كررت الموضوع لأهميته وحتى يكون عادل هل تثق بجودة واعتمادية عربيات بروتون

[SaMeR-PrOtOn ]

السلام عليكم ورحمة الله وبركاته
انا اعتذر لاني كررت الموضوع الاستاذ صاحب الموضوع الاصلي كاتب خيارات كتيرة وبتحير في الاستطلاع الاصلي بصراحة انا قرأت الاستطلاع الأصلي وانزعجت من بعض ردود وكلام بعض الاعضاء بدون تحديد وبصراحة في بعض الاعضاء بتكتب ردود بقصد المسخرة واستفزاز الاخرين لا لإفادة باقي الأعضاء وإعطاء الرأي الصحيح بكل صدق وامانة وهذا هو اللي جبرني على تكرار الموضوع مع اني مابحب الجدال الطويل في المواضيع دي عشان كل واحد عنده يكون وجهة نظر المهم هذاا استطلاع جديد ونظيف كل واحد يعطي رأيه بكل صدق ورجاء يلي بدو يتمسخر ويستفز حدا يصوت فوق ولايكتب رد وهي انا أول واحد بصوت لاجل بروتون تحياتي ليكم

[tutankhamoun]

هاضيف على كلام يا أستاذ سامر
اللي يعطي رأيه .......... يكون عن تجربة علشان المصداقية
و أعتقد أن حضرتك فعلت رؤية من هم المصوتون .
شكرا

----------------------------------------------

بالنسبة لي
أثق فيها تماما و لو نزل موديلات تانية زي الساتريا .... هاجيب بروتون تاني لو غيرت
و كمان لو نزل جين 2 سي بي اس .... برضه ممكن أجيبها عند التغيير

[SaMeR-PrOtOn ]

هاضيف على كلام يا أستاذ سامر
اللي يعطي رأيه .......... يكون عن تجربة علشان المصداقية
و أعتقد أن حضرتك فعلت رؤية من هم المصوتون .
شكرا

----------------------------------------------

بالنسبة لي
أثق فيها تماما و لو نزل موديلات تانية زي الساتريا .... هاجيب بروتون تاني لو غيرت
و كمان لو نزل جين 2 سي بي اس .... برضه ممكن أجيبها عند التغيير

الف شكر لزوقك وحتى انا بثق تماما بالبروتون واذا قررت بدل الواجا بتاعتي رح جيب جين2 سي بي اس اذا نزلت تحياتي لحضرتك

[MohabSaeed]

انا بثق فى جوده و اعتماديه بروتون و من واقع تجريبه
اى عربيه بروتون بتديك قيمه اكتر من الفلوس الى دفعتها
و العربيه اعتماديه جدا و ده من واقع تجربه مع الويرا و الواجا .

ممكن يكون ناقصها الاهتمام ب " بعض " مش كل الخامات الداخليه . بس شوف انتا دافع كام و معاك ايه " مش حينفع تاخد كل حاجه و بسعر رخيص " .

لكن كاعتماديه معلهاش كلام .

[SaMeR-PrOtOn ]

انا بثق فى جوده و اعتماديه بروتون و من واقع تجريبه
اى عربيه بروتون بتديك قيمه اكتر من الفلوس الى دفعتها
و العربيه اعتماديه جدا و ده من واقع تجربه مع الويرا و الواجا .

ممكن يكون ناقصها الاهتمام ب " بعض " مش كل الخامات الداخليه . بس شوف انتا دافع كام و معاك ايه " مش حينفع تاخد كل حاجه و بسعر رخيص " .

لكن كاعتماديه معلهاش كلام .

10\10 يااستاذ مهاب
فعلا معليهاش كلام عن الاعتمادية بس مشكلة البروتون بسوريا سعرها المرتفع يعني سعرها تقريبا نفس سعر اللانسر والاوكتافيا والبيجو 307 والصني يعني لوكان سعرها ارخص كانت من الماركات الطاغية لان فعلا جودتها واعتماديتها عالية

[tmz9111]

لا أثق بها بوجود التوكيل الحالى
بعيدا عن التوكيل أثق بها تماما

[abo3bdolrahman]

أثق فيها تماما و جدا و خالص و الواجا معايا عامل بيها 40 الف كم دلوقتى و لو رجع بيا الزمن هاشتريها بردوا :k10: و بصراحة دلوقتى مستنى الإكسورا ال MPV الجديدة بس تكون بسعر مناسب و حتى لو كان فيه شوية مشاكل صغيرة فى العربية و اللى للأسف ظهرت على يد أعمال الصيانة فى التوكيل للإهمال فى بعض الأحيان من الفنيين بس أنا كمهندس و باشتغل فى المعدات الثقيلة فى الموانى شايف إن ده عادى و لا يؤثر على تقييم السيارة و بروتون دائما إلى الأمام.

[MuhammedSoliman]

من خلال تجربة ثلاث سنوات مع البروتون الجين 2 و66 الف كيلوا
اثق فيها تماماً بغض النظر عن بعض العيوب الصغير التى ممكن تجاوزها بالنسبة للسعر المدفوع فيها مثل ما قال الاخوه وايضا هكون اكثر ثقه لو هناك توكيل يدعمها بشكل جيد وهذا ينطبق علي جميع الماركات

تحياتى

[bahgatfouda]

فعلا العربية دى مش واخده حقها

العربية دى كويسة جدا انا معايا واجا 2007 عامل بيها 85الف يعتى العربية دى لو مع وكيل يعرف يبيع ويسوق هيكسر بيها كل المنافسين

[MohabSaeed]

العربية دى كويسة جدا انا معايا واجا 2007 عامل بيها 85الف يعتى العربية دى لو مع وكيل يعرف يبيع ويسوق هيكسر بيها كل المنافسين

ما شاء الله , ده رقم كبير فى فتره قليله جدا . ربنا يباركلك فيها و يكفيك شرها .
ياريت حضرتك تقولنا تقيمك ليها " ولو امكن فى موضوع منفصل " بعد ال85 الف كيلو نكون شاكرين جدا .