الخ ) أفضل .

الأوبترا ...... دي شيفروليه و خارج المنافسة و كفاية أنها انتاج صهيوني و مش هاشتريها نهائي و مش هارشح أي عربية أمريكي لأي حد .


الجين 2 عربية محترمة جدا و ركوبتها ركوبة عربية ماسكة نفسها و ثابتة على الطريق بطريقة ممتازة و التحكم فيها حلو قوي قوي .... و موتورها محترم و كمان الموديلات الجديدة رفعوا فيها نسبة الجودة .... و حسنوا أداء الموتور

أتكل على الله و هات الجين 2 و إن شاء الله مش هاتندم
قيمة مادية مقابل السيارة = أمتياز و ممكن لو عايز تركب فرش جلد حلو ........ بألف جنيه تدلع العربية

[nightmare_9595]

شكرا جدا ليك علي الرد المفصل و كلامك فعلا منطقي و صح
ان شاء الله اشتريها و اقولك اني حجزتها ان شاء الله بس ادعي لي