محل قطع غيار جديد في مدينة نصر

[mohamed el hussien]

يا جماعة في محل فتح في مدينة نصر من فترة كدة
وقولت اقولكم علية

الدولية موتورز
75 شارع الخليفة الظافر متفرع من مصطفي النحاس
اما مركز شباب مدينة نصر - الحي السابع
24019701
0123724108

انا عموما سألت عن التيل عندة ارخص من بتاع الجيزة 10 جنية في الطقم
هو عندة النوع الماليزي النضيف مش المضروب ب 240 الطقم
وكلمت محل الجيزة قالي 250 ولما تيجي نتكلم

يعني محصلة بعضعها شوية بس انا ساكن في مدينة نصر

وقالي ان عندة نوع الطفم ب 75 معفن وقالي مش علي مسئوليتي
وواحد تاني الطقم 160 او في ال range دة انا مش
فاكر الحقيقة

المهم يا جماعة انا بنبهكوا ان في نوعين علي حسب كلام الراجل اللي نضاف والباقي وحش ومش مضمون :

نوع ماليزي بعلبة في كتابة كتير صفرا

ونوع تركي اسمة busher او حاجة كدة مش فاكر

المهم ان دول النوعين النضاف والاتنين نفس التمن عندة
ب 240
بس قالي برضة اركب الماليزي بتاع بلادة احسن

وانا حاجربة وان شاء اللة اقولكم
ياريت اكون قدرت افيدكم في حاجة :k38:

[ussamalh]

تيل الفرامل

اخ محمد جزاك الله خير على النصيحة لانها جات فى وقتها انا عاوز اغير التيل خلاص و عرفت ان النوع الى موجود فى التوكيل سىء و بيصفر
بعد اذنك لو انت ركبت خلاص طمنى عمل ايه معاك التيل عشان اشترى انا كمان
اسامة

[momenhamdy]

اخ محمد جزاك الله خير على النصيحة لانها جات فى وقتها انا عاوز اغير التيل خلاص و عرفت ان النوع الى موجود فى التوكيل سىء و بيصفر
بعد اذنك لو انت ركبت خلاص طمنى عمل ايه معاك التيل عشان اشترى انا كمان
اسامة

يعني افهم من كلام حضرتك ان الي في التوكيل مش الاصلي و لا ايه
وحضرتك عرفت منين ان هو تعبان هل حضرتك جربته
ولك جزيل الشكر

[ussamalh]

نوع ماليزى

التيل نوع ماليزى بس مش النوع الاصلى الى العربية بتنزل بيه
انا ليه صديق جربه بيعمل صوت صفارة مش عارف ليه

[m7madayman]

ana bardo 3'ayart el teel el amamy b3d el 3eed ely fat we kan beysafar m3aia we 3aiez yet3'ayar tany delwa2ty :S:S:S

[M.Nabil]

بعد اذنكم ممكن اعرف هو التيل المفروض يتغير كل اد ايه؟
واعرف ازاي اني لازم اغير التيل؟

[ahmad alshaaer]

فعلا انا غيرت التيل في التوكيل ومن ساعتها بسمع صفاره مع الفرامل في وقفة السياره تحت سرعة 20 يعني عند الوقوف
لدرجة اني حاسس اني راكب 128
مش عارف امال انا بغير في التوكيل ليه
ولما تقولهم يقولولك دي وساخه على التيل
حسبي الله
انا على فكره غيرتوا على 20000 كلم
وطبعا ده مش مقياس بتبقى حسب السواقه

[m_marmoush]

على فكره يا جماعه التيل الأصلى اللى العربيه بتنزل بيه بيبقى بوش ألمانى مش ماليزى حتى

[mohamed el hussien]

يا جماعة التيل الاصلي بتاع العربية
bosch الماني وليس ماليزي
واول لما انا جبت العربية كان موجود هو بس في التوكيل ب 750
التيل الامامي والخلفي ب 505 جنية والتركيب ب 50 للامامي لوجدة والخلفي لوحدة
طبعا الناس اضايقت وقالوا حرام هيا مش bmw دي اغلي كدة
المهم التوكيل عامل ناصح وجاب تيلات ماليزي ب 250 الامامي
والخلفي نفس التمن وبرضة التركيب ب 50
وكان نوع كدة معفن علبتة اسود وكلام ازرق
وفعلا كنت اول لما تركبة تلاقية بيصفر لخد لما تغيرة
وكل لما تروح تقولهم يصنفروا وياخدوا 30 جنية علي صنفرة التيل
ويرجع تاني يصفر
المهم انا قولت يصفر يصفر ومالة ان شاء يغني بس مش حاجيب
ب 750 تيل امامي فقط دة حرام
والله اعلم ازا كان نفس النوع ونفس التمن دة في التوكيل الي الان ولا اتغيروا لان الكلام دة من فترة

المهم اول لما اكتشفت محلات برة جبت من برة علطول ب 250 الطقم
امامي وخلفي من اولاد منصور في الجيزة وكان نوع ماليزي وحش
برضة اسمة yamamoto ومش عارف هو دة اللي التوكيل بيغيروا دلوقي ولا نوع تاني
و بلاش تجيبوة النوع دة مش حلو بيعمر بس صفارة علطول


ودلوقتي في نوعين نضاف دة علي كلام التجار مش عن تجربتي الشخصية
1 نوع ماليزي العربية بيضاء وكتابتها صفراء
2 نوع تركي مش فاكر نوعة تقريبا busher حاجة كدة
بس بيقولوا الماليزي انضف حاجة حاليا

وانا ان شاء اجيب اي نوع من دول الاسبوع القادم او اللي بعدية
وقولكم عن تجربتي انا واستخدامي انا

[ussamalh]

التيل الالمانى

اكون شاكر ليك يا محمد لو تقولى التيل البوش الالمانى
نوعه ايه بالظيط الى بيمشى مع الجين 2 لانى بصراحه انا بسافر كتير
و على طرق وحشه الفرامل مهمه جدا بالنسبة ليا انا عاوز اعرف البوش بكام بره التوكيل
يعنى لو تعرف حد معين بيبعه اساله لانى اعتقد مش 750 الان خالص بره التوكيل .

[saidbakr]

موش عارف يا جماعة ايه المشكلة لما التيل يصفر؟!!!

هل صحيح إنه بياكل الطنابير؟!!!

[mohamed el hussien]

اكون شاكر ليك يا محمد لو تقولى التيل البوش الالمانى
نوعه ايه بالظيط الى بيمشى مع الجين 2 لانى بصراحه انا بسافر كتير
و على طرق وحشه الفرامل مهمه جدا بالنسبة ليا انا عاوز اعرف البوش بكام بره التوكيل
يعنى لو تعرف حد معين بيبعه اساله لانى اعتقد مش 750 الان خالص بره التوكيل .

والله يا باشا علي حد معلوماتي ان التيل ال bosch
مش موجود اصلا ولا في التوكيل ولا برة التوكيل
بس برضة اسأل ممكن تلاقية في التوكيل

[mohamed el hussien]

موش عارف يا جماعة ايه المشكلة لما التيل يصفر؟!!!

هل صحيح إنه بياكل الطنابير؟!!!

لو في الاول يبقي عادي تراب او مياة او خامة رديئة
للتيل

لكن لما يكون بيصفر علي الاخر عشان عايز يتغير
بيكون فعلا بدأ ياكل الطنبورة

[KingMu]

كنت شوقت محل فى ش دمشق ولقيت عنده التيل ب جنيه275
بس مش فاكر اسم المحل ومسالتوش على نوعه ممكن حد من اللى ساكنين قريب من ش دمشق يسال ممكن يكون هو النوع النضيف وياريت اللى يسال يبقى يقولنا

[tmz9111]

محمد جزاك الله خير