الاسعار نزلت فعلا شفروليه و هيونداى يلا بقى يا بروتون

[M.Abdelshafi]

الجمارك بتحسب على تمن العربيه الأصلى فقط و التوكيل بيضيف عليهم مصاريف الشحن و هامش ربحه
لو عاوز تعرف تمن العربيه كام بالتقريب ممكن تشوف سعرها بره كام فى بلد مفيش فيها جمارك

[Hosam_Optrawy]

ياجماعه مفيش حاجه اسمها 30 % و 40 %
الكلام ده عمره ما هيحصل
وعموما بروتون بالذات لو رخصت مش هترخص كتير
لانها العربيه الوحيده فى السوق اللى سعرها مناسب لامكانياتها
وسعرها شبه ثابت من يوم ما نزلت

[eslam_wega]

يا جماعه... انا عارف ان الناس كلها عايزه تعرف الاسعار ختنزل ولا لا ...فى الفتره دى ممكن بعض المعارض تنزل شويه فى الاسعار او تعمل تسهيلات واغراءات لكن برده مش حتنزل نزول ملحوظ والاغلبيه مش حينزل حاجه ..لكن من المؤكد ان مع اوائل شهر سبعه 100% حتنزل الاسعار بشكل ملحوظ جدا لان كل الشركات بتعمل ميزانيات السنه الجديده فى الوقت ده عشان كده حيظبطو كل ميزانياتهم على نزول فى الاسعار وده طبعا حييجى على حساب حاجات تانيه زى العماله عندهم والدعايه.... الخ.... بس حيحولو بردو يحققوا مكاسب ...لكن فبل شهر سبعه مش حينزلوا نزول ملحوظ فى الاسعار عشان ميزانيه السنه دى معموله على اسعار عاليه ولو نزلو لاااااااااازم يخسروا .........فان شاء الله مع اوائل الصيف لو الناس فعلا فضلت متشتريش .. الاسعار حتنزل.
:b4_611::b4_611::b4_611::b4_611:

يعنى كل المطلوب مننا دلوقتى الاستمرار فى الحملة لمدة اربع او خمس شهور ومفيش عربية بعد كدا سعرها مش هينزل سواء جين 2 او غيرها

[eslam_wega]

بالنسبة للجمارك سهل جدا الناس الجامدة اصحاب التوكيلات تضغط على الحكومة وسعتها الجمارك هتنزل اكيد 100 100
لان اساسا كدا دلوقتى الحكومة جاى عليها بالضرار لما تكون فى اول 2008 مثلا بتعمل جمارك على 3000 عربية فى الشهر بالنسبة بتعتها 60 %
وتيجى دلوقتى تعمل على اول 2009 جمارك على 800 فى الشهر بنفس النسبة يبقا كمان الحكومة بتخسر لان عداد السيارات الى بتيجى من الخارج بقا قليل لان الكمية فى الداخل بتقل بنسبة بسيطة وده بسبب الحملة
ساعتها الحكومة هتنزل النسبة الى 40% او 30% عشان يتدخل عربيات اكتر وبتالى تاخد جمارك اكتر

يعنى يا جماعة والله العظيم الموضوع مجرد وقت مش اكتر واصرار مننا ومش هنرضا باى تخفضيات قليلة
لان نرضا باقل من 30 %
والسلام ختام

[tutankhamoun]

يا جماعة مع أحترامي للجميع و لآراء الجميع
سيارات بروتون من السيارات الغير مبالغ في سعرها و الدليل لم تزيد مليم واحد منذ أن دخلت السوق المصري إلى الآن .
ممكن تنزل حاجة بسيطة زي ألف ألفين أو ثلاثة
و مفيش عربية في مصر هاتنزل 40 % و 30 % ( و أنا مع الحملة و ليس ضدها و لكني واقعي و الشعب المصري لو معاه فلوس هايروح يشتري برضه و لا حملة و لا يحزنون هاتخلي حد يوقف الشراء !! للآسف الشديد )

و معلش حاجة تانية غايبة عن الناس
الحملة بتاعة خليها تصدي ممكن يكون ليها تأثير و لكنه تأثير معنوي أكثر منه تأثير حقيقي
التأثير الحقيقي أن سوق السيارات المصري أغلبه مدعوم من البنوك عن طريق التقسيط و نسبة الناس اللي بتشتري نقدا قليلة جدا بالمقارنة بنسبة عدد العربيات المباعة في السوق .
و طبعا بما أن فيه أزمة مالية .... فده بيخلي البنوك تفكر مليون مرة قبل ما تخرج أي قروض ( مش سيارات بس )


لما نيجي نتكلم عن أسعار سيارات مبالغ فيها و يجب نزول أٍسعارها
هانلاقي أن أحنا بنتكلم أساسا على توكيلات الياباني زي تويوتا و ميتسوبيشي بالذات
التوكيلين دول بيكسبوا مكاسب رهيبة في عربياتهم
و دول اللي لازم ينزلوا الأسعار و دل اللي يجب مقاطعتهم حتى نحصل على سيارة منهم بسعر مناسب .
يعني الياريس بتتباع برة مصر و 1500 سي سي ب 70 ألف جنيه ( السوق الأمريكي )
و ييجي توكيل تويوتا يبيع 1300 الكاملة فوق 100 ألف ؟؟؟؟ ليه ؟؟؟؟
اللانسر الشارك الجديدة بتتباع في أمريكا بحوالي 95 ألف مصري و ده موتور 2000 سي سي !!!! و البهوات بيبيعوها في مصر ب 150 ألف ؟؟؟ مش حرام ؟؟؟؟ و كمان موتور 1500 فقط

إنما أسعار بروتون في العالم كله متقاربة مع السعر المصري و على فكرة أسعار بروتون منزلتش في أي سوق خارجي و لسة بتتباع بثمنها في أنجلترا مع ان السوق نايم

( سوق الخليج العربي ليس مقياس لمصر علشان هما معندهومش ضرائب بتاتا ) فمحدش ييجي يقولي السعودية العربيات بتتباع فيها بسعر قليل و يقارنه بمصر لأن الظروف مختلفة تماما من حيث عدد السيارات و الدخل الحكومي و رخض اسعار البنزين لتوفره الشديد و قلة عدد السكان .
لما نقارن ......... نقارن بدول متقاربة في الظروف و الأقتصاد ( الشكل للأقتصاد و طريقة العمل )

الحملة لها تأثير بسيط بأن جعلت من يملك النقد الكافي لشراء سيارة .... يؤجل قرار شراؤها بناءا على نزول معدل البيع في السوق و عدم أستقراره ليس أكثر .

[saidbakr]

ازى اقل من 1600 وهى 1600 فعلا

الجمارك بتحسب على تمن العربيه الأصلى فقط و التوكيل بيضيف عليهم مصاريف الشحن و هامش ربحه
لو عاوز تعرف تمن العربيه كام بالتقريب ممكن تشوف سعرها بره كام فى بلد مفيش فيها جمارك

أولا هي أقل من 1600 لأن محركها سعته الف و خمسمية و موش عارف كام، يعني في فئة اللي اقل من 1600، بمعنى تاني ما هياش 1800 مثلا او 2000.

ثانيا معروف ان الجمرك بيتحسب على مجموع سعر المصنع و تكلفة الشحن.

ثالثا ما فيش فيكي يا مصر عربية بتنباع بسعر معقول خالص، و ارجو ما حديش يقولي السبب في ده الجمارك، الجمارك موش عفريت و لا هي امنا الغولة. السبب الرئيسي طمع الموزعيين و الوكلاء في هامش ارباح خيالي.

رابعا زي ما قلت قبل كدة، و اعمالا لمبدأ الشفافية، يقدر وكيل بروتون او غيرها في عرض مستندات الشراء بتاعته على العلن و تبقى كل حاجة واضحة و بعيدة عن التكهنات، و لكن ابسط دليل على صحة كلامي، إن ده لا يمكن هيحصل. جايز لو حصل، هتكون بصورة مشكوك فيها و جايز تكون مضروبة لأن الشركة ساعتها هتقول انها مستندات مهربة و مضروبة و الخ الخ.

[tutankhamoun]

رابعا زي ما قلت قبل كدة، و اعمالا لمبدأ الشفافية، يقدر وكيل بروتون او غيرها في عرض مستندات الشراء بتاعته على العلن و تبقى كل حاجة واضحة و بعيدة عن التكهنات، و لكن ابسط دليل على صحة كلامي، إن ده لا يمكن هيحصل. جايز لو حصل، هتكون بصورة مشكوك فيها و جايز تكون مضروبة لأن الشركة ساعتها هتقول انها مستندات مهربة و مضروبة و الخ الخ.

الكلام اللي حضرتك بتقوله ده يا أستاذ سعيد لا يمكن تعمله شركة في العالم كله
محدش بيقول هو بيكسب كام و من رابع المستحيلات أن شركة تطلع حد على مستنداتها

[saidbakr]

الكلام اللي حضرتك بتقوله ده يا أستاذ سعيد لا يمكن تعمله شركة في العالم كله
محدش بيقول هو بيكسب كام و من رابع المستحيلات أن شركة تطلع حد على مستنداتها

ليه ما بيحصلشي، موش برضو الشركات المساهمة بتعلن حاجات زي كدة عن القوائم المالية و الأرباح و حاجات زي كدة، ده معناه ان المبدأ موجود.

دايما في الأزمات لازم بتبقى فيه إجراءات استثنائية، و أصل الأزمة الحالية و المقاطعة و موضوع خلوها تصدي، هو إن شريحة كبيرة من الزباين تعتقد إن الوكلاء و الموزعين بيستقطعوا الزبون و بيكسبوا هوامش ربح خيالية، يبقى مباشرة الحل البديهي و المنطقي هو مبدأ المكاشفة، و بالبلدي، يبقى كله على عينك يا تاجر.

إضافة إلى كدة، إن موضوع المكسب ده ما هواش سر، لأن بالتأكيد الضرايب و الجمارك بتحاسبهم و أكيد الحساب ده بيكون على قاعدة اساسية هو اشترى بكام و باع بكام بالاضافة الى المصروفات الأخرى. تبقى مصيبة أكبر كمان لو بيتهربوا من الضرايب و بيقرطسوا الجمارك!!!