سوال غريب : ليه 90 % من عربيات ال Gen 2 مخبوطة !!

[yts17]

انا بجد من عشاق العربيا دى . ومعجب بيها جداً جداً لابعد الحدود لدرجة انى كل ما ببقى راكب العربيا بتاعتى (لاسنر بوما :( ) وحد يبقى جامبى بنشوف Gen 2 مشيا قدمنا لازم اقله بص Gen 2 اهيى لدرجة ان بقى لما تيجى العربيا قدمنا وحد من صحابى معايا بقا يسبقنى ويقللى بص Gen 2 اهى ةعرفيين ياسيدى عربيا تحفة وجامدة ..... :) .
المهم بقى انا فعلاً نسبا كبيرة اوىىىىىىىىىىىىى من العربيات اللى شفتها مخبوطة فقلت اقول الملاحظة دى فىالمنتدى يمكن حد يفدنى او يقللى رايه فى الموضوع دا ! ولا ممكن تكون انا عينى جامدة شويا حسدت كل عربيات ال Gen 2 اللى فى مصر لدرجة انى مبقتش بشوف الا المخبوط منها .

[husseinodeba]

انا كنت على كبرى سته اكتوبر وماشى فى امان الله... فجأ العربيه اللى ابل اللى ادامى عملت شألباظ وخبطت في العربيه اللى وراها ..انا الحمد لله هربت من التخييشه
بس فيه حاجه خبطت فى باب السواق:K_crying[1]:

هوانت كنت على كبرى سته اكتوبر يوم 11-2-2009:POINTI~2[2]:

طبعا نفسك تعرف ايه اللو خبط باب السواق ....
هى والله اعلم بطاريه العربيه اللى عملت شألباظ

[Ayman_52]

فعلا معاك حق لما روحت التوكيل ...لقيت جين2 كتير مركونه هناك عشان فيها خبطات..وده لان اغلب اللى بيركبها شباب وشغال بيها خمسات وسبعات الله ينور...والصراحه العربيه بتموت فى الجرى ....عشان كده حظها فى الخبطات كتير...

[elmadawy]

والله مش كل ال معاه الجين 2 بتكون فيها خبطات ده بس علشان انتا متابع العربية لكن لو بتشوف عربيه تانيه حتلاقي نفس الموضوع وشكرا

[momenhamdy]

والله مش كل ال معاه الجين 2 بتكون فيها خبطات ده بس علشان انتا متابع العربية لكن لو بتشوف عربيه تانيه حتلاقي نفس الموضوع وشكرا

+111111111111111111

[khpopo]

فعلا جين2 الجميلة مابتسلمش اذا كان من العين او الجرى لدرجة ان بقى ليها مخزن عربيات منتهية لوحدها عند عز انا مرة واحد طالع علية من شارع وعدانى وكان بيتفرج راح سارح وخبطنى من ورا وحاجات تنانية كتيربتحصل بدون اجابة .. لدرجة بشك تكون عينى او سواقتى الحمدالله ربنا يحميهالنا جمعيا ويسترها معانا
ربنا يوفق

[ahmedsiyam]

اغلب اصحابها شباب صغير فى السن و بيجرى جامد بدون احساس بالمسئولية و فى الاخر النتيجة حوادث او حكات

[zeyad1810]

هى بس علشان عربية جميلة فلازم تكون واخدة عين

[heshaaam]

انا شفت حوالى 10 مكنوش مخبوطين يمكن انت حظك كده

[khaledazizeg]

يا سيدى طيب انا بعد اما جبت العربية بأسبوعين وهيا مركونة تحت البيت نزلت لاقيت واحد ربنا ينتقم منة مجرحلى العربية وهيا لسه بشوكها

[fahd_628]

على فكرة كل العربيات فى مصر مخبووووووطة

[mahmoudzaied]

على فكرة كل العربيات فى مصر مخبووووووطة

مفيش بعد كدة
انا معايا لانسر ومخبوطة تنفع
واعتقد ان معظم الخبطات مش تهور انا شايف انها اخطاء الغير للاسف

[M.Nabil]

حضرتك لما تركز مع نوع واحد من العربيات هتبقى مدقق اوي فيها وملاحظ كل حاجة فيها.
انا في الاول كنت معجب بالمازدا 3 وكنت بحس ان كل اللي معاه بتكون مخبوطة وسألت نفسي نفس السؤال.
بس عامة طبعا عربية زي دي مغرية للجري للشباب وبتشجع عالتهور واكيد مش هتسلم من الخبطاط.
ومن ناحية تانية طبعا مفيش حد سلم من اخطاء الغير.
ربنا يحافظ علينا جميعا ويباركلنا في عربياتنا ويدينا خيرها ويكفينا شرها.

[acer4000]

اغلبية سائقينها من الشباب البوب اللي فاكر نفسه راكب فيراري و هاتك دعك في العربيةو هتلاحظ ان اغلب مشترينها بين ال20 و ال30 على الاكثر و دايما سايقها شاب صغير من النادر جدا انك تلاقي راجل في اواسط العمر سايقها الا لو كان سالفها من ابنه
و بالتالي فالشباب لازم تلاقيه لادع العربية بوسة من هنا او من هنا
على عكس الراجل الكبير اللي بيمشي يقول : يا حيطة داريني

[yts17]

:) ! واضح ان مش انا لوحدى اللى شاف العربيا دى مخبوطة :) . وربنا يكفينا شر الحوادث والخبطات . شكراً لكل من دخل الموضوع وقال رايه .