مشكلة مضحكة في الواجا

[SaMeR-PrOtOn ]

مرحبا مبارح باليل كنت اركن عربيتي وقت انتهيت دست على زر اغلاق النافذة فتفاجأت ان اضاءة التابلوه والفوانيس الخارجية تضعف قليلا عندما ادوس على أي زر من أزرار النوافذ الأربعة يمكن هالشي كان يصير من زمان وانا ماكنت منتبه على هالشي ياترى حدا صار معه هالشي?

[nightmare_9595]

علي فكره عادي جدا و مفيش مشكله خالص
الموضوع ده شفته في عربيتي القديمه هوندا سيفيك 2007 و عربيه والدي مرسيدس E 280
و في السيفيك لما اركز علي نور العربيه(نور الفوانيس اللي قدام) الاقيه يضعف سنه بسيطه اوي و بدين يرجع زي ما هو لما اشيل ايدي.
ده رايي و الله اعلم,اكيد الاعضاء عندهم خبره و ممكن تسمع اراء كتير.
تحياتي ليك

[KHALED AYMAN]

انا الموضوع ده فى الاسترا .
لما بكون منور النور و اضرب كلاكس بيضعف حاجه بسيطه .

[eslam_wega]

لا ده عادى بس هقولك على حاجة والله كانت بتحصل معيا فى الميرا كانت جايب اللمبة الزرقاء شبة النيون مش عارف تقريبا اللمبة الواحدة كانت 260 وات وكانت فرحان بيهم اوى المهم كانت ساعت اقف فى اشارة مثلا او اى مكان ويكون النو مطفى اجيب اقلب نور القى العربية بطلت هههههههههه كانت كومدية والله بس النور بتاعها كان شديد اوى

[MohabSaeed]

الموضوع عادى يا استاذ سامر ماتقلقش منه
عندى نفس الموضوع و موجود فى عربيات كتير .
انا عندى مثلا بلاحظ او انا مش مشغل الموتور و فاتح نور الصالون و مشغل الراديو او السى دى . لمبه الصالون بتتأثر قوتها بدرجه البييز الى فى الصوت .

لو جيت ارفع الزجاج اليمين و الشمال فى وقت واحد برضه سرعه الازاز بتبقى ابطأ من لما ارفعه واحد واحد .
كل ده طبيعى ولاحظته فى كل العربيات الى ركبتها تقريبا .

ان شاء الله فى القريب العاجل حبقى اكتب العيوب و المميزات الى لاحظتها فى العربيه بعد استخدام سنه و 10,000 كيلو .

[ahmad alshaaer]

تمام انا كمان عندي موضوع البيز ده مع لمبة الصالون بس ده طبيعي
اخويا معاه جيتا 2008 نفس الكلام

[tutankhamoun]

عندي نفس الكلام
لا تقلق موجودة في كل السيارات

[M.Nabil]

الحمد لله مكنش بيتهيألي ولا اتجننت.
كان بيحصل معايا بس قولت يمكن بهلوس من كتر حبي للعربية وقلقي عليها.
وكنت لاحظ اكتر لما بكون بسخن العربية واجي افتح الزجاج بسمع كان صوت الموتور بيعلا.

[mramzy]

يا جماعه الخير
كده فى مشكله فى البطاريه او شحن الدينامو مش مزبوط
علشان موتور رفع الزجاج بيحتاج كهرباء قويه فلما يعمل كده ده دليل على ان الكهرباء مش واصله كامله او مش واصله بالامبير المناسب الاحسن راجع على الدينامو وشحنه والبطاريه
انا عملت ميعاي كده فى اللانسر وبعد شهرين كنت مغير البطارية لانها كانت بتودع
وبرضه من سنه ونص عملت معايا فى الماتريكس وشويه والبطاريه خلصت طانت جافه واشتريت بطارية جديده
مش هنخسر حاجه لما نراجه على الكهرباء

[M.Nabil]

يا جماعه الخير
كده فى مشكله فى البطاريه او شحن الدينامو مش مزبوط
علشان موتور رفع الزجاج بيحتاج كهرباء قويه فلما يعمل كده ده دليل على ان الكهرباء مش واصله كامله او مش واصله بالامبير المناسب الاحسن راجع على الدينامو وشحنه والبطاريه
انا عملت ميعاي كده فى اللانسر وبعد شهرين كنت مغير البطارية لانها كانت بتودع
وبرضه من سنه ونص عملت معايا فى الماتريكس وشويه والبطاريه خلصت طانت جافه واشتريت بطارية جديده
مش هنخسر حاجه لما نراجه على الكهرباء

مشكور استاذ رمزي عالافادة.
زان شاء الله ابقى اروح التوكيل واكشف عالكهرباء مع انهم المفروض يكونوا راجعوا عليها في صيانة ال1000 بس زيادة تاكيد.
وربنا يستر.